ដំណឹងល្អ! ស្ពានបេតុងខ្សែកាបឫស្សីកែវឆ្លងទន្លេសាប បើកឲ្យប្រើបណ្តោះអាសន្នក្នុងឱកាសបុណ្យចូលឆ្នាំនេះ

ចំនួនអ្នកទស្សនា

អ្នកទស្សនា

យោងតាមការឲ្យដឹងពី រដ្ឋបាលរាជធានីភ្នំពេញកាលពីពេលថ្មីៗ បានឲ្យដឹងថា ដើម្បីជាការសម្រួលដល់ ការធ្វើដំណើររបស់បងប្អូនប្រជាពលរដ្ឋក្នុងឱកាសបុណ្យចូលឆ្នាំខ្មែរនេះ ប្រមុខរាជរដ្ឋាភិបាលកម្ពុជា បានសម្រេចអនុញ្ញាតដាក់ឲ្យប្រើប្រាស់ជាបណ្ដោះអាសន្ននូវស្ពានបេតុងខ្សែកាបឫស្សីកែវ ឆ្លងទន្លេសាប ចាប់ពីថ្ងៃទី ១០ ខែ មេសា ឆ្នាំ ២០២៣ តទៅ។

សូមជម្រាបថា ស្ពានបេតុងឫស្សីកែវនេះ ត្រូវបានបើកការដ្ឋានសាងសង់កាលពីខែ តុលា ឆ្នាំ ២០១៧ ទទួលបន្ទុកដោយក្រុមហ៊ុនវិនិយោគទុនអាណិកជនកម្ពុជា (OCIC) ស្ថិតនៅខណ្ឌជ្រោយចង្វារ និងខណ្ឌឫស្សីកែវ រាជធានីភ្នំពេញ ដែលបច្ចុប្បន្នសម្រេចបានស្ទើរទាំងស្រុងហើយ នៅសល់តែការងារ រៀបចំកែលម្អរមួយចំនួន ល្មមបើកឲ្យប្រើប្រាស់បណ្ដោះអាសន្ន (មុនសម្ភោធជាផ្លូវការ) បាន។

ស្របពេលជាមួយគ្នានេះផងដែរ ដើម្បី សម្រួលលំហូរចរាចរណ៍ ធានាសណ្ដាប់ធ្នាប់ និងបង្ការការកកស្ទះ ពីស្ពានបេតុងឫស្សីកែវឆ្លងទន្លេសាប កាត់ផ្លូវមុខស្ពានដែកបេឡេនោះ រដ្ឋបាលរាជធានីភ្នំពេញ នឹងបិទចរាចរឆ្លងកាត់ស្ពានដែកបេឡេឫស្សីកែវផងដែរ។