ថ្មីៗនេះ លេចឮដំណឹងថា Tesla ផលិតឡានអគ្គិសនី Model Y របស់ខ្លួន មួយប្រភេទទៀត លក់ ស្ងាត់ៗ ក្នុងតម្លៃ ទាបជាង Model Y Long range និង​ Performance ធម្មតា ប្រមាណ ២០០០ ដុល្លារ។ 

តាមការចុះផ្សាយពី Car and Driver បានឲ្យដឹងថា Tesla Model Y មួយបែបនេះ ត្រូវបាន ក្រុមហ៊ុន ផលិតរបៀបដូចគ្នានឹង Model Y ធម្មតាដែ​រ តែមានតម្លៃទាបជាង និងមានចម្ងាយរត់រាងខ្លីជាង Model Y long Range ប្រមាណ ៨២ គម និង Performance ប្រហែល ៣៨ គម  តែល្មមសមរម្យសម្រាប់ការប្រើប្រាស់ជិះក្នុងក្រុងធម្មតា និងអតិថិជនដែលរៀងខើចថវិកាអាចពិចារណាបាន ក៏ប៉ុន្ដែ Model Y ប្រភេទនេះ នឹងមិនមានដាក់លក់ក្នុងវេបសាយផ្លូវការរបស់ Tesla នោះទេ។ 

សម្រាប់សមត្ថភាពរបស់វា Model Y នេះ អាចបើកបរបានចម្ងាយ ៤៤៩ គម រាល់ពេលសាកពេញម្ដង ប្រើថ្ម ៤៦៨០ របស់ Tesla ផលិតមកពីរោងចក្រក្នុងរដ្ឋ Texas សហរដ្ឋអាមេរិក។ ក្នុងនោះ វាមានភ្ជាប់ជាមួយម៉ូទ័រអគ្គិសនី ២ (Dual Motors) និងរត់ដោយប៉ុង ២  AWD (All Wheel Drive) ផងដែរ។ 

គួរបញ្ជាក់ដែរថា បើតាមការឲ្យដឹងបន្ថែមពី Car and Driver ថា សម្រាប់ Tesla Model Y Long Range មានតម្លៃខ្ទង់ ៥៤ ៣៨០ ដុល្លារ​ និង Model Y Performance ខ្ទង់ ៥៨ ៣៨០ ដុល្លារ ហើយ Model Y new base level នេះ មានតម្លៃទាបជាង Long Range ២០០០ ដុល្លារ ដូច្នេះអាចសន្និដ្ឋានថា ប្រហែលខ្ទង់ ៥២ ០០០ ដុល្លារ។ 

ប្រភព៖ Car and Driver

អត្ថបទ៖ Andra