ថ្មីៗនេះ Nissan ចេញម៉ូដែលឡានអគ្គិសនីប្រភេទ crossover ថ្មី ឈ្មោះថា Nissan Hyper Punk​ ក្នុង concept ឡានអគ្គិសនីអនាគតរបស់ខ្លួនដែលចេះយល់ចិត្តម្ចាស់ ចេះស៊ីរ៉េបរិយាកាសតាមអារម្មណ៍អ្នកបើកទៀត។ 

ឡានអគ្គិសនីទី ៤ ក្នុងគម្រោងឡានអគ្គិសនីអនាគតរបស់ Nissan ដែលបានបង្ហាញនៅ Japan Mobility Show 2023 ឆ្នាំនេះ ជាប្រភេទ crossover ដែលរចនារូបរាងប្លែកយកស្ដាយការ design បែប futuristic រាងជ្រុងដូចបត់ក្រដាស និងកង់ដែលមានភ្លើង pattern រាងជាត្រីកោណ ផ្ដល់សោភណ្ឌភាពប្លែកមួយបែប នៅពេលកង់ចាប់ផ្ដើមវិលរត់លើដងផ្លូវ។​ 

​ផ្នែកខាងក្នុងរចនាមួយហំដូច Mobile Creative studio ដែលលក្ខណៈពិសេសរបស់វានោះគឺ ប្រព័ន្ធ AI និង biosensors ដែលបំពាក់នៅនឹងខ្នងផ្អែកកៅអីអ្នកបើកបរ អាចចាប់បានការផ្លាស់ប្ដូរអារម្មណ៍របស់អ្នកបើកបរ និងបញ្ជាទៅមុខងារនៅក្នុងរថយន្ដបាន ឧទាហរណ៍ដូចជា ដំឡើង ទម្លាក់ភ្លើងឲ្យស្រទន់ ប្រើភ្លើង Ambient ឬ ប្ដូរបទចម្រៀងអីជាដើម ដែលសម្រួលដល់អ្នកបើកបរក្នុងការរផ្ដោតអារម្មណ៍លើការបើកបរវិញ។

បន្ថែមពីនេះទៅទៀត វាមានបំពាក់កាមេរ៉ា ភ្ជាប់បច្ចេកវិទ្យាកម្រិតខ្ពស់ដែលអាចថតរូបទេសភាពនៅខាងក្រៅរថយន្ដមួយជុំតួខ្លួន ហើយបំប្លែងទៅជារូបតុក្កតា manga ដែលបញ្ចាំងទៅក្នុងរថយន្ដតាម 3D Display ផងដែរ ធ្វើឲ្យអ្នកបើកបរ និងអ្នករួមដំណើរនៅខាងក្នុងមានអារម្មណ៍ថាដូច តួឯកក្នុងរឿង Blade Runner ឬក្នុងវីដេអូហ្គេម Cyber Punk ដូច្នោះដែរ​ អមជាមួយនឹងសេវាអិនអឺណេតនៅក្នុងរថយន្ដលឿនរហ័ស ដែលអាចឲ្យអ្នកប្រើប្រាស់ភ្ជាប់ប្រើបានជាមួយឧបករណ៍ច្រើនប្រភេទ។

សម្រាប់អតិជនដែលជាអ្នកចូលចិត្ដលេងហ្គេម Hyper Punk នេះនឹងបង្ហាញខ្លួននៅក្នុងវីដេអូហ្គេម Fortnite ក្នុងពេលឆាប់ៗនេះ ដែលអ្នកអាចទាញយកមកប្រើបាន។ នៅក្នុងការតាំងពិព័រណ៌នេះ Nissan មិនបានឲ្យដឹងច្បាស់លាស់ថា ក្រុមហ៊ុននឹងធ្វើ concept នេះ​ សម្រាប់ទីផ្សារ ឬអត់ទេ គ្រាន់តែបានដាក់បង្ហាញ Hyper Punk ជាមួយបងប្អូនរបស់វាមានដូចជា Hyper Urban, Hyper Adventure, និង Hyper Tourer តែគេរំពឹងថា បើទោះបីជាមិនលក់ទាំងស្រុង ក៏បច្ចេកវិទ្យាផ្សេងៗរបស់ concept នេះនឹងត្រូវដាក់បញ្ចូលទៅក្នុងរថយន្ដអគ្គិសនីសម្រាប់ទីផ្សារសេរីថ្មីៗ របស់ Nissan ផងដែរ។​

ប្រភព៖ MotorTrend 

អត្ថបទ​៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!