កាលពីពេលថ្មីៗនេះ តាមការចុះផ្សាយពីសារព័ត៌មានអង់គ្លេស BBC បានឲ្យដឹងថា ក្រុមហ៊ុនផលិតរថយន្ដ លំដាប់ Rolls Royce បានចុះហត្ថលេខា ជាមួយនឹងរដ្ឋាភិបាល​ អង់គ្លេស ជាមួយទឹកប្រាក់ជាង ៣.៥ លានដុល្លារ ក្នុងគម្រោងសិក្សាផលិតយានហោះទៅឋានព្រះចន្ទ និង ភពអង្គារ​ ប្រើប្រាស់ បច្ចេកវិទ្យា Nuclear Microreactor និងសមាសធាតុ អ៊ុយរ៉ាញ៉ូម (uranuim) ។ 

សម្រាប់គម្រោងនេះ ក្រុមហ៊ុន Rolls Royce នឹងធ្វើការជាមួយទីភ្នាក់ងារអវកាសរបស់ចក្រភពអងគ្លេស (UK Space Agency)  ដើម្បីធ្វើការពិសោធន៍, អភិវឌ្ឍន៍ និងរៀបចំ គម្រោងនេះ បើយោងតាមសម្ដីរបស់លោក Pual Bate នាយកប្រតិបត្តិរបស់ភ្នាក់ងារអាវកាសអាមេរិក បានឲ្យដឹងថា គម្រោងនេះ ធ្វើឡើងក្នុងគោលបំណង ទៅធ្វើទីស្នាក់ការអាវកាសនៅលើភពទាំងពីរ​ ដើម្បីទ្រទ្រង់ បេសកកម្មការរុករក ស្រាវជ្រាវលើអាវកាស ហើយការប្រើប្រាស់ថាមពល Nuclear ជាមួយបច្ចេកវិទ្យាថ្មី Microreactor របស់ Rolls Royce នេះ នឹងជួយសម្រួលដំណើរការស្រាវជ្រាវ បានរហ័សជាងមុន ដោយវាអាចផ្ទុក និងផ្ដល់ថាមពលបានច្រើន ពន្យារពេលធ្វើការនៅលើលំហរបានយូរ។ 

លោកស្រី Abi Clayton ប្រធានគ្រប់គ្រងកម្មវិធី បានមានប្រសាសន៍ដែរថា ក្នុងការផលិតនេះ ក៏ជាប្រយោជន៍សម្រាប់បង្កើនធនធានមនុស្សជំនាញ និងការប្រើប្រាស់បច្ចេកវិទ្យា ក្នុងការងារលើផែនដីផងដែរ ដូចជាវិស័យ Robotic, គ្រឿងយន្ដ, និងតម្រូវការថាមពលប្រើប្រាស់ប្រចាំថ្ងៃ ជាដើម ហើយ ក្រៅតែពីភ្នាក់ងារអាវកាស​ ក្រុមហ៊ុន (Rolls Royce) ក៏នឹងធ្វើការជាមួយសកលវិទ្យាល័យបច្ចេកវិទ្យាល្បីៗ លើគម្រោងនេះ ដូចជា the University of Oxford, University of Bangor, University of Bridgeton, University of Shrffield’s Advanced Manufacturing Research Centre (AMRC) and Nuclear AMRC ផងដែរ។ 

Rolls Royce បានឲ្យដឹងដែរថា ក្រុមហ៊ុនគ្រោងសិក្សាឲ្យរួចរាល់ នៅរង្វង់ឆ្នាំ ២០២៩ ដើម្បីជាការស្វាគមន៍ ការវិលត្រឡប់ទៅភពព្រះចន្ទវិញ បន្ទាប់ពីកន្លងផុតអស់ជាង ៥០ ឆ្នាំ។ គួរបញ្ជាក់ថា ក្រៅតែពី Rolls Royces, ភ្នាក់ងារអាវកាស NASA, ភ្នាក់ងារស្រាវជ្រាវការពារជាតិ​កម្រិតខ្ពស់ (DARPA), មជ្ឈមណ្ឌល វិទ្យាសាស្រ្ដ និងបច្ចេកវិទ្យា ចិន ជាដើម ក៏កំពុងស្រាវជ្រាវធ្វើការលើ ការប្រើប្រាស់ថាមពល Nuclear សម្រាប់ការងារអាវកាសនេះ ដូចគ្នា។

ប្រភព៖ BBC 

អត្ថបទ៖ Andra