បងប្អូនប្រហែលជាធ្លាប់បានដឹងរួចមកហើយថា ម៉ូឌែល UX ជារថយន្ដចំណូលថ្មីរបស់ Lexus ដែលផលិតដំបូងនៅឆ្នាំ២០១៩ មានឈ្មោះថា UX200 ក្នុងប្រភេទជា Crossover SUV ហើយក៏ជារថយន្ដដំបូងដែល Lexus ឌីស្សាញបែបទម្រង់អានាគត ឬជា Testing Concept ។
ថ្មីៗនេះ Lexus ទើបតែបញ្ចេញតម្លៃជាងផ្លូវការនៅម៉ូឌែល UX 300hស៊េរីឆ្នាំ ២០២៥ ជាមួយតម្លៃចាប់ពី ៣៧,៤៩០ដុល្លារ ដល់ ៤៥,៩៥៥ដុល្លារ ខណៈស៊េរីឆ្នាំមុនតម្លៃចន្លោះពី ៣៦៤៩០ដុល្លារ ដល់ ៤៤,៩៥៥ដុល្លារ អមជាមួយជម្រើស Trim/Option ចំនួន ៤ UX 300h, UX300h Premium, UX300h F Sport Desing, UX300h F Sport Handling ។
បើនិយាយពីភិនភាគវិញ UX គឺជារថយន្ដដែលមានទំហំតូចជាង NX និង RX ក្នុងប្រភេទ Crossover SUV របស់ Lexus ។ ជាក់ស្ដែង UX មានប្រវែង ៤៤៩៥ម.ម ទទឹង ១៨៤០ម.ម កម្ពស់ទាបល្មម ១៥៤០ម.ម នឹងទម្ងន់ ១តោនជាង។
UX ស៊េរីឆ្នាំ២០២៥ បំពាក់ម៉ាស៊ីន Hybrid ៤ស៊ីឡាំង ២.០លីត្រ ប្រើអាគុយ lithium-ion ជំនួយដោយមូទ័រអគ្គិសនីជំនាន់ថ្មី អាចផលិតកម្លាំងបានដល់ទៅ ១៩៦សេះ (ស៊េរីឆ្នាំមុន ១៨១សេះ) រត់ដោយប្រអប់លេខ CVT បង្វិលកង់ដោយជម្រើសប៉ុង១ FWD នឹងប៉ុង២ AWD ជាមួយសន្ទុះល្បឿនពី ០ ទៅ ១០០គីឡូម៉ែត្រចាយពេលត្រឹម ៧.៩វិនាទីប៉ុណ្ណោះ។
ចំពោះកម្រិតស៊ីសាំងរបស់ UX300h ស៊េរីឆ្នាំ២០២៥នេះ ស៊ីខ្ទង់ ៥លីត្រ ទៅ ៦លីត្រ ក្នុង១០០គីឡូម៉ែត្រ ខណៈស៊េរីឆ្នាំមុនស៊ីខ្ទង់ ៧លីត្រ។
ទោះបីជារូបរាងមិនទាន់មានការផ្លាស់ប្ដូរ តែប្លុកម៉ាស៊ីន ជាមួយផ្ទៃខាងក្នុង UX ឆ្នាំ២០២៥ នេះប្លែកថ្មីគួរសម។ សម្រាប់ផ្ទៃខាងក្នុង Lexus មិនទាន់កែប្រែទាំងស្រុងឡើយ គ្រាន់តែផ្នែកខ្លះដូចជាប៉ូតុងផ្សេងៗត្រូវបានកាត់បន្ថយ ដោយប្រើរួមជាមួយអេក្រង់ថាច់ទំហំដល់ទៅ ១២.៣អ៉ីង ចង្កឹះលេខប្រភេទថ្មី ក្រៅពីនឹងដូចជាមិនមានអ្វីប្លែកច្រើនពីស៊េរីឆ្នាំមុនឡើយ។
ចំពោប្រព័ន្ធបច្ចេកវិទ្យាសុវត្ថិភាពវិញ UX ទទួលបានកញ្ចប់ Toyota Safety Sense 3.0 ជាស្ដង់ដារតែម្ដង៕
ដោយ៖ Bunsak
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Stargazer ជាមាន់ថ្មីរបស់ Hyundai ប្រភេទឡាន MPV 7កៅអី ទំនើប ជាមួយតម្លៃតែ 3 ម៉ឺនដុល្លារបន្ដិចប៉ុណ្ណោះ
Geely Starray 2025 តម្លៃ 3 ម៉ឺនដុល្លារជាង កំពុងបោះជំហានចូលទឹកដី កម្ពុជា ក្នុងទម្រង់ជាឡានអនាគត
ជាឡានចំណូលថ្មីតម្លៃតែ 3ម៉ឺនដុល្លារជាង Toyota Veloz 2024 រាងស្លីម 7កៅអី ទំនើបហើយ សន្សំសំចៃខ្ពស់ទៀត
ធ្វើអាតូចមិនគ្រប់ ធ្វើអាធំបន្ថែម, BYD ចេញ concept ឡាន SUV ៧ កៅអីថ្មី គ្រោងចេញឆាប់ៗនេះ