Tivoli គឺជារថយន្តជួរមុខមួយម៉ូឌែលរបស់ក្រុមហ៊ុនយក្សកូរ៉េ Ssangyong ដែលផលិតដំបូលនៅឆ្នាំ២០១៥ ក្នុងនាមជាអម្បូរ Crossover SUV ដ៏ពេញនិយមមួយ មិនថានៅបណ្ដាប្រទេសផ្សេងៗ ឬនៅកម្ពុជាឡើយ។

ថ្មីៗនេះ Tivoli ស៊េរីឆ្នាំ២០២៤ ក៏លេចចេញជារូបរាង ហើយឮដំណឹងថា នឹងមានវត្តមាននៅស្រុកខ្មែរឆាប់ៗខាងមុននេះ ជាមួយការផ្លាស់ប្ដូររូបរាង និងកំណែទម្រង់ថ្មី និងការបំពាក់បច្ចេកវិទ្យាថ្មី បន្ថែមមួយចំនួន។

សម្រាប់រូបរាងខាងក្រៅ និងទំហំភិនភាគ ស៊េរីឆ្នាំ២០២៤ ធំទូលាយ និងមើលទៅមាំជាងមុន ចំពោះផ្ទៃខាងមុខផ្លាស់ប្ដូរថ្មីទាំងស្រុង លែងមានប៉ាណានៅផ្នែកខាងលើ និងនិម្មិតសញ្ញាឡូហ្គូទៀតហើយ ដោយជំនួសមកវិញនូវសំណាញ់ក្រឡាពាក់កណ្ដាលទៅក្រោមស្រោបដោយក្រូមកាង អាលុយមីញូម  និងរំលេចដោយរន្ធហឺយ មើលទៅប្លែក និងប្រណិតជាងមុន។

ចំណែកពិលកាងខាងក្រោមក៏ស្រោមដោយស៊ុមពណ៌ខ្មៅ បង្កប់ភ្លើង LED ចំពោះចង្កៀងវិញក៏ត្រូវបានបំពាក់ទម្រង់ថ្មីរាងស្លីមជាងមុនប្រភេទ LED អមដោយភ្លើង LED Daytime រាងបែបគ្រីស្ដាល់​ ដែលមើលទៅបែបស្ព័រ និង ប្រណិត ។

បើក្រឡេកពីខាងក្រោយ Tivoli XLV ស៊េរីឆ្នាំ២០២៤ សម្រេចបោះចោលនៅទម្រង់ស្ដុបអក្សរ Z ដែលប្រើជិត ១០ឆ្នាំ ដោយជំនួសមកវិញនៅស្ដុប Full LED ទម្រង់បែបថ្មី ដែលមានភាពលេចធ្លោជាងមុនស័ក្កិសមជារថយន្ដសម័យថ្មី។

សម្រាប់ផ្ទៃចំហៀងដោយមានប្រវែងគម្លាតវែងជាងមុន SsangYong ក៏សម្រេចបំពាក់បន្ថែមកញ្ចក់ចំហៀងខាងក្រោយមួយប្រឡោះដើម្បីឲ្យកាន់តែប្លែកទាក់ទាញ និងមើលទៅបែបទំនើបជាមួយការបំពាក់ដំបូលបើកថ្មីផងដែរ។

ផ្នែកខាងក្នុងក៏ត្រូវបានពង្រីកផ្ទៃ ឲ្យធំទូលាយជាងមុន ជាមួយកៅអីស្បែក TPU ទន់ស្រួលអង្គុយប្រកបដោយផាសុកភាព មានឡាយជាមួយពណ៌ទឹកដោះគោ និងពណ៌ខ្មៅមើលទៅស្រស់ស្អាត និងផ្ទៃខាងក្នុងភាគច្រើនស្រោបដោយស្បែក ចំណែកឃ្លុបក្រោយក៏សល់កន្លែងទូលាយល្មមអាចផ្ទុកអីវ៉ានដល់ទៅចំនុះ ៧២០លីត្រឯណោះ។

Tivoli XLV ប្រើប្រាស់ជាមួយ Smart Key អេក្រង់ Touch Screen ៨អ៉ីង អាចភ្ជាប់ Android និង Apple Car play ជាមួយកាម៉េរាក្រោយ ជំនួយដោយសេនស័រចូលចត អេក្រង់កុងទ័រឌីជីថល ទំហំ ១០.២អ៉ីង ពហុមុខងារ ចង្កូតអាចកំណត់ទៅតាមកម្ពស់របស់អ្នកបើកបរ កញ្ចក់ក្ដោបអូតូ ផ្លឹតទឹកអូតូ​ ប្រព័ន្ធ Auto Ligh Control និងមុខងារសំខាន់ៗជាច្រើនមួយចំនួនទៀតផងដែរ។

ផ្នែកប្លុកម៉ាស៊ីន Tivoli ដែលនាំចូលមកស្រុកខ្មែរសម្រាប់ស៊េរីឆ្នាំ២០២៤ លែងប្រើពពួក ១.៥ Turbo ទៀតហើយ ដោយជំនួសមកវិញ​ ម៉ាស៊ីនសាំងជំនាន់ថ្មី ៤ស៊ីឡាំង ចំណុះ ១.៦លីត្រ ផលិតកម្លាំងបាន ១២៤សេះ កម្លាំងរមួល ១៥៥ញូតុនម៉ែត្រ រត់ដោយប្រអប់លេខ ៦វគ្គអូតូ ជំនួយបន្ថែមដោយ Drive Mode ចំនួន ៣ដូចជា៖ Normal, Sport, Winter ជាមួយកម្រិតស៊ីសាំងជាមធ្យម ៧.៥លីត្រក្នុង១០០គីឡូម៉ែត្រ។

ទាំងនេះគ្រាន់ជាកំណែរទម្រង់ថ្មីត្រួសៗផ្នែកខាងក្រៅ ចំណែកផ្នៃខាងក្នុង ក៏ដូចជា Option ដែលភ្ជាប់មកជាមួយ Tivoli ស៊េរីឆ្នាំ២០២៤ មានលក្ខណៈថ្មីប្លែកយ៉ាងណានោះ កុំភ្លេចត្រៀមលុយកក់ឲ្យហើយទៅ បើសិនជាចង់បានតម្លៃពិសេស ។

ប្រភព៖ អត្ថបទពាណិជ្ជកម្ម (Sponsored) 

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto