ថ្មីៗនេះ SUV Off-Road របស់ Toyota បានចេញជាផ្លូវការហើយគឺម៉ូឌែល 4Runner 2025 ជំនាន់ទី៦ ជាមួយការផ្លាស់ប្ដូរថ្មីប្លែកជាងស៊េរីឆ្នាំ២០២៤ ច្រើគួរសមទាំងរូបរាងខាងក្រៅ នឹងផ្ទៃខាងក្នុងជាមួយផ្នែកប្លុកម៉ាស៊ីនជាដើម។

4Runner 2025 ជាប្រភេទ SUV កៅអី ៣ជួរ ប្រើជាមួយម៉ាស៊ីនកូនកាត់ជំនាន់ថ្មី ២ប្រភេទដូចជា៖

ម៉ាស៊ីន ៤ស៊ីឡាំង ២.៤លីត្រ ជំនួយដោយ Turbocharged ផលិតកម្លាំងបាន ២៧៨សេះ និងកម្លាំងបង្វិល ៣១៧ ផោនហ្វីត។ ខណៈម៉ាស៊ីនកូនកាត់ I-Force Max hybrid  ដែលមានកម្លាំង ៣២៦សេះ និងកម្លាំងរមួល ៤៦៥ផោនហ្វីត ដែលម៉ាស៊ីនកូនកាត់ I-Force Max នេះមានតែនៅលើ Option Platinum, TRD Pro និង Trail Hunter តែប៉ុណ្ណោះ។

4Runner 2025 ជំនាន់ទី៦ មានការផ្លាស់ប្ដូរប្លែកពីឆ្នាំ២០២៤ ដោយផ្ទៃខាងមុខ នឹងស្ដុបក្រោយ ត្រូវបានកែសម្រួលថ្មីស្ទើទាំងស្រុង ដែលមើលទៅកាន់តែស្លីមស្អាត នឹងអំណាចជាងមុន។

ផ្ទៃខាងក្នុង SUV Off-Road កៅអី ៣ជួរមួយនេះ ធំទូលាយស្រឡះល្អគួរសម អាចជិះបាន ៧នាក់ នឹងសល់ឃ្លុបក្រោយដាក់អីវ៉ានមួយចំនួនថែមទៀត។

ចំពោះបរិក្ខា នឹងគ្រឿងដែលបំពាក់នៅលើ 4Runner 2025 គឺស្ទើតែដូចគ្នាទាំងស្រុងជាមួយ Tacoma ជំនាន់ថ្មីផងដែរព្រោះ SUV នឹង Pick Up របស់ Toyota មួយនេះតែងតែប្រើបច្ចេកវិទ្យា ទម្រង់ Platform ដូចគ្នាជាក់ស្ដែងគឺផ្នែកប្លុកម៉ាស៊ីន នឹងផ្ទៃខាងក្នុង ជាមួយរូបរាងផ្ទៃខាងក្នុងគឺដូចទៅនឹងស្ទើទាំងស្រុងតែម្ដង។

សម្រាប់តម្លៃវិញ 4Runner 2025 មានតម្លៃចាប់ផ្ដើមពី ៤២,២២០ដុល្លារ ដល់ ៦៨,៣៥០ដុល្លារ អាស្រ័យលើ Trim/Option ជាដើម៕

ដោយ៖ Bunsak

ប្រភព៖ Motor1

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!