ស៊យតែមួយថ្ងៃ ធ្វើឲ្យមហាសេដ្ឋីប្រាក់ពាន់លាន ជាស្ថាបនិកក្រុមហ៊ុនរថយន្ដ Tesla ខាតប្រាក់អស់ ១៦. ១ ពាន់លានដុល្លារ វិសនឹងរបូតដំណែងជាមហាសេដ្ឋីលេខ ១ លើពិភពលោក។ 

យោងតាមការឲ្យដឹងពី Business Insider កាលពីពេលថ្មីៗថា កាលពីថ្ងៃ​ទី​ ២៦ កន្លងទៅថ្មីៗ តម្លៃភាគហ៊ុនរបស់ Tesla បានស្រុតចុះ ៩%  ដែលបណ្ដាលមកពីការធ្លាក់ចុះនៃទិន្នផលការលក់រថយន្ដអគ្គិសនីក្នុងត្រីមាសទី ៣ ឆ្នាំ ២០២៣ នេះ ដោយយុទ្ធសាស្រ្ដការបញ្ចុះតម្លៃផ្ទួនៗគ្នាដើម្បីដេញជើងទីផ្សារឡានអគ្គិសនីក្នុងមួយរយៈពេលចុងក្រោយនេះ  ដែលស្មើនឹងទឹកប្រាក់ប្រមាណ ១៦.១ ពាន់លានដុល្លារ ដោយទទួលបានតែ ២៣.៣៥ ពាន់លានដុល្លារ ខុសទាំងពីការព្យាករណ៍ពី​ Wall Street ថាបាន ២៤.០៦ ពាន់លានដុល្លារទៀតផង ក៏ប៉ុន្ដែបើទោះបីជាខាតបន្ដិច តែបរិមាណការលក់ចេញបានច្រើន ដែលទ្រព្យសម្បត្តិរបស់លោក Musk កើនឡើងប្រមាណ ៧០ ពាន់លានដុល្លារក្នុងឆ្នាំនេះ។

លើសពីនេះទៅទៀត បើយោងទៅតាម Bloomberg's Billionaire Index បានបង្ហាញថា លោក Musk នៅតែបន្ដគ្រោងដំណែងជាមហាសេដ្ឋីលេខ ១ ដដែល ជាមួយនឹងទ្រព្យសម្បត្តិតម្លៃជាង ២១០ ពាន់លានដុល្លារ ($225B from Forbs updated) នាំមុខមហាសេដ្ឋីលេខ ២ លោក Bernard Arnault ម្ចាស់ម៉ាកសញ្ញាប្រណិត LVMH (និយមស្គាល់ថា Louis Vuitton) ប្រមាណ ៥៥ ពាន់លានដុល្លារ ($50B from Forbs updated)។ 

គួរបញ្ជាក់ផងដែរថា ទោះបីជាស្ថានការហាក់រដាក់រដុបបន្ដិចក៏ពិតមែន តែ Tesla នៅតែរក្សាដំណែងជារថយន្ដអគ្គិសនីលក់ដាច់ជាងគេ នឹងកំពុងត្រៀមលក់រថយន្ដថ្មីរបស់ខ្លួនដល់អតិថិជនជាង ១.៨ លាននាក់ទៀត នៅបំណាច់ឆ្នាំនេះ គួបផ្សំជាមួួយនឹងការចេញលក់រថយន្ដអគ្គិសនី pick up ថ្មី Tesla Cybertruck ជាផ្លូវការនៅរង្វង់ខែវិច្ឆិកា ២០២៣ បន្ទាប់ពីការទន្ទឹងរង់ចាំអស់ពេលជិត ៣ ឆ្នាំមក។ 

ប្រភព៖ Business Insider 

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!