បន្ទាប់ពីបង្ហាញមុខ Prius សេរីថ្មីមិនទាន់បានប៉ុន្មានផង ថ្មីៗនេះស្រាប់តែឃើញ Toyota បង្ហោះរូបអាថ៌កំបាំងបង្ហាញរាងរថយន្ដសេរីថ្មី ដែលទំនងជា Camry ២០២៥ ត្រៀមមកចាយរាងជាផ្លូវការនៅក្នុងកម្មវិធី Japan Mobility Show និង LA Auto Show ចុងឆ្នាំនេះ។ 

បើយោងទៅតាមរូបភាពដែលបានបង្ហោះនេះបានបង្ហាញឲ្យឃើញពីផ្នែកខាងមុខនៃរថយន្ដរំលេចជាមួយចង្កៀងមុខ LED ១ គូដែលស្រដៀងនឹង Style ចង្កៀងរបស់ Toyota Avalon និង Prius សេរីថ្មី អមជាមួយនឹង logo Toyota រំលេចនៅផ្នែកខាងលើ។​ ហើយតាមការឲ្យដឹងពី Car and Driver ថាគេបានប្រទះឃើញរថយន្ដនេះបើកតេស្ដសាកល្បងលើដងផ្លូវកាលពីខែឧសភាកន្លងទៅ គួបផ្សំជាមួយនឹងរូបភាពគម្រូរបស់វាបានឃើញក្នុងវីដេអូលេចធ្លាយលើ channel YouTube របស់ Toyota មួយខែមុនផងនោះ គេសន្និដ្ឋានថា Camry ថ្មីនេះ អាចប្រើប្រាស់ platform ថ្មី TNGA-K ឬ​ TNGA-B ដែល Toyota និយមប្រើលើរថយន្ដបែប subcompact និង crossover ម៉ូដែលថ្មីៗរបស់ខ្លួន។

ក្នុងនោះដែរ វាក៏អាចភ្ជាប់មកជាមួយនឹងជម្រើសម៉ាស៊ីនកម្លាំង ២៣៦ ពី​ Toyota Crown ឬអាចជាម៉ាស៊ីន Hybrid Turbo ៤ ស៊ីឡាំង កម្លាំង ២៦៥ សេះ ពី Highlander ឬក៏ជាម៉ាស៊ីនស្ដង់ដារ Camry ២.៥ លីត្រ ៤ ស៊ីឡាំង។ 

ផ្នែកខាងក្នុងវិញក៏មិនខុសគ្នាដែរ គេរំពឹងថា វាងអាចភ្ជាប់ជាមួយបច្ចេកវិទ្យា និងបរិក្ខារ លាយបញ្ចូលគ្នារវាង Camry ជំនាន់ទី ៩ នេះផ្ទាល់, Crown និង Prius។

ក្នុងនោះដែរ តាមការឲ្យដឹងពី Autoevolution ថា Camry ថ្មីនេះ អាចនឹងមានវត្ដមាននៅក្នុងកម្មវិធី Japan Mobility Show (ទើបតែចាប់ផ្ដើម ២ ថ្ងៃមុននេះដល់ដើមខែ វិច្ឆិកា) និង LA Auto Show ដែលប្រព្រឹត្តទៅនៅរង្វង់ខែ វិច្ឆិកា ខាងមុខនេះដែរ។ រីឯតម្លៃវិញ គេសន្និដ្ឋានយោងតាមតម្លៃ Camry សេរីថ្មីបច្ចុប្បន្នថាអាចចាប់ផ្ដើមពីខ្ទង់ ២៩​​ ០០០​ដុល្លារ សម្រាប់សេរីថ្មី trim level ធម្មតា ទៅ ៣៨ ០០០ ដុល្លារ សម្រាប់សេរីថ្មី trim level សេរីខ្ពស់។

ប្រភព៖ Car and Driver 

អត្ថបទ៖ Andra

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!