នៅថ្ងៃនេះ Toyota បាននិយាយថា សូមជំរាបសួរទៅកាន់ Grand Highlander ឆ្នាំ 2024 ជាលើកដំបូងដែលមិនធ្លាប់មានពីមុនមក។ វាជាការពិតណាស់ Highlander ត្រូវបានផ្លាស់ប្ដូររូបរាងថ្មីជាមួយផ្នែកខាងក្នុងបែប Luxury Car តែរក្សាគ្រោងឆ្អឹង DNA ចាស់ដដែល។ យ៉ាងណាក៏ដោយ Highlander ឆ្នាំ២០២៤នេះ មិនធ្វើឲ្យគ្រប់គ្នាទន្ទឹងចាំមើលដោយខាតពេល ឬខកចិត្តឡើយ។
ជាមួយមាឌនិងតួរខ្លួនទាំងមូលធំជាងស៊េរីឆ្នាំមុនៗ ជាក់ស្ដែងវាវែងជាងមុន ៤អ៊ីញ ខ្ពស់ជាងមុន ២អ៊ីញ និងទទឹងធំជាងមុនដល់ទៅ ២,៣អ៊ីញឯណោះធ្វើឲ្យ Grand Highlander ជំនាន់ថ្មីនេះប្រែក្លាយទៅជា SUV ខ្នាតធំលំដាប់ជួរមុខ មិនចាញ់គូប្រកួតប្រជែងឡើយ ម្យ៉ាងបើមើលពីចំហៀងអាចច្រឡំទៅនឹង Lexus LX600 ដែរ។
ជាមួយម៉ាស៊ីនជំនាន់ថ្មីមានទាំងប្រភេទសាំងសុទ្ធ និងជំនួយដោយប្រព័ន្ធ Hybrid មិនខុសពីស៊េរីមុនៗទេ តែសម្រាប់ Grand Highlander ឆ្នាំនេះមាឌធំមែន តែប្រើម៉ាស៊ីនត្រឹម ៤ស៊ីឡាំង ចំណុះ ២.៤លីត្រ ជំនួយដោយ Turbo អាចផលិតកម្លាំងបានដល់ទៅ ២៦៥សេះ រត់ដោយប្រអប់លេខ ៨វគ្គអូតូ។
ចំណែកមួយប្រភេទទៀតបំពាក់ម៉ាស៊ីន ២.៥លីត្រ ប្រើប្រព័ន្ធ Hybrid ជំនួយដោយ ម៉ូទ័រអេឡិត្រិច ២គ្រាប់ អាចផលិតកម្លាំងបាន ២៤៣សេះ។
ខណៈដែលជម្រើស Hybrid Max បំពាក់ម៉ាស៊ីន ៤ស៊ីឡាំង ចំណុះ ២.៥លីត្រដូចគ្នា អាចផលិតកម្លាំងបានដល់ទៅ ៣៦២សេះ ជាមួយកម្លាំងរមួល ៤០០ផោនហ្វីត ដែលជាន់ស្ទុះពី ០ ទៅ ១០០គីឡូម៉ែត្រប្រើពេលត្រឹម ៦.៣វិនាទីប៉ុណ្ណោះ។
Grand Highlander ក៏មានភ្ជាប់មកនៅជម្រើស Trim ឬ Option ចំនួនបីដូចជា៖ XLE, Limited និង Platinum ជាដើម តែសម្រាប់ប្រព័ន្ធមុខងារសុវត្ថិភាពវិញ Highlander ទទួលបានកញ្ចប់ Safety Sense 3.0 របស់ Toyota ជាស្ដង់ដារតែម្ដង។
ផ្នែកខាងក្នុង ពិតជាធំទូលាយ និងស្រស់ស្អាតមែនតែន ជាប្រភេទ SUV ៨កៅអី អាចជិះបានគ្នា៨នាក់មិនចង្គៀតឡើយ។
បើនិយាយជារួមចំពោះ Platinum មិនចាញ់ Lexus ប៉ុន្មានទេគឺបំពាក់មក នូវភាពរស់រវើកជាមួយនឹងសម្ភារៈបែបប្រណិតភាពដ៏គួរឱ្យទាក់ទាញ។ ចំណែកផ្ទៃខាងក្នុងភាគច្រើនស្រោមដោយស្បែកប្រណិតទន់រលោង មើលទៅពិតជាមានផាសុកភាព បែប Luxury តែម្ដង។ គ្រឿងតុបតែងក៏ធ្វើពីស្បែកប្រណិតលំដាប់ស្ដង់ដារ ដៃចង្កូតមានកំដៅ កៅអីខាងមុខក្ដៅប្រជាក់ និងកៅអីកម្ដៅនៅជួរខាងក្រោយផងដែរ។
មានប្រព័ន្ធ infotainment អេក្រង់១២.៣អ៊ីងច្បាស់ល្អ អាចភ្ជាប់ Apple Car Play Android Auto និងផ្ដល់ជូននៅកាមេរ៉ា 360ដឺក្រេ Wireless Charging រន្ធសាក USB-C ចំនួន៧ និងប្រដាប់ដាក់កែវទឹកដល់ទៅ ១៣កន្លែងរាយប៉ាយពាសពេញផ្នែកខាងក្នុងតែម្ដង ជាមួយនឹងដំបូលបើក Panoramic ចំពោះកញ្ចក់មើលខាងក្រោយវិញជាប្រភេទ ឌីជីថល កាត់ចំណាំងផ្លាតបានយ៉ាងល្អ និងនៅមានមុខងារជាច្រើនទៀតផងដែរ ។
ចំពោះតម្លៃ ខាងក្រុមហ៊ុននៅមិនទាន់បានប្រកាសនៅឡើយទេ តែត្រូវបានអ្នកជំនាញខាងទីផ្សារប៉ាន់ស្មានថា អាចចន្លោះពី ៤៣០០០ដុល្លារ ទៅ៥៦០០០ដុល្លារឯណោះ។ ចុះបងប្អូនយល់យ៉ាងណាដែរចំពោះ Grand Highlander ស៊េរីឆ្នាំ២០២៤នេះ? បើមានមតិយោបល់ ឬស្រលាញ់ពេញចិត្ត អាចស៊ែរចែករំលែកបន្ដរបានក្រែងលរមានសំណាងបានមួយគ្រាន់ជិះនឹងគេ៕
ដោយ៖ Bunsak
MG G50 ជារថយន្តប្រភេទ MPV ដែលលក់ដាច់ខ្លាំងបំផុតនៅប្រទេសហ្វីលីពីននិងវៀតណាម ហើយបច្ចុប្បន្ននេះគឺមានលក់នៅកម្ពុជាហើយ
បច្ចុប្បន្ន Camry ឆ្លាម មានសន្ទុះទីផ្សារគ្រាន់បើក្នុងរង្វង់រថយន្ដតម្លៃខ្ទង់ 4 ទៅ 6ពាន់ដុល្លារ ខណៈឡាន Sedan របស់ជប៉ុននេះអាយុកាលក្បែរ 30ឆ្នាំហើយក្ដី
Kia Picanto 2024 ប្រភេទមួយទឹកស្លាកលេខឃើញមានលក់បណ្ដើរៗហើយ តម្លៃក្រោម 2ម៉ឺនដុល្លារ ល្មមពិចារណាដែរអត់?
CR-V ឆ្នាំ 2020-2023 អត់ទំនើបតែធន់សន្សំសំចៃខ្ពស់ មិនស្មុកស្មាញច្រើនស្រួលប្រើ គ្រាន់តែតម្លៃនៅរាងខ្ពស់បន្ដិច
MG G50 ជារថយន្តប្រភេទ MPV ដែលលក់ដាច់ខ្លាំងបំផុតនៅប្រទេសហ្វីលីពីននិងវៀតណាម ហើយបច្ចុប្បន្ននេះគឺមានលក់នៅកម្ពុជាហើយ
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
មកដឹងមូលហេតុដែល Toyota បញ្ឈប់ការផលិត Toyota Rush ខណៈស្រុកខ្មែរត្រូវប៉ាន់ នឹងលក់ដាច់គ្មានសល់
Kia Tasman ត្រូវបានគេចាត់ទុកជា Raptor របស់កូរ៉េ ដែលមានសមត្ថភាពខ្លាំងមិនធម្មតាឡើយ ខណៈលិចឮដំណឹងថា អាចនឹងចេញលក់នៅស្រុកខ្មែរឆាប់ៗនេះផង