ក្នុងរយៈពេលកន្លះឆ្នាំមកនេះ ម៉ូឌែល Hunter 350cc បានក្លាយជាម៉ូតូដែលលក់ដាច់បំផុតរបស់ Royal Enfield ក្នុងប្រទេសកម្ពុជា ដោយសារគុណភាព កម្លាំង ការរចនា និងតម្លៃរបស់វា។ ប្រសិនបើអ្នកក្រឡេកមើលចំនួនម៉ូតូ Hunter​ មានការជិះច្រើនជាពិសេសម៉ូឌែលមួយនេះវាយលុកនៅលើដងវិថីបង្ហាញពីស្តាយយ៉ាងទាក់ទាញបំផុត ជាមួយនឹងជម្រើសទាំង 6 ពណ៌។

Hunter 350 សម្របខ្លួនបានយ៉ាងឆាប់រហ័សនៅលើទីផ្សារ សម្រាប់ម៉ូតូដែលមានទំហំតូច តែកម្លាំងម៉ាស៊ីនធំ។ រូបរាងថ្មីនេះកំពុងអង្រួនចិត្តអតិថិជនកាន់តែច្រើនទៅៗ ព្រោះសូម្បីតែម៉ូតូធំ ក៏នៅតែអាចជិះបានយ៉ាងងាយស្រួលផងដែរ។

Royal Enfield Hunter 350 គឺជាប្រភេទទោចក្រយានយន្តដែលពេញនិយម និងមានភាពទាក់ទាញ។ កម្លាំងរបស់ Hunter 350 គឺជាម៉ាស៊ីនស៊ីឡាំងមួយ ដែលមានកម្លាំង 349cc, ភ្ជាប់ជាមួយប្រព័ន្ធ Air-cooled និង ប្រើប្រាស់ប្រព័ន្ធប៊ិចសាំង ដែលបញ្ចេញកម្លាំងសេស 20.2 bhp និងកម្លាំងសន្ទុះ​ 27 Nm នៃកម្លាំងបង្វិលជុំខ្ពស់បំផុត។ ម៉ាស៊ីននេះភ្ជាប់មកជាមួយប្រអប់លេខ 5វគ្គ។ ​

ចំណុះ​ធុង​សាំងផ្ទុកបាន ​13 លីត្រ និង ​ក្នុង1លីត្រ​អាចជិះបានក្នុងចម្ងាយ​ 35 គីឡូម៉ែត្រ​។ Hunter 350 គឺជាម៉ួតូភ្ជាប់ជាមួយការបើកបរដោយភាពរីករាយ និងផាសុកភាពបំផុតដែលផ្តោតទៅលើប្រភេទម៉ូតូ J-Series ក្នុងពេលបច្ចុប្បន្ននេះ។

លក្ខណៈពិសេសរបស់ Royal Enfield Hunter 350 គឺប្រើប្រាស់កុងទ័រឌីជីថល ភ្ជាប់ជាមួយនឹងបច្ចេកវិទ្យាថ្មីហៅថា Tripper ដែលសម្រាប់ប្រើប្រាស់ជាមួយ Google Map (Tripper នេះត្រូវបានដាក់លក់ជាប្រភេទគ្រឿង Accessory សម្រាប់អតិថិជនដែលមានបំនងចង់បន្ថែមវានៅលើម៉ូតូ) វាបំពាក់ជាមួយហ្វ្រាំងឌីសនៅខាងមុខ និង ហ្វ្រាំង Anti-lock Braking System​ ហៅកាត់ថា ABS ។

Hunter 350cc ងាយស្រួលក្នុងការជិះ ជាមួយនឹងកម្ពស់មិនខ្ពស់ពេក មិនទាបពេក និងទម្ងន់ស្រាល សាកសមបំផុតទាំងបុរស​និងស្ត្រី។ ស្បែកកែបរបស់​ Hunter មានកម្ពស់ 790mm ងាយស្រួលក្នុងការឡើងចុះ និងបង្កើតបទពិសោធន៍ថ្មីនៃការជិះប្រកបដោយផាសុកភាព សាកសមបំផុតសម្រាប់ការបើកបរនៅក្នុងទីក្រុង។

សម្រាប់តម្លៃគួរឱ្យទាក់ទាញបានដើរតួយ៉ាងសំខាន់ក្នុងការធ្វើឱ្យ Hunter ក្លាយជាម៉ូតូដែលលក់ដាច់បំផុតនៅក្នុងប្រទេសកម្ពុជា ។តម្លៃចាប់ពី 3xxx ដុល្លារ ពិតជាសាកសមសម្រាប់អ្នកដែលស្រលាញ់ម៉ូតូធំក៏ដូចជាចង់សាកល្បងប្រើដំបូងជាមួយប្រភេទម៉ូតូធំ៕

ប្រភព៖ អត្ថបទពាណិជ្ជកម្ម (Sponsored)

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto