ថ្មីៗ​ក្រុមហ៊ុនផលិតរថយន្ដប្រណិត អាល្លឺម៉ង់​ Porsche បានប្រកាសថា ខ្លួននឹងកែប្រែប្រព័ន្ធថាមពលរបស់រថយន្ដ sportcar ល្បីឈ្មោះរបស់ខ្លួន Porsche 911 ទៅប្រើប្រាស់ Hybrid វិញម្ដង ក្នុងដំណើរឆ្ពោះទៅរកការប្រើប្រាស់ថាមពលស្អាត មិនបំពុលបរិយាកាស និងដើរឲ្យទាន់ទីផ្សារបច្ចុប្បន្នដែលមានតម្រូវការរថយន្ដ Hybrid និងអគ្គិសនីកាន់តែច្រើន។​

នេះមិនមែនជារឿងថ្មីនោះទេ ដោយ Porsche ក៏ធ្លាប់បានលក់រថយន្ដ Hybrid និងអគ្គិសនីសុទ្ធកន្លងមករួចទៅហើយ ដូចជា Cayenne e-Hybrid SUV និង Panamera e-Hybrid ជាដើម ហើយឆ្នាំនេះ Porsche បញ្ចេញ Panamera ជំនាន់ទី ៣, Taycan អគ្គិសនីសុទ្ធ, និង Taycan Turbo GT រីឯ Macan អគ្គិសនីសុទ្ធ ជំនាន់ទី ២ ក៏កំពុងស្ដិតក្នុងដំណាក់កាលអភិវឌ្ឍផងដែរ ដោយ 911 នឹងចូលក្នុងគ្រួសារអគ្គិសនីចុងក្រោយគេបង្អស់​។

Porsche មិនទាន់បានឲ្យពីព័ត៌មានលម្អិតពី Spec និងសមត្ថភាព របស់ 911 Hybrid នេះនៅឡើយទេ គ្រាន់តែបានឲ្យដឹងថា វាជា High Performance hybrid drive ដែលបំពាក់ dual powertrain ផ្សំគ្នារវាង ថាមពលអគ្គិសនីនៅអក្សខាងមុខ និងម៉ាស៊ីន ICE នៅអក្សខាងក្រោយ។

ក្នុងនោះដែរ វានឹងត្រូវប្រើប្រាស់បច្ចេកវិទ្យាបែប រថយន្ដប្រណាំង​ (motorsport derived technology)​។ អ្វីដែលពិសេស គឺ Porsche បន្ថែមទៀតថា គេបានធ្វើតេស្ដរត់សាកល្បងលើ 911 hybrid នេះក្នុងចម្ងាយ 4.8 លានគម នៅផ្លូវ track road និងផ្លូវធម្មតារួចមកហើយ ដោយវាអាចរត់បានល្បឿនលឿនជាង 911 ប្រើសាំងធម្មតា 8.7 វិនាទី។ 

យ៉ាងណាមិញ សម្រាប់ព័ត៌មានបន្ថែមទាក់ទង Porsche 911 Hybrid នេះ ក្រុមហ៊ុន  នឹងបង្ហាញនៅក្នុងការសម្ភោធជាផ្លូវការនៅរង្វង់ចុងឆ្នាំ ២០២៤ នេះ ក្នុងគេហទំព័រផ្លូវការរបស់ Porsche ផងដែរ។ 

អត្ថបទ៖ Andra 

ប្រភព៖ CNN Business 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!