Crosstrek ជាប្រភេទឡាន Compact SUV បែបស្ព័ររបស់ Subaru ក្រោយពីទទួលបានជោគជ័យគួរសម ពេលនេះត្រៀមបញ្ចេញម៉ូឌែល ២០២៥ ដែលភ្ជាប់មកជាមួយ Trim/Option ចំនួន៥ ជាមួយតម្លៃចាប់ពី ២៧,១១៥ដុល្លារ ដល់ ៣៣,៩១៥ដុល្លារ។

Crosstrek 2025 នៅតែរក្សាររូបរាងដូចមុនដដែល តែមានការបំពាក់បន្ថែមផ្នែកខ្លះដូចជាការលេងពណ៌ទឹកក្រូច នឹងតែមប្លែកថ្មីជាងមុនទៅតាម Option​ ។ ជាមួយប្រព័ន្ធជើងក្រោមត្រូវបានកែសម្រួលរឹងមាំ នឹងលើកកម្ពស់ឲ្យខ្ពស់ជាងមុនដល់ទៅ ៩.២អ៉ឺង ដើម្បីងាយស្រួលធ្វើដំណើរក្នុងស្ថានភាពលំបាក់។ 

ស្ថិតក្នុងប្រភេទឡាន ទ្វា៥ ជាមួយតួរខ្លួនប្រវែង ៤៤៨០ម.ម ទទឹង ១៨០០ម.ម កម្ពស់ ១៥៨០ម.ម ជាមួយតម្ងន់ ១.៦តោន។ 

ផ្នែកប្លុកម៉ាស៊ីនវិញ Crosstrek 2025 មានពីរជម្រើសដោយប្រភេទ Base បំពាក់ម៉ាស៊ី Boxer ទំហំ ៤ស៊ីឡាំង ចំណុះ ២.០លីត្រ ផលិតកម្លាំងបាន ១៥២សេះ កម្លាំងរមួល ១៤៥ផោនហ្វីត។

ចំណែកPrimeim, Sport, Limited នឹង Wilderness បំពាក់ម៉ាស៊ីន ២.៥លីត្រ ផលិតកម្លាំងបាន ១៨២សេះ កម្លាំងរមួល ១៧៨ផោនហ្វីត បង្វិលកង់ដោយប៉ុង២ AWD ។

ផ្នែកខាងក្នុងខុសប្លែកគ្នាតិចតួចទៅតាម Trim/Option បើនិយាយជារួម ឃើញបំពាក់ អេក្រង់ថាច់ ១១.៦អ៉ីញ ដំបូលបើក Speaker Harman Kardon Premium Sound System រន្ធ USB-C មុខងារសាកថ្មឥតខ្សែរ Wireless Charge ជាមួយប្រព័ន្ធជំនួយសុវត្ថិភាពក្នុងការបើកបរ Eyesight មួយឈុតធំរបស់ Subaru នឹងមុខងារពិសេសៗជាច្រើនមួយចំនួនទៀតផងដែរ៕

ដោយ៖ Bunsak 

ប្រភព៖ Motor.1

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!