SsangYong Cambodia កំពុងដុតដៃដុតជើងត្រៀមខ្លួនទទួលសមាជិកចាស់ តែរូបរាងថ្មី និងរសជាតិថ្មី ខុសពីឆ្នាំមុនៗនៃត្រកូល Crossover SUV របស់ខ្លួនគឺម៉ូឌែល All-New Tivoli XLV ស៊េរីឆ្នាំ 2024។ សម្រាប់ Tivoli ឆ្នាំនេះហាក់ខុសប្លែកពីមុនដោយ រូបរាងទាំងមូលត្រូវបានពង្រីកឲ្យធំ និងទាញឲ្យវែងជាងមុនបន្ដិច ជាមួយការផ្លាស់ប្ដូររាងថ្មី មើលទៅប្លែក និងស្អាតជាងមុនច្រើន។

ចំពោះតម្លៃវិញត្រូវបានក្រុមហ៊ុន SsangYong Cambodia ផ្ដល់ជូនយ៉ាងពិសេសសម្រាប់អតិថិជនធ្វើការកក់ទុកមុនត្រឹមតែ ២៩,៩០០ដុល្លារប៉ុណ្ណោះមុនការមកដល់។ តែសម្រាប់ការមកដល់ស្រុកខ្មែរក្នុងពេលឆាប់ៗខាងមុខនេះ លែងមានតម្លៃល្អ ទាបជាងទីផ្សារបែបនេះទៀតហើយ គឺលក់ក្នុងតម្លៃស្តង់ដារ ៣៣,៩០០ដុល្លារ ដែលមុន និងក្រោយពេលមកដល់ខុសគ្នាជិត ៥,០០០ដុល្លារអីដែរ។

សម្រាប់ Tivoli ស៊េរីថ្មី២០២៤នេះ រាងវែងជាងមុនដល់ទៅជិត ៣០០ម.ម និងខ្ពស់ជាងមុនបន្ដិច ដែលមើលទៅទូលាយ ស្រឡះល្អ ជាមួយរូបរាងថ្មីដោយផ្ទៃខាងមុខ កាត់រកទម្រង់រថយន្ដបែបអនាគត និងរាងដូចពពួកឡានអគ្គិសនី ចំណែកចង្កៀងមុខ និងស្ដុបក្រោយប្រើជា Full LED សុទ្ធតែម្ដងមើលទៅ Premium ។

មិនតែប៉ុណ្ណោះប្លុកម៉ាស៊ីនក៏ត្រូវបានកែប្រែដែរ ដោយបំពាក់ម៉ាស៊ីនធំជាងមុនចំណុះ ១.៦លីត្រ តែសន្សំសំចៃជាមួយកម្រិតស៊ីសាំងត្រឹមតែ ៧.៥លីត្រប៉ុណ្ណោះក្នុង១០០គីឡូម៉ែត្រ។

សម្រាប់ផ្ទៃខាងក្នុងបំពាក់កៅអីស្បែក TPU ទន់ប្រកបដោយផាសុកភាព ស្រស់ស្អាតដោយពណ៌ខ្មៅ លាយជាមួយពណ៌ទឹកដោះគោ ២ជួរធំទូលាយជាងមុន ព្រោះប្រវែងត្រូវបានពង្រីក ធ្វើឲ្យផ្ទៃខាងក្នុងស្រឡះល្អ ងាយស្រួលចេញចូលកៅអីមុខក្រោយគម្លាតឆ្ងាយជាងគ្នាស្រួលដាក់ជើងផងដែរ ចំណែកឃ្លុបក្រោយវិញអាចដាក់អីវ៉ាន់ចំណុះដល់ទៅ ៧២០លីត្រ ដែលស្ទើរតែប្រហាក់ប្រហែលទៅនឹងពពួក SUV Full Size ដែរ។ 

ហើយអ្វីដែលមានបំពាក់សម្រាប់ Tivoli XLV 2024 សុទ្ធតែជាតម្រូវការដែលសមស្របប្រើក្នុងបរិបទប្រទេសកម្ពុជាយើង ដែលមានដូចជា៖ 

ប្រព័ន្ធ Smart Key ចង្កូតអេឡិចត្រនិច ធូរស្រួលបត់បែន និងអាចលៃតម្រូវបាន អេក្រង់កុងទ័រឌីជីថល ទំហំ ១០.២អ៊ីង ពហុមុខងារ អេក្រង់ Touch Screen ៨អ៊ីង អាចភ្ជាប់ Android និង Apple Car play កាម៉េរាក្រោយ ជំនួយដោយសេនស័រចូលចត ៨គ្រាប់មុខក្រោយ ចង្កូតអាចកំណត់ទៅតាមកម្ពស់របស់អ្នកបើកបរ កញ្ចក់ក្ដោបអូតូ ផ្លឹតទឹកអូតូ​ ដំបូលបើក ជាមួយផ្ទៃខាងក្នុងភាគច្រើនស្រោបដោយស្បែក និងមុខងារសំខាន់ៗជាច្រើនមួយចំនួនទៀតផងដែរ។

ចុះបងប្អូនយល់យ៉ាងណាដែរចំពោះ SsangYong Tivoli XLV 2024 នេះ? សម្រាប់មតិយោបល់ ឬព័ត៍មានបន្ថែម និងតម្លៃពិសេសណាមួយនោះ បងប្អូនដែលចាប់អារម្មណ៍ អាចទាក់ទងបន្ថែមទៅកាន់ក្រុមហ៊ុនបាន ។ 

ហើយសម្រាប់បទបង្ហាញ លម្អិតអំពីលក្ខណៈទូទៅមួយចំនួនរបស់ Tivoli XLV បងប្អូនអាចចូលទៅទស្សនាវិដេអូពេញ YouTube/AdvanAuto/SsangYong Tivoli XLV 2024 នេះបាន៕ អរគុណ!

ទស្សនាវីដេអូពី Tivoli 2024 នៅលើ YouTube Channel Advan Auto

ប្រភព៖ អត្ថបទពាណិជ្ជកម្ម (Sponsored) 

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto