សមាជិកថ្មីរបស់ Toyota All-New Veloz ២០២៤ កៅអី ៣ជួរ ទំនើបខ្លាំងតម្លៃ ៣ម៉ឺនដុល្លារជាង កំពុងផ្ទុះការចាប់អារម្មណ៍

Toyota Cambodia ទើបតែសម្ភោធស្វាគមន៍ វត្តមានសមាជិកថ្មីរបស់ខ្លួនម៉ូឌែល All-New Veloz ២០២៤ ដែលមានការចូលរួមពីថ្នាក់ដឹកនាំកំពូលៗរបស់ Toyota Cambodia នឹងវត្តមានរបស់ ភ្ញៀវកិត្តិយសជាច្រើនផងដែរ។

Veloz ជាអម្បូរឡាន MPV កៅអី ៣ជួរ ដែលមានភាពទំនើប ទាន់សម័យ ជាមួយតម្លៃសមរម្យ កំពុងទទួលបានការគាំទ្រយ៉ាងខ្លាំង ពីសំណាក់បងប្អូនដែលមានតម្រូវការ ប្រើប្រាស់ក្នុងគ្រួសារដែលមានសមាជិក ៧ ទៅ ៨នាក់ ។

១/ ផ្នែកខាងក្រៅ

ការឌីស្សាញរាងស្លីមទាន់សម័យ ដែលមានទម្រង់ជា Aerodynamic ជ្រែកខ្យល់បានល្អ ជាមួយផ្ទៃខាងមុខទាក់ភ្នែកគួរសម សំណាញ់រាងជាក្រឡាចក្រ មើលទៅអំណាច អមដោយចង្កៀង Full LED មានមុខងារឆ្លាតវ៉ៃ Auto Bi-Beam ចំណែកស្ដុបក្រោយវិញបំពាក់ជា LED អូសកាត់ផ្ទៃខាងក្រោយ មើលទៅបែប Luxury តែម្ដង។

Veloz មានប្រវែងសរុប ៤,៤៧៥ម.ម ទទឹង ១,៧៥០ម.ម កម្ពស់ ១,៧០០ម.ម ពីដីមកបាតឡាន ១៩០ម.ម ជាមួយទម្ងន់ ១,១៨៥គីឡូក្រាម និងអាចផ្ទុកទម្ងន់បានដល់ទៅ ៦០០គីឡូក្រាមបន្ថែមទៀត។

២/ ផ្នែកខាងក្នុង

ចូលដល់ខាងក្នុង Veloz ជាប្រភេទរថយន្ដ MPV កៅអី ៣ជួរទូលាយល្មម អាចជិះបាន ៧នាក់ ទៅ ៨នាក់ និងសល់គូទក្រោយអាចដាក់អីវ៉ានមួយចំនួនបន្ថែមទៀត។

ក្រៅពីនឹងឃើញភ្ជាប់មកជាមួយ ចង្កូតស្បែក ប្រព័ន្ធ Smart Key អេក្រង់កុងទ័រឌីជីថល់ ៧អ៉ីង អេក្រង់ថាច់ ៩អ៉ីង ភ្ជាប់ជាមួយមុខងារ Apple CarPlay & Android Auto ជាមួយការមេរ៉ា ៣៦០ឌឺក្រមួយជុំរថយន្ដ រន្ធសាក USB-Port ៤កន្លែង។

ជាមួយប្រព័ន្ធសាកថ្មឥតខ្សែ Wireless Charge កញ្ចក់ចំហៀងក្ដោបអូតូ ហ្វ្រាំងដៃអេឡិចត្រនិច ជាមួយមុខងារ Auto Hold ពោងសុវត្ថិភាព ៦គ្រាប់ ចំណែកកៅអីជួរទី២ និង ទី៣ អាចកាច់បត់បែនបាន ហើយក៏មានរន្ធម៉ាស៊ីនត្រជាក់ ៣ជួរ ជាមួយកន្លែងដាក់កែវទឹកដ៏សម្បូរបែប ជាដើម។

៣/ ប្លុកម៉ាស៊ីន

សម្រាប់ Veloz ២០២៤ នេះបានបំពាក់ម៉ាស៊ីន នឹងគ្រោងឆ្អឹងជំនាន់ថ្មី ដែលមានភាពរឹងមាំង នឹងសន្សំសំចៃខ្ពស់ ជាមួយម៉ាស៊ីសាំង ៤ស៊ីឡាំង ១.៥លីត្រ ផលិតកម្លាំងបាន ១០៥សេះ កម្លាំងរមួល ១៣៨ញ៉ូតុនម៉ែត្រ ភ្ជាប់ជាមួយប្រអប់លេខ CVT ៧វគ្គ បំពាក់យ៉ាន់កង់ ១៧អ៉ីងបែបស្ព័រ បង្វិលកង់ដោយប៉ុងមុខ ជំនួយដោយ Drive Mode បើកបរដូចជា Eco និង Power Mode ជាមួយកម្រិតស៊ីសាំងចន្លោះពី ៥លីត្រ ទៅ ៦លីត្រ ក្នុង១០០គីឡូម់ែត្រ។