មានបងប្អូនខ្លះក៏ឆ្ងល់ នឹងទន្ទឹងរង់ចាំមើលនៅជំនាន់ថ្មី ឬម៉ូឌែលឆ្នាំថ្មីសម្រាប់ឡាន MPV ខ្នាតតូចកៅអី ៣ជួររបស់ Toyota មួយនេះ។ ខណៈម៉ូឌែលផ្សេងៗនៃគ្រួសារ Toyota គេចេញលក់ជាហូរហែបន្តបន្ទាប់ទាំងស៊េរីឆ្នាំ ២០២៤ នឹង២០២៥ ខណៈ Toyota Rush ហាក់ស្ងាត់ឈឹងតែម្ដង បើទោះបីជាលក់ដាច់អស់ទៅហើយក្ដី។

ស៊េរីឆ្នាំ២០២៣ អាចនិយាយបានថាជាឆ្នាំចុងក្រោយផងដែរសម្រាប់ឡាន MPV លក្ខណៈគ្រួសារមួយនេះ។ បើនិយាយពីទីផ្សារវិញនៅស្រុកខ្មែរមានការលក់ចេញទិញចូលច្រើន នឹងភាពពេញនិយមក៏ហាក់មិនទាន់ថមថយឡើយ ខណៈតម្លៃកាលចេញថ្មីខ្លាញ់គោឆ្នាំ២០២៣ ខ្ទង់ ៣៣,៥០០ដុល្លារទៅ ៣៥,៥០០ដុល្លារ អាស្រ័យលើ ពណ៌ Option ជាដើម។

ចំពោះមូលហេតុនៃការបញ្ឈប់ការផលិតនៃ Toyota Rush វិញបើតាម Topgear.com.ph បានឲ្យដឹងថា Toyota ដែលមានមូលដ្ឋាននៅប្រទេស Malaysia បានសម្រេចឈប់ផលិត Toyota Rush ត្រឹមឆ្នាំ២០២៣។ ព្រោះការលក់ នឹងតាមបណ្ដាប្រភេទដែលចែកចាយនៅរថយន្ដ MPV មួយនេះបន្ដរធ្លាក់ចុះជាលំដាប់ ដែលមិនអាចទ្រទ្រង់សម្មភាពផលិតកម្មនៃរថយន្ដមួយនេះបានតរទៅមុខទៀតឡើយ។

សម្រាប់បងប្អូនវិញយល់យ៉ាងណាដែរចំពោះ Toyota Rush មួយនេះ? បងប្អូនដែលមានបទពិសោធន៌ ក៏ដូចជាមតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!