ក្នុងការតាំងពិព័រណ៍រថយន្ដនាទីក្រុងប៉ារីសឆ្នាំ ២០២២ ថ្មីៗនេះ ក្រុមហ៊ុនកូនកាត់បារាំង-ម៉ូរុកូ ឈ្មោះថា NamX បានបើកបង្ហាញរថយន្ដម៉ូដែលដំបូងរបស់ខ្លួនដែលជាប្រភេទ SUV ដំណើរការដោយចំហេះអ៊ីដ្រូសែន ឬ HUV ជាមួយនឹងលក្ខណៈពិសេស អាចដោះដូរ ធុងអ៊ីដ្រូសែន ចេញចូលបានពេលប្រើអស់ម្ដងៗ ក្នុងពេល ៣០វិនាទី ព្រមទាំងផ្ដល់កម្លាំងអតិបរិមាដល់ទៅ ៥៥០ សេះ។
តាមការចុះផ្សាយពីសារព័ត័មាន Hydrogen Central បានឲ្យដឹងថា រថយន្ដ NamX HUV នេះ ត្រូវចែកចេញជា ពីរ ម៉ូដែល ដោយ RWD version មានសមត្ថភាពផ្ដល់កម្លាំងបាន ៣០០ សេះ និងជាន់ស្ទុះពី ០ ទៅ ១០០ គម/ម៉ ប្រើពេល ៦.៥ វិនាទី ជាមួយល្បឿនអតិបរមា ២០០គម/ម៉ រីឯ GTH version មានអាចបង្កើតកម្លាំងបានដល់ ៥៥០ សេះ ជាន់ស្ទុះពី ០ ទៅ ១០០ គម/ម៉ ប្រើពេល ៤.៥ វិនាទី ជាមួយល្បឿនអតិបរមា ២៥០គម/ម ។
ងាកមកធុងអ៊ីដ្រូសែន ឯណេះវិញត្រូវបាន ក្រុមហ៊ុនឲ្យឈ្មោះវាថា CapX ដែលមាន ៦ ធុង ដោយក្នុងមួយធុង មានផ្ទុកអ៊ីដ្រូសែនទម្ងន់ ៨គីឡូក្រាម ជាមួយនឹងសមត្ថភាពអាចរត់បានចម្ងាយ ៨០០ គីឡូម៉ែត្រ និងប្រើពេលត្រឹម ៣០ វិនាទី ប៉ុណ្ណោះសម្រាប់ការ ផ្លាស់ប្ដូរ។ ក្រុមហ៊ុនបន្ថែមទៀតថា ម្ចាស់រថយន្ដអាចរកជាវធុងអីដ្រូសែននេះបាននៅតាមស្ថានីយ៍អ៊ីដ្រូសែន ឬតាមផ្សារអេឡិចត្រូនិចរបស់ក្រុមហ៊ុនផ្ទាល់ដែលមានឈ្មោះថា CapXtore ផងដែរ។
លក្ខណៈពិសេសមួយទៀត គឺ រូបរាងរបស់វាត្រូវបានរចនាដោយ ក្រុមហ៊ុនរចនាល្បីឈ្មោះរបស់អ៊ីតាលី PININFARINA ដោយយកស្ដាយតាមវិទ្យាសាស្រ្ដប្រឌិត បូកនឹង ម៉ូដឡានអាមេរិកក្នុងជំនាន់ទសវត្សទី ៥០ និង ៦០ ដែលធ្វើឲ្យវាកាន់តែប្រណិតមួយកម្រិតទៀត។
ក្នុងនោះដែរ តាមវេបសាយ Morocco World News ក៏បានឲ្យដឹងដែរថា ក្រុមហ៊ុនគ្រោងនឹងចេញ NamX លក់ជាផ្លូវការ នៅរង្វង់ឆ្នាំ ២០២៥ ខាងមុខ ជាមួយតម្លៃពី ៦៣ ៨៤០ ដុល្លារ ទៅ ៩៣ ៣០៣ ដុល្លារ ប៉ុន្ដែមិនបានបញ្ជាក់ឲ្យច្បាស់ថា នឹងចេញក្នុងទីផ្សារមួយណានៅឡើយទេ ដោយគេសន្និដ្ឋានថា វាអាចនឹងវាយលុកទីផ្សារប្រទេសក្នុងតំបន់អ៊ឺរ៉ុប ដំបូងគេ ដោយសារតែតម្រូវការនៃប្រើប្រាស់ រថយន្ដប្រភេទ ZEV (Zero Emission Vehicle) នៅទីនោះពេញនិយមជាង ក្នុងតំបន់អាស៊ី និងអាហ្រ្វិក។
អត្ថបទ៖ Andra
Kona ជាឡាន SUV ខ្នាត់តូចមួយរបស់ Hyundai មិនជាទំនើបណាស់ណា តែធន់សន្សំសំចៃស៊ីសាំងតិច ចាយរាងគ្រាន់បើ
ឡាន Minivan កៅអី 3ជួររបស់ Honda Odyssey 2025 តម្លៃក្រៅស្រុក 4ម៉ឺនដុល្លារជាង ប្រើម៉ាស៊ីន V.6 ស៊ីសាំងខ្ទង់ 12លីត្រ
ស្រឡាញ់ Honda ចង់ចាយខ្ទង់ 3ម៉ឺនដុល្លារជាង រកឡានខ្ពស់ទំនើបអាចមើល Acura ADX 2025 បានព្រោះក្រុមហ៊ុនតែមួយទេ
ចាយរាងគ្រាន់បើ Mazda 3 2025 Carbon Edition កំពុងអួតសម្រស់នៅលើដងផ្លូវ ជាមួយតម្លៃខ្ទង់ 3ម៉ឺនដុល្លារ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024
មកដឹងពីលក្ខខណ្ឌធានារយះពេលពេញមួយជីវិត របស់រថយន្តអគ្គីសនី AION នៅកម្ពុជា
មិនធម្មតា 𝗗𝗘𝗘𝗣𝗔𝗟 𝗦𝟬𝟳 រថយន្តអគ្គិសនីដែលសុវត្ថិភាពខ្ពស់កម្រិតស្តង់ដា ទទួលបានការវាយពិន្ទុផ្កាយ 5 ក្នុងការធ្វើតេស្តសុវត្តិភាពដោយស្តង់ដា ពីប្រទេសអូស្រ្តាលី ANCAP
ម៉ូតូស៊េរីទំនើបបំផុត ROYAL ENFIELD GUERRILLA 450 ត្រូវបានដាក់លក់ជាផ្លូវការនៅកម្ពុជាហើយ!