ផ្លូវល្បឿនលឿនភ្នំពេញ-បាវិត នឹងបើកការដ្ឋានសាងសង់នៅថ្ងៃទី ០៧ មិថុនា ២០២៣ ខាងមុខនេះ

ចំនួនអ្នកទស្សនា

អ្នកទស្សនា

155

ក្រសួងសាធារណការ និងដឹកជញ្ជូន ប្រកាសថា គម្រោងផ្លូវល្បឿនលឿនភ្នំពេញ-បាវិត ត្រូវបានអនុម័តសម្រេច បើកការដ្ឋានសាងសង់នៅថ្ងៃទី ០៧ ខែ មិថុនា ឆ្នាំ ២០២៣ ខាងមុខនេះ ជាមួយនឹង អធិបតីខ្ពង់ខ្ពស់ពីប្រមុខរដ្ឋាភិបាលកម្ពុជាសម្ដេចតេជោ ហ៊ុន សែន។

<i>គម្រោងផ្លូវល្បឿនលឿនភ្នំពេញ-បាវិត</i> — *គម្រោងផ្លូវល្បឿនលឿនភ្នំពេញ-បាវិត*

បន្ទាប់ពីសម្រេចបានសមិទ្ធផលផ្លូវល្បឿនលឿន ភ្នំពេញ-ព្រះសីហនុ ទទួលបានជោគជ័យគួរឲ្យកត់សម្គាល់ កម្ពុជា បានរៀបគម្រោង សាងសង់ផ្លូវល្បឿនលឿនទី ២ ពី ភ្នំពេញ-បាវិត នេះ គ្រោងភ្ជាប់ជាមួយនឹងផ្លូវល្បឿន ម៉ុកបៃ-ហូជីមិញ ដែលនឹងសាងសង់រួចក្នុងពេលដំណាលគ្នានេះដែរ ក្នុងគោលបំណង សម្រួលការធ្វើដំណើរ និង ការដឹកជញ្ជូនទំនិញ ឆ្លងព្រំដែនឲ្យកាន់តែមានភាពឆាប់រហ័ស។

<i>គម្រោងផ្លូវល្បឿនលឿនភ្នំពេញ-ព្រះសីហនុ</i> — *គម្រោងផ្លូវល្បឿនលឿនភ្នំពេញ-ព្រះសីហនុ*

សូមជម្រាបថា ផ្លូវល្បឿនលឿនភ្នំពេញ-បាវិត នេះជាផ្លូវថ្មីទាំងស្រុង ប្រវែង ១៣៨ គម ចេញពីចំណុចផ្លូវក្រវ៉ាត់ក្រុងទី ៣ រាជធានីភ្នំពេញ កាត់ខេត្តកណ្ដាល ព្រៃវែង និងស្វាយរៀង ឆ្ពោះទៅក្រុងបាវិត ព្រំដែន កម្ពុជា-វៀតណាម ដែលបូកជាមួយនឹង ការសាងសង់ស្ពានផ្លូវឆ្លងកាត់ទន្លេមេគង្គប្រវែង ៥ គម (ស្ពានសុទ្ធ ១៧៦១ ម៉ែត្រ ឬជិត ២ គីឡូម៉ែត្រ) ដែលទើបតែបើកការដ្ឋានសាងសង់កាលពីខែ មករា កន្លងទៅនេះ និងគ្រោងបញ្ចប់នៅឆ្នាំ ២០២៦។