តាមការចុះផ្សាយពី Top Speed កាលពីពេលថ្មីៗនេះបានឲ្យដឹងថា ស្របពេលដែលមានក្រុមហ៊ុនផលិតរថយន្ដជាច្រើនចាប់ផ្ដើមប្រឡូកចូលក្នុងការ ផលិតរថយន្ដប្រើប្រាស់ថាមពលអ៊ីដ្រូសែននេះ Toyota Mirai នៅតែរក្សាដំណែងជារថយន្ដអ៊ីដ្រូសែនដែលបើកបានចម្ងាយឆ្ងាយជាងគេបំផុត ក្រោយពីបានបំបែកឯកគ្គទកម្មជារថយន្ដអ៊ីដ្រូសែនបើកបានចម្ងាយឆ្ងាយជាងគេបំផុត លើពិភពលោក កាលពីឆ្នាំ ២០២១ ក្នុងរយៈចម្ងាយ ១៣៦០ គម​ ដោយប្រើប្រាស់អ៊ីដ្រូសែនត្រឹម ៥.៦៥គក ប៉ុណ្ណោះ ក្នុងស្ថានភាពផ្លូវមមាញឹក។

យ៉ាងណាមិញ ទោះបីជា Toyota Mirai ដែលត្រូវផលិតចេញលក់ ត្រូវបានកំណត់ក្នុង EPA estimated range ឲ្យធ្វើដំណើរបាន ៦៤៧គម ក៏ Mirai នៅតែវ៉ាដាច់រថយន្ដអ៊ីដ្រូសែនផ្សេងៗដែលជាគូប្រកួតធំៗរបស់ខ្លួនដូចជា Hyundai Nexo (៦១១គម), Honda Clarity (៥៩០គម), និង BMW iX5 (៤៨៣គម) ជាដើម ព្រមទាំងលើសរថយន្ដអគ្គិសនី និងរថយន្ដឥន្ទនៈធម្មតាមួយចំនួនធំផងដែរ។ 

គួបបញ្ជាក់ផងដែរថា ដោយសង្កេតឃើញពីអត្ថប្រយោជន៍លើថាមពលអ៊ីដ្រូសែនមានការបំពុលតិច អាចចាក់បំពេញបានលឿនជាងការសាកឡានអគ្គិសនី និងជាពិសេសគឺល្អសម្រាប់ក្រុមហ៊ុនក៏ដូចជាអ្នកប្រើប្រាស់ ដែលចង់អភិរក្សការប្រើប្រាស់ម៉ាស៊ីនចំហេះក្នុង ធ្វើឲ្យរថយន្ដអ៊ីដ្រូសែន ក្លាយជាប្រធានបទដែលទាក់ទាញចំណាប់អារម្មណ៍ច្រើនពីសំណាក់ ក្រុមហ៊ុនផលិតរថយន្ដធំៗជាច្រើន ដូចជា Toyota, BMW, Hyundai, Honda, General Motor, Audi, Daimler និងក្រុមហ៊ុនផ្សេងៗទៀត ហើយគេសន្និដ្ឋានថា ទៅថ្ងៃមុខឆាប់ៗនេះ វានឹងទទួលបានប្រជាប្រិយភាពក្នុងការប្រើប្រាស់ឲ្យបានទូលំទូលាយដូចរថយន្ដអគ្គិសនី​ និងឥន្ទៈ នាពេលបច្ចុប្បន្នដែរ។

គួរឲ្យដឹងដែរថា រថយន្ដអ៊ីដ្រូសែនដែលធ្វើដំណើរបានឆ្ងាយជាងគេ មានន័យថា វាប្រើប្រាស់ថាមពលអ៊ីដ្រូសន្សំសំចៃជាងគេ និងបញ្ចេញជាតិពុលកាន់តែតិចជាងគេ ដែលបញ្ជាក់ថា សក្ដិសមជារថយន្ដបៃតង ស្របតាមគោលការណ៍កាត់បន្ថយការបំពុលបរិយាកាសដោយចំហេះឥន្ទនៈ ដែលគ្រប់សហគ្រាសក្នុងឧស្សាហកម្មយានយន្ដ ទូទាំងពិភពលោកកំពុងតែដាក់ផែនការឆ្ពោះទៅរកក្នុងពេលបច្ចុប្បន្ន និងថ្ងៃអនាគត។ 

អត្ថបទ៖ Andra 

ប្រភព៖ Top Speed 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!