បន្ទាប់ពីបញ្ចេញរូបភាព teaser កាលពីប៉ុន្មានថ្ងៃមុន ម្សិលមិញនេះ ក្រុមហ៊ុន Toyota បានប្រកាសបង្ហាញមុខរថយន្ដ Prius ជំនាន់ទី ៥ សេរីឆ្នាំ ២០២៣ ប្រភេទ PHEV ជាមួយរូបរាងថ្មី សមត្ថភាពខ្ពស់ និងបច្ចេកវិទ្យា ទំនើបជាងមុន។
Toyota Prius 2023 ត្រូវបានរចនារូបរាងបំបែកគម្រូពីរថយន្ដអគ្គិសនីសេរី bZ និង Corrolla ក្នុងទម្រង់ TNGA platform របស់ Toyota ផ្ទាល់ ធ្វើឲ្យមានរាងកាន់តែស្ព័រ កាន់តែ Sleek ដោយកម្ពស់ត្រូវបានទម្លាក់ឲ្យក្រាបជាងមុន ៥០ មម យ៉ាន់កង់ដល់ ១៩ អិង ធ្វើឲ្យការបើកបរលើផ្លូវកោង កាន់តែមានលំនឹងជាមុន ហើយផ្នែកខាងក្រៅក៏មាន ការរចនាចង្កៀងមុខក្រោយ LED ប្រណិត ដំបូលខ្មៅ មានជម្រើស សូឡាដូចមុនផងដែរ។
Toyota បានឲ្យដឹងថា Prius 2023 ជាប្រភេទ (Plug In Hybrid) មានម៉ាស៊ីន ២ ជម្រើស ជាមួយម៉ូទ័រ ២ ដោយមួយម៉ាស៊ីន ២.០ លីត្រ ៤ ស៊ីឡាំង ផលិតកម្លាំងបាន ២២០ សេះ ជាន់ស្ទុះពី ០ ទៅ ១០០គម/ម៉ ប្រើពេល ៦ វិនាទី និងមួយទៀតម៉ាស៊ីន ១.៨ លីត្រ ផលិតកម្លាំងបាន ១២១ សេះ។ អាគុយរបស់វាត្រូវបានដំឡើងថាមពល ១៣.៦kWh (ពីមុន ៨.៨kWh) ធ្វើឲ្យវាអាចប្រើ EV Mode បានឆ្ងាយជាងមុន ៥០% ហើយសាកមួយពេញរត់បាន ៩០ គមឯណោះ។
ផ្នែកខាងក្នុង Prius 2023 ត្រូវបានរចនាជាមួយស្ថាបត្យកម្ម Island Architecture ដែលស្រដៀងនឹងការឌីហ្សាញក្នុង bZ4X ដែរ ជាមួយអេក្រង់កម្រាន្ដ Digital Touch screen ទំហំ ១២.៣ អិង ជាមួយមុខងារបញ្ជាច្រើនទៀត។
គួរបញ្ជាក់ផងដែរថា សម្រាប់ Prius 2023 ជំនាន់ទី ៥ នេះ ទើបតែត្រូវបាន Toyota បង្ហាញមុខក្ដៅៗ ក្នុងទីផ្សារអ៊ឺរ៉ុប ប៉ុណ្ណោះ ហើយសម្រាប់ ទីផ្សារ អាមេរិក និងផ្សេងៗទៀត ក្រុមហ៊ុននឹងចេញជាបន្ដបន្ទាប់ក្នុងពេលឆាប់ៗនេះ។
អត្ថបទ៖ Andra
Peugeot Django, Vespa និង Lambretta តើម៉ូតូស្កូតឺមួយណាដែលស័ក្កិសមបំផុតសម្រាប់ជិះក្នុងទីក្រុងដ៏ស៊ីវីល័យ?
ការពិនិត្យមើលលេខតួរថយន្ត (VIN Number) ដើម្បីដឹងថារថយន្តរបស់អ្នកផលិតពីប្រទេសណាគឺជារឿងសំខាន់មុននឹងសម្រេចចិត្តទិញ
ការគាំទ្រសហការណ៏ពីក្រុមហ៊ុនអន្តរជាតិរបស់ MG បានផ្តល់នូវតម្លៃថ្មីកាន់តែពិសេសសម្រាប់រថយន្ត MG ដ៏ពេញនិយមបំផុតទាំង 3 ម៉ូឌែលនេះនៅប្រទេសកម្ពុជា
ក្រុមហ៊ុន RMA Cambodia បានធ្វើការស្រាយបំភ្លឺជុំវិញរឿងករណីឆាបឆេះរថយន្ត Changan ម៉ូឌែល UNI-T
ការគាំទ្រសហការណ៏ពីក្រុមហ៊ុនអន្តរជាតិរបស់ MG បានផ្តល់នូវតម្លៃថ្មីកាន់តែពិសេសសម្រាប់រថយន្ត MG ដ៏ពេញនិយមបំផុតទាំង 3 ម៉ូឌែលនេះនៅប្រទេសកម្ពុជា
ក្រុមហ៊ុន RMA Cambodia បានធ្វើការស្រាយបំភ្លឺជុំវិញរឿងករណីឆាបឆេះរថយន្ត Changan ម៉ូឌែល UNI-T
JETOUR ផ្តល់ជូនតម្លៃពិសេសដល់អតិថិជនកម្ពុជា ក្នុងឱកាសអបអរការចុះបញ្ជីទីផ្សារមូលបត្រ
ChangAn Cambodia និង Deepal Cambodia ប្រកាសពីប្រូម៉ូសិនពិសេស Mid-Year Sale សម្រាប់ខែកក្កដា ឆ្នាំ២០២៥!