Land Rover Discovery Sport ត្រឡប់មកវិញហើយ សម្រាប់ឆ្នាំសេរីថ្មីឆ្នាំ ២០២៤ ជាមួយនឹងការរៀបចំកែលម្អរូបរាង ទាំងក្រៅ និងក្នុងកាន់តែ sleek សង្ហារ ជាងមុន ជាពិសេសបរិក្ខារទំនើបៗដូចជា មានបំពាក់ អេក្រង់កម្សាន្ដកោង ទាន់សម័យ និងតម្លៃចាប់ផ្ដើមពី ៥ មុឺនដុល្លារទៅ។  

តាមការឲ្យដឹងពី Car and Driver ថា Disco (Discovery) Sport ២០២៤ នេះ បំពាក់ម៉ាស៊ីន turbocharged ២.០ លីត្រ ៤ ស៊ីឡាំង ផលិតកម្លាំង ២៤៦ សេះ រត់ដោយប៉ុងពីរ (All Wheel Drive) ប្រើប្រអប់លេខ ៩ វគ្គអូតូ  អាចចុះទឹកបានជម្រៅដល់ ៦០ សម និងអូសទម្ងន់បាន ២ តោន ជាន់ល្បឿនពី ០ ទៅ ១០០ គម/ម៉ ប្រើពេល​ ៧.៥ វិនាទី។ 

ការផ្លាស់ប្ដូរពិសេសជាងគេ គឺផ្នែកខាងក្នុងដែលមានអេក្រង់កម្សាន្ដ Touchscreen កោងទំហំ ១១.៤ អិង ភ្ជាប់ជាមួយនឹង ប្រព័ន្ធ software Pivi Pro ជំនាន់ថ្មីរបស់ Land Rover ដែលក្នុងនោះអាចប្រើប្រាស់កម្មវិធី Alexa, ភ្ជាប់ Apple Car Play និង Andriod Auto ឥតខ្សែ ព្រមជាមួយមុខងារប្រើប្រាស់ថ្មីជាច្រើនទៀត, មានប្រើប្រាស់អេក្រង់កុងទ័រឌីជីថល និងកែសម្រួល console កណ្ដាលដូចជាចង្កឹះលេខ ប៉ូតុងបញ្ជាមុខងារផ្សេងៗ ឲ្យមានលក្ខណៈស្រឡះជាងមុន មានបន្ថែមកន្លែងសាកឥតខ្សែ និង USB-C ស្ដង់ដារថ្មីផងដែរ។ 

Land Rover Discovery Sport 2024 នេះ គឺកំពុងតែដាក់លក់ក្នុងទីផ្សារសហរដ្ឋអាមេរិកជាមួយតម្លៃចាប់ផ្ដើមពី ៥០ ០៧៥ ដុល្លារ ឡើងទៅសម្រាប់ trim S (ដែលឡើងថ្លៃប្រហែល ៥៦០០ ដុល្លារពីសេរី ២០២៣), trim Dynamic SE ចាប់ពី ៥៤ ២៧៥ ដុល្លារទៅ។ 

ប្រភព៖ Car and Driver 

អត្ថបទ៖ Andra 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto