សម្រាប់បងប្អូនប្រជាពលរដ្ឋនៅភ្នំពេញដែលមិនទាន់ដឹងថា មានគម្រោងទៅណា ថ្ងៃចុងសប្ដាហ៍ អាចទៅទទួលបទពិសោធន៍ជិះរថភ្លើង Royal Railway លេងកម្សាន្ដ ផឹកកាហ្វេមើលទេសភាពបាន ដោយចំណាយតែចាប់ពី ២០០០ រៀលទៅប៉ុណ្ណោះ។ 

តាមការផ្សាយពី Royal Railway Cambodia ថ្មីៗនេះ ឲ្យដឹងថា សម្រាប់ថ្ងៃចុងសប្ដាហ៍ (សៅរ៍-អាទិត្យ) តម្លៃសំបុត្ររថភ្លើងនឹងបញ្ចុះមកនៅត្រឹម ២០០០ រៀល/ម្នាក់ សម្រាប់កូនក្មេង និង ៥០០០ រៀល/ម្នាក់ សម្រាប់ភ្ញៀវជាមនុស្សធំ លើការជិះទៅ និងត្រឡប់មកវិញ ក្នុងទិសដៅពី ស្ថានីយ៍រថភ្លើងភ្នំពេញ ទៅចំណតសំរោង (ពោធិ៍ចិនតុង) ដោយចេញដំណើរពីរពេលនៅម៉ោង ១០:០០ ព្រឹក និងម៉ោង ១៤: ០០ (២ៈ ០០ រសៀល)។ 

សូមជម្រាបជូនដែរថា សម្រាប់ការប្រមូសិននេះ គឺនឹងផ្ដល់ជូនដល់ភ្ញៀវដែលបានជាវភេសជ្ជៈពីហាងកាហ្វេរថភ្លើងតែប៉ុណ្ណោះ ហើយវិធីក្នុងការទិញ ឬ កក់សំបុត្រ អាចអញ្ជើញមកផ្ទាល់នៅបញ្ជរនៅស្ថានីយរថភ្លើងក៏បាន និងកក់តាមលេខទូរសព្ទ ០៧៨​ ៨៨៨ ៥៨២​ ឬ ០៧៨ ៨៨៨ ៥៨៣ ក៏បាននិងអាចវេរលុយបានតាមរយៈវីងតែមួយគត់។ 

ប្រភព​៖ Royal Railway Cambodia 

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!