ស្របពេលរថយន្ដ pick up កំពុងតែទទួលការពេញនិយមពីសំណាក់អ្នកប្រើប្រាស់រថយន្ដនាពេលបច្ចុប្បន្ន Toyota បានបញ្ចេញម៉ូដែលដែលមានប្រជាប្រិយភាពរបស់ខ្លួនមកលើទីផ្សារទៀតហើយគឺ Toyota Hilux Revo សេរីឆ្នាំ ២០២៤ ដែល Toyota Cambodia ទើបតែបើកទទួលកក់ជាផ្លូវការកាលពីពេលថ្មីៗនេះ ដើម្បីបំពេញតម្រូវការរបស់អតិថិជន ជាមួយរថយន្ដថ្មីបច្ចេកវិទ្យាទំនើប និងតម្លៃពិសេស។ 

សម្រាប់ spec និង សមត្ថភាពមួយចំនួនរបស់វាវិញ Toyota Hilux Revo Rally 2024 មានបំពាក់ម៉ាស៊ីនម៉ាស៊ូត ២.៨ លីត្រ ៤ ស៊ីឡាំង ផលិតកម្លាំង ២០១ សេះ រត់ដោយប៉ុង ២ (4WD) ខាងក្នុងមានអេក្រង់កម្សាន្ដធំជាងមុនទំហំ ៨ អ៊ីញ ភ្ជាប់មុខងារ Apple Carplay និង Andriod Auto ឥតខ្សែ​ អមជាមួយមុខងរសុវវត្ថិភាព Blind Spot Monitoring, មុខងារជំនួយពេលថយក្រោយ Rear Cross Traffic Alert និងបច្ចេកវិទ្យាជំនួយការបើកបរផ្សេងៗទៀត។ 

សម្រាប់ Hilux Revo V-Edition 2024 វិញ ត្រូវបានរចនារូបរាងឲ្យកាន់តែស្ព័រ មានចង្កៀងមុខអំពូល Halogen, បំពាក់ម៉ាស៊ីនម៉ាស៊ូត ២.៨ លីត្រ ៤ ស៊ីឡាំង ផលិតកម្លាំង ២០១ សេះ រត់ដោយប៉ុង ២ (4WD) មាន កញ្ចក់បិទ-បើកស្វ័យប្រវត្តិ, ជាពិសេសមាន sensor ជំនួយការចូលចតដល់ ៦ គ្រាប់ ព្រមទាំងមុខងារជំនួយការបើកបរ និងប្រព័ន្ធសុវត្ថុភាពជាច្រើនទៀត។

បើតាមការឲ្យដឹងពី Toyota Cambodia ថាម៉ូដែលដែលនឹងទទួលកក់សម្រាប់ទីផ្សារកម្ពុជាមាន Hilux Revo Rally 2024 ដែលមានតម្លៃចាប់ផ្ដើមពី ៥៣ ៦០០ដុល្លារ និង Hilux Revo V-Edition 2024 តម្លៃចាប់ពី ៤៤ ៥០០ដុល្លារ ទៅ ដែលបងប្អូនដែលចាប់អារម្មណ៍អាចធ្វើការទំនាក់ទំនងទៅសួរព័ត៌មានបន្ថែម និង កក់ទុកបាននៅគ្រប់សាខារបស់ Toyota ផ្ទាល់។ 

ប្រភព៖ Toyota 

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!