បន្ទាប់ពីប្រកាសចេញ supercar Special Edition ពីរម៉ូដែល ដែលជាកូនពៅ និងជាកាដូចុងក្រោយ មុននឹងបញ្ចប់ផលិតកម្មរថយន្ដត្រកូល R35 GT-R ដែលជា iconic supercar របស់ខ្លួន នៅក្នុងឆ្នាំ ២០២៤ នេះ Nissan គ្រោងណែនាំអ្នកស្នងដំណែងថ្មី R36 GT-R ដែលអាចប្រើប្រាស់អគ្គិសនីសុទ្ធ ជាមួយនឹងការរចនា និងបច្ចេកវិទ្យា យកតាម Nissan Hyper Force Concept។ 

តាមការឲ្យដឹងនៅក្នុងកិច្ចសម្ភាសពីលោក​ Francois Bailly អនុប្រធានក្រុមហ៊ុន Nissan ប្រចាំតំបន់ AMIEO (Africa, Middel East, India, Europe, and Oceania) បានឲ្យដឹងថា Nissan នឹងនៅតែបន្ដការផលិត Sportcar និង Supercar ដដែល ហើយសម្រាប់ GT-R ជំនាន់ថ្មី (R36) នឺងអាចប្រើប្រាស់ប្រព័ន្ធអគ្គិសនីសុទ្ធ ហើយផលិតកម្មរបស់វា ប្រហែលជាត្រូវចំណាយពេលបន្ដិច ដោយសារតែក្រុមហ៊ុនកំពុងស្ថិតក្នុងដំណាក់កាលអភិខ្ឍថ្មបច្ចេកវិទ្យាថ្មី ASSB (All Solid State Battery) សម្រាប់ផែនការឆ្ពោះទៅរកការផលិតរថយន្ដអគ្គិសនីសុទ្ធរបស់ខ្លួន មួយវិញទៀត ក្រុមហ៊ុនមិនចង់ចេញរថយន្ដលឿនតែសមត្ថភាពអន់នោះទេ ដូច្នេះសុខចិត្តចេញយឺត តែមួយដឹងមួយ។ 

ក្រៅពីនេះ Nissan មិនទាន់បានឲ្យដឹងទេថា R36 នឹងចេញមករបៀបម៉េច ទាំងរូបរាង និងសមត្ថភាព តែមានការសន្និដ្ឋានជា ជាច្រើនថា វាអាចយកការចនា និងបច្ចេកវិទ្យាពីគម្រូរថយន្ដ Hyper Force EV concept ដែល Nissan បង្ហាញមុខឲ្យឃើញក្នុងកម្មវិធីពិព័រណ៌យានយន្ដ Tokyo Motor Show កាលពីឆ្នាំមុន ដោយវាជាប្រភេទ Supercar ដែរ និងប្រើប្រាស់អគ្គិសនីសុទ្ធ ជាមួយថាមពល ១០០០kW និងបច្ចេកវិទ្យា “e-4ORCE” រត់ដោយប៉ុងពីរ (All wheel drive)។

ស្របពេលជាមួយគ្នានេះ ក៏មានលេចឮដំណឹងដែរថា GT-R ថ្មីប្រហែលមិនទាន់ប្ដូរទៅអគ្គិសនីទាំងស្រុងនៅឡើយទេ​ តែ​នឹងប្រើប្រាស់ប្រព័ន្ធ Hybrid សិន​ ដែលជាកូនកាត់រវាងអគ្គិសនី​ និងម៉ាស៊ីន ៣.៦លីត្រ twin-turbo V6 របស់ R35។ 

យ៉ាងណាក៏ដោយមានតែចាំមើលការប្រកាសពី Nissan ផ្ទាល់ដែលគេរំពឹងថា នឹងទទួលបានព័ត៌មានច្បាស់ការបន្ទាប់ពី Special Edition របស់​ R35 GT-R ចេញជាផ្លូវការនៅរង្វង់ឆ្នាំ ២០២៦ ឬពេល Nissan សម្រេចការអភិវឌ្ឍថ្ម ASSB របស់ខ្លួនជាផ្លូវការនៅឆ្នាំ ២០២៨។

អត្ថបទ៖ Andra 

ប្រភព៖ Drive 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!