ក្រោយចេញមុខ បង្អួតរាង ចាយសម្រស់ ថ្មីៗនេះ រថយន្ដពេញនិយម Toyota Prius Prime SE សេរីឆ្នាំ ២០២៣ បានចូលមកដល់ទីផ្សារកម្ពុជាហើយ ជាមួយតម្លៃទាំងពន្ធនាំចូល ដឹកជញ្ជូន និងថ្លៃកាត់ឈ្មោះជាដើមគឺខ្ទង់ ៨ មុឺនដុល្លារស្ដើង។
តាមរយៈភ្នាក់ងារជួយទិញឡានពីអាមេរិកមកកម្ពុជាមួយបានឲ្យដឹងថា ពេលនេះរថយន្ដ ដែលមានការពេញនិយមប្រើប្រាស់ ច្រើននៅស្រុកខ្មែរ Toyota Prius Prime សេរីថ្មីឆ្នាំ ២០២៣ option SE មានមុខនៅកម្ពុជាហើយ ជាមួយតម្លៃដើម ៤២ ០០០ ដុល្លារ, បូកតម្លៃពន្ធនាំចូល ៣៥ ៧៥១ ដុល្លារ, តម្លៃដឹកជញ្ជូន ១ ៧៥០ ដុល្លារ, តម្លៃឯកសារនៅខ្មែរ ៩០០ ដុល្លារ, ថ្លៃកាត់ឈ្មោះនៅអាមេរិក ៨៩៩ ដុល្លារ, ថ្លៃសេវាកម្មរបស់ក្រុមហ៊ុននាំចូលនៅកម្ពុជា ៥០០ ដុល្លារ និងថ្លៃសេវាកម្មក្រុមហ៊ុននៅអាមេរិក ២០០០ ដុល្លារទៀត សរុបទាំងអស់គឺ ៨៣ ៨០០ ដុល្លារ។
សូមជម្រាបជូនពី Spec និងលក្ខណៈខ្លះៗរបស់ Toyota Prius Prime SE ២០២៣ ជាប្រភេទ Plug-in Hybrid បំពាក់ម៉ាស៊ីន ២.០ លីត្រ កម្លាំង ១៦០ សេះ និងម៉ូទ័រអគ្គិសនីជំនួយកម្លាំង ៩៩ សេះ បូកនឹងថ្ម lithuim ion ដែលអាចឲ្យវារត់បានជិត ៦០ គម ដោយប្រើអគ្គិសនីសុទ្ធ ក្នុងនោះ វាប្រើស្ដង់ដារស្ថាបត្យកម្មបែប TNGA-C របស់ Toyota រត់ដោយប៉ុងមុខ Front Wheel Drive និងប្រើប្រអប់លេខអូតូ, អាចជាន់ស្ទុះពី ០ ទៅ ១០០គម/ម៉ ប្រើពេល ៦.៧ វិនាទី។ កម្រិតស៊ីសាំងជាមធ្យមខ្ទង់ ៥.៦ លីត្រ/១០០ គម ក្នុងក្រុង និង ៦ លីត្រ ផ្លូវហាយវេ។
ផ្នែកខាងក្នុងប្រណិត មានអេក្រង់ touchscreen ទំហំ ៨ អិង, ប្រើប្រព័ន្ធសម្លេង JBL Audio System មាន USB-C port ចំនួន ៦ និងអាចភ្ជាប់ប្រព័ន្ធ Apple CarPlay និង Android Auto ឥតខ្សែបាន។ ក្នុងនោះ វាក៏មានមុខងារប្រព័ន្ឌសុវត្ថិភាពជាច្រើន និងគួរឲ្យកត់សម្គាល់ដូចជា suround view camera, ប្រព័ន្ធជំនួយការចត, ប្រព័ន្ឌចាប់ហ្វ្រាំង ស្វ័យប្រវត្តិពេលមានអាសន្ន (Automated Emergency Braking), ប្រព័ន្ឌជំនួយការពេលប្ដូរគន្លង (land-departure warning and lane keeping assist), និង adaptive cruise control ជាដើម។
សូមជម្រាបជូនដែរថា សម្រាប់ Prius Prime ២០២៣ នេះ ក្រៅតែពី trim SE ក៏មាន trim ២ ផ្សេងទៀតដែរដូចជា XSE និង XSE Premium ដែលរំពឹងថានឹងធ្លាក់មកដល់ទីផ្សារកម្ពុជាឆាប់ៗនេះ។
ប្រភព៖ Car and Driver
អត្ថបទ៖ Andra
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
MG G50 ជារថយន្តប្រភេទ MPV ដែលលក់ដាច់ខ្លាំងបំផុតនៅប្រទេសហ្វីលីពីននិងវៀតណាម ហើយបច្ចុប្បន្ននេះគឺមានលក់នៅកម្ពុជាហើយ
បច្ចុប្បន្ន Camry ឆ្លាម មានសន្ទុះទីផ្សារគ្រាន់បើក្នុងរង្វង់រថយន្ដតម្លៃខ្ទង់ 4 ទៅ 6ពាន់ដុល្លារ ខណៈឡាន Sedan របស់ជប៉ុននេះអាយុកាលក្បែរ 30ឆ្នាំហើយក្ដី
Kia Picanto 2024 ប្រភេទមួយទឹកស្លាកលេខឃើញមានលក់បណ្ដើរៗហើយ តម្លៃក្រោម 2ម៉ឺនដុល្លារ ល្មមពិចារណាដែរអត់?
CR-V ឆ្នាំ 2020-2023 អត់ទំនើបតែធន់សន្សំសំចៃខ្ពស់ មិនស្មុកស្មាញច្រើនស្រួលប្រើ គ្រាន់តែតម្លៃនៅរាងខ្ពស់បន្ដិច
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
មកដឹងមូលហេតុដែល Toyota បញ្ឈប់ការផលិត Toyota Rush ខណៈស្រុកខ្មែរត្រូវប៉ាន់ នឹងលក់ដាច់គ្មានសល់
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024