រថយន្តក្រុង ៤៣០ គ្រឿងត្រៀមជូនប្រជាពលរដ្ឋទៅបោះឆ្នោតតាមបណ្តាខេត្តដោយឥតគិតថ្លៃ

ចំនួនអ្នកទស្សនា

អ្នកទស្សនា

228

ដើម្បីសម្រួលដល់ការធ្វើដំណើរ និងការចំណាយដល់បងប្អូនប្រជាពលរដ្ឋ ថ្មីៗនេះ រដ្ឋបាលរាជធានីភ្នំពេញ បានប្រកាសជូនដំណឹង រៀបចំរថយន្ដក្រុងចំនួន ៤៣០ គ្រឿង ត្រៀមដឹកជញ្ជូនបងប្អូនប្រជាពលរដ្ឋ ដែលត្រូវចុះទៅស្រុកកំណើតដើម្បីចូលរួម បោះឆ្នោតជ្រើសរើសតាំងតំណាងរាស្រ្ដ និតិកាលទី ៧ ថ្ងៃទី ២៣ ខែ កក្កដា ឆ្នាំ ២០២៣ ខាងមុខនេះ។

តាមសេចក្ដីប្រកាសបានឲ្យដឹងថា សេវាដឹកជញ្ជុននឹងចាប់ផ្ដើមពីថ្ងៃទី ២២ ខែ កក្កដា រហូត ដល់ថ្ងៃទី ២៤ ខែ កក្កដា ឆ្នាំ ២០២៣ នឹងខ្សែចេញដំណើរគិតពីរាជធានីភ្នំពេញ ទៅបណ្ដាខេត្ត និងត្រឡប់មកវិញ តាមទីតាំងកំណត់ ដោយក្នុងរថយន្ដ ៤៣០ គ្រឿង ៨០ គ្រឿង នឹងទុកប្រើប្រាស់ក្នុងរាជធានីភ្នំពេញ និង ៣៥០ គ្រឿងសម្រាប់ចុះតាមខេត្ត ចេញដំណើរជាធម្មតានៅម៉ោង ៥ៈ៣០ នាទីព្រឹក និងមានខេត្តមួយចំនួនមានចេញដំណើរ ២ ជើង និង ៣ ជើង ដូចជា ខេត្ត ព្រៃវែង តាកែវ កំពង់ឆ្នាំង កំពង់ចាម ចេញ ២ជើង ជើងទី ១ ម៉ោងធម្មតា ៥ៈ៣០ ព្រឹក និងទី២ ម៉ោង ២ៈ០០ រសៀល និងខេត្តកំពង់ស្ពី ចេញ ៣ ជើង ជើងទី ១ ម៉ោងធម្មតា ៥ៈ៣០ នាទីពព្រឹក ជើងទី ២ ម៉ោង ១០ៈ០០ ព្រឹក និងជើងទី ៣ ម៉ោង ២ៈ០០ រសៀល។

សម្រាប់ទីតាំងចេញដំណើរមាន ១០ ទីតាំងនៅរាជធានីភ្នំពេញ ដូចតារាងខាងក្រោម៖

និងទីតាំងសម្រាប់ចេញដំណើរពីបណ្ដាខេត្ត មករាជធានីភ្នំពេញវិញមាន ២៣ ទីតាំង ខាងក្រោម៖

ស្របពេលជាមួយគ្នានេះដែរ រដ្ឋបាលរាជធានីភ្នំពេញ ក៏បានអំពាវនាវ ដល់ម្ចាស់ក្រុមហ៊ុន និងម្ចាស់រថយន្ដដឹកជញ្ជូនអ្នកដំណើរទាំងអស់ ឲ្យរក្សាតម្លៃដឹកជញ្ជូនដដែល ដោយពុំដំឡើងថ្លៃ ដើម្បីរួមចំណែកសម្រួលដល់ការធ្វើដំណើរ និងការចំណាយរបស់ប្រជាពលរដ្ឋទាំងអស់គ្នា។