បន្ទាប់ពីប្រកួតប្រជែងគ្នារឿងផលិតឡានអគ្គិសនី ដណ្ដើមទីផ្សារគ្នាភ្លូកទឹក ភ្លូកដី ស្ថាបនិកក្រុមហ៊ុនផលិតរថយន្ដអគ្គិសនីយក្ស Tesla បានចាប់ដៃជាមួយក្រុមហ៊ុនគូប្រកួតធំៗរបស់ខ្លួន ដូចជា Ford និង GM សហការគ្នា ដាក់ទុនធ្វើស្ថានីយ៍សាកឡានអគ្គិសនីរួមគ្នា នៅទឹកដីអាមេរិក។
គម្រោងនេះ មានឈ្មោះថា NACS (North American Charging Standard) ជាការផ្ដួចផ្ដើមពី Tesla ក្នុងការធ្វើស្ថានីយ៍សាករថយន្ដអគ្គិសនី ដែលប្រើប្រាស់ស្ដង់ដាររួមតែមួយ ដោយទទួលបានការសហការពី Ford និង GM ដែលក្រុមហ៊ុនទាំង ៣ នេះ គ្របដណ្ដប់ជាង ៧២% នៃទីផ្សារស្ថានីយ៍សាកឡានអគ្គិសនីសរុបនៅអាមេរិក នេះយោងតាមការឲ្យពី The Verge ក៏ប៉ុន្ដែ NACS នៅរៀងប្រផាត់ប្រផើយជាមួយនឹងគម្រោងចាស់ដែលជាគូប្រកួតធំ លើការវិនិយោគនេះ ឈ្មោះថា CCS (Combined Charging Systems) ដោយស្ថានីយ៍នេះ សាកបានគ្រប់ប្រភេទរថយន្ដអគ្គិសនីទាំងអស់ (លើកលែង Tesla) ព្រមទាំងមានលិខិតបញ្ជាក់ស្ដង់ដារ និងគាំទ្រពីសំណាក់ សមាគមន៍វិស្វករយានយន្ដអាមេរិកពីមុនមកផងដែរ។
ក៏ប៉ុន្ដែ មតិពីអ្នកប្រើប្រាស់ជាច្រើន និងអ្នកវិភាគជាច្រើនបានប៉ាន់ស្មានថាគម្រោង NACS របស់ Tesla នេះ នឹងអាចសម្រេចបានជោគជ័យលើការប្រកួតប្រជែង ជាមួយនឹងការចូលរួមពី Ford និង GM ដោយសារតែក្រុមហ៊ុនទាំង ២ ជាក្រុមហ៊ុនផលិតរថយន្ដធំ ហើយស្ថានីយ៍សាករថយន្ដរបស់ Tesla ក៏មានចំនួនច្រើនរួចរាល់ហើយ ដែលគ្របដណ្ដប់ជាង ១២០០០ កន្លែង ក្នុងទឹកដីអាមេរិក ដែលនៅពេលនេះ រឿងដែល Tesla កំពុងតែធ្វើគឺទាក់ទងទៅកាន់រដ្ឋាភិបាលអាមេរិក សម្រាប់លិខិតបញ្ជាក់ស្ដង់ដារ។
តាមការឲ្យដឹងផងដែរថា លោក Musk ក៏កំពុងតែចរចារ បបួលក្រុមហ៊ុនធំៗដទៃទៀត ដូចជា Toyota, Mercedes Benz, ជាដើម ឲ្យចូលរួមជាមួយនឹងដំណើរការដាក់ទុនលើស្ថានីយ៍សាកឡានអគ្គិសនីស្ដង់ដារតែមួយ (NACS) នេះ ហើយបើសិនជាទទួលបានជោគជ័យ ក្រុមហ៊ុននឹងធ្វើការពង្រីកទៅកាន់ទឹកដីប្រទេសផ្សេងៗទៀតក្នុងតំបន់អឺរ៉ុប និងអាស៊ីផងដែរ។
ប្រភព៖ The Verge
អត្ថបទ៖ Andra
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ