មកដឹងទីតាំងចំណតឡានក្រុង ជិះហ្រ្វីទៅស្រុក ថ្ងៃចូលឆ្នាំនេះ តាម QR Code

ចំនួនអ្នកទស្សនា

អ្នកទស្សនា

249

ថ្ងៃទី ១៣ ខែ មេសា ស្អែកនេះ ជាថ្ងៃដំបូង នៃការចាប់ផ្ដើមប្រតិបត្តិការដឹកជញ្ជូនប្រជាពលរដ្ឋទៅស្រុក និងត្រឡប់មកពីស្រុកវិញដោយ ឥតគិតថ្លៃ ដែលមានរយ់ៈពេលសរុប ៥ ថ្ងៃពេញ ពីថ្ងៃទី ១៣ ដល់ ១៧ មេសា ឆ្នាំ ២០២៣ នេះ។

អាស្រ័យហេតុនេះ ដើម្បីឲ្យកាន់តែមានភាពងាយស្រួល រដ្ឋករស្វយ័តដឹកជញ្ជូនរថយន្ដក្រុង City Bus រាជធានីភ្នំពេញ បានបង្ហាញជា QR Code សម្រាប់តំណភ្ជាប់ទៅកាន់ទីតាំងចំណតរថយន្ដ និងទិសដៅនីមួយៗ នៅលើ Google Map ឲ្យបងប្អូនប្រជាពលរដ្ឋ អាចចូលទៅមើលទីតាំងចំណតនីមួយៗបានឆាប់រហ័ស។

ស្កេន QR Code ខាងក្រោម៖

339853936_174624108793050_5387738776164763966_n (1).jpg

គួររំឭកផងដែរថា ការផ្ដល់ជូនសេវាដឹកជញ្ជួនដោយឥតគិតថ្លៃនេះ គឺដើម្បីសម្រាលការលំបាក និងការចំណាយរបស់ពលរដ្ឋ ដោយសារការការឡើងថ្លៃរបស់តាក់ស៊ី ឬឡានឈ្នួលផ្សេងៗ ហើយសម្រាប់ឆ្នាំនេះ មានរថយន្ដបម្រើសេវាដល់ទៅ ៣៤៥ គ្រឿង ច្រើនជាងឆ្នាំមុនដែលមាន ១៧៥ គ្រឿង។

សូមបញ្ជាក់ផងដែរថា សម្រាប់ម៉ោងចេញដំណើរគឺគ្រប់ខ្សែ មិនថាពីភ្នំពេញ ទៅ បណ្ដាខេត្ត ឬ ពីបណ្ដាខេត្ត មកភ្នំពេញ នឹងចេញក្នុងពេលតែមួយ គឺនៅរៀងរាល់ ម៉ោង ៥ និង ៣០ នាទី ព្រឹក ដូច្នេះ សូមបងប្អូនប្រញាប់រួសរាន់ ទៅឲ្យទាន់ពេលវេលា នៅតាមចំណតដែលបានកំណត់។

សម្រាប់ព័ត៌មានបន្ថែម ទាក់ទងម៉ោងចេញដំណើរ និងចំណតរថយន្ដ សូមពិនិត្យមើលលើសេចក្ដីជូនដំណឹងខាងក្រោម៖