ក្នុងរយៈពេល ៤ ឆ្នាំប្លាយ នៃការលក់របស់ Tesla នេះជាលើកដំបូងដែលក្រុមហ៊ុនផលិតរថយន្ដអគ្គិសនី នាំមុខគេនេះ ទម្លាក់តម្លៃរថយន្ដអគ្គិសនីរបស់ខ្លួនដល់រាប់ពាន់ដុល្លារ ដោយសារតែការធ្លាក់ចុះគំហុកនៃទិន្នផលលក់ប្រចាំត្រីមាសទី ១ ឆ្នាំ ២០២៤ នេះ ក្នុងគោលបំណងទាញយកទីផ្សារអតិថិជនដែលបានបាត់បង់ត្រឡប់មកវិញ។
តាមការឲ្យដឹងពី BBC ថា ក្នុងរយៈពេលត្រឹមតែ ៣ ខែដំបូងនៃឆ្នាំ ២០២៤ នេះ ទិន្នផលការលក់រថយន្ដអគ្គិសនី Tesla ធ្លាក់ចុះជាងពាក់កណ្ដាល ពី ២.៥១ ពាន់លានដុល្លារក្នុងឆ្នាំ ២០២៣ មកបានត្រឹមតែ ១.១៣ ពាន់លានដុល្លារក្នុងឆ្នាំ ២០២៤ ដែលធ្វើឲ្យក្រុមហ៊ុនសម្រេចចិត្តដាក់យុទ្ធសាស្ដ្របញ្ចុះតម្លៃរថយន្ដរបស់ខ្លួនរាប់ពាន់ដុល្លារ ក្នុងមួយគ្រឿងនៅទីផ្សារធំៗរួមមាន អាមេរិក ចិន និងអាល្លឺម៉ង់ ព្រមជាមួយនឹងការកាត់បន្ថយកម្លាំងពលកម្មពីក្រមហ៊ុនផងដែរ ដើម្បីស្ដារយកអតិថិជនឡើងវិញ។
តាម CNN បានឲ្យដឹងដែរថា សម្រាប់ទីផ្សារចិន Tesla បានបញ្ចុះតម្លៃរថយន្ដអគ្គិសនីរបស់ខ្លួនដល់ ១ ៩៣២ ដុល្លារ លើម៉ូដែលទាំង ៤ ដែលលក់ក្នុងទីផ្សារនេះ ជាពិសេស Model Y ដែលជាម៉ូដែលពេញនិយមជាងគេ ឥឡូវនេះលក់ក្នុងតម្លៃ ចាប់ផ្ដើមពី ៣៤ ៥០២ ដុល្លារទៅ។ សម្រាប់ទីផ្សារអាល្លឺម៉ង់ ដែលជាទីផ្សារធំជាងគេ របស់ Tesla នៅអឺរ៉ុបវិញបញ្ចុះលើម៉ូដែល Model 3 របស់ខ្លួន ២ ១៣២ ដុល្លារ និងទីផ្សារអាមេរិក បញ្ចុះលើ ៣ ម៉ូដែលដូចជា Model Y, Model X, និង Model S ចំនួន ២០០០ដុល្លារ សម្រាប់ម៉ូដែលនីមួយៗ។ ក្នុងនោះដែរ Tesla ក៏បានកាត់បន្ថយកម្លាំងពលកម្មដល់ជាង ១០% នៃចំនួនបុគ្គលិកសរុបទូទាំងប្រទេសរបស់ខ្លួនផងដែរ។
គូរបញ្ជាក់ផងដែរថា ការធ្លាក់ចុះទិន្នផលលក់នេះ បណ្ដាលមកពីការកើនឡើងនូវគូប្រកួតប្រជែងឡានអគ្គិសនីនៅក្នុងទីផ្សារ ជាពិសេសក្រុមហ៊ុនរថយន្ដអគ្គិសនីចិន ដែលរីកស្អេកស្កះ និងលក់ក្នុងតម្លៃសមរម្យជាងរថយន្ដ Tesla ជាពិសេសក្រុមហ៊ុន BYD ដែលឆ្លៀតដណ្ដើមដំណែងជាក្រុមហ៊ុនលក់រថយន្ដអគ្គិសនីឈានមុខគេពី Tesla កាលពីត្រីមាសទី ៤ ឆ្នាំ ២០២៣។ បន្ថែមពីនេះ ការធ្លាក់ចុះនេះ ក៏បណ្ដាលពីបញ្ហាភាពយឺតយ៉ាវក្នុងការកែសម្រួលរថយន្ដអគ្គិសនីម៉ូដែលមុនៗ របស់ខ្លួនឲ្យស្របទៅតាមតម្រូវការ របស់អតិថិជន និងអត្រាការប្រាក់នាំចូលខ្ពស់ផងដែរ។
អត្ថបទ៖ Andra
ប្រភព៖ CNN
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ