bZ Series គឺជាប្រភេទ Crossover SUV ប្រភេទអគ្គិសនីរបស់ Toyota ដែលចាប់ផ្ដើមផលិតនៅឆ្នាំ២០២១ និងដាក់លក់ឆ្នាំ២០២២ ចំណែកម៉ូឌែលពេញនិយមខ្លាំងជាងគេនោះគឺ bZ4X ហើយស្រុកខ្មែរក៏ឃើញមានប្រើជាហូរហែផងដែរ។ 

ថ្មីៗនេះ Toyota ត្រៀមបញ្ចេញនៅប្រភេទ SUV អគ្គិសនីខ្នាតធំរបស់ខ្លួនក្នុងត្រកូល bZ នោះគឺ bZ5X ជំនាន់ថ្មី ជាមួយរូបរាងធំជាងមុន និងបន្ថែមកៅអី ៣ជួរ ថ្មីប្លែកសម្រាប់ឡានត្រកូល bZ Series EV របស់ Toyota មួយនេះ។

ចំពោះ ភិនភាគរូប កម្លាំង លក្ខណៈទូទៅ ជាមួយផ្ទៃខាងក្នុង Toyota នៅមិនទាន់បង្ហាញជាក់លាក់នៅឡើយ តែត្រូវបានគេរំពឹងថា bZ5X ក្រៅពីរូបរាងថ្មីធំជាងមុន ផ្ទៃខាងក្នុងក៏ទូលាយស្រឡាស់ល្អ ទំនើប កម្លាំងខ្លាំងអាចជិះបានឆ្ងាយ និងប្រណិតជាងស៊េរី bZ4X ខណៈ Toyota bZ5X ខ្នាតធំនេះ នឹងផលិតលើទឹកដីអាមេរិកផ្ទាល់តែម្ដង នៅឆ្នាំ២០២៥ ខាងមុខនេះ ។

គួរបញ្ជាក់ដែរថា៖ កាលពីសមត្ថភាពរបស់ bZ4X ដែលជា SUV EV ដ៏ពេញនិយមរបស់ Toyota  សម្រាប់ប្រភេទប្រើប៉ុង១ FWD បំពាក់មកជាមួយម៉ូទ័រអគ្គិសនីកម្លាំង 150kW ឬប្រមាណជា ២០០សេះ ។ រីឯប្រភេទប្រើប៉ុង២​ ​AWD បំពាក់ជាមួយម៉ូទ័រអគ្គិសនីពីរគ្រាប់ កម្លាំងសរុប 160kW ឬ ២១៤ សេះ ។

ជំនួយបន្ថែមដោយអាគុយថាមពល 71.4 kWh សាកមួយពេញជិះបាន 500 km សម្រាប់ការសាកជាមួយស្ថានីយសាកល្បឿនលឿនថាមពល 150 kW ពី 0% លោតដល់ 80% ប្រើពេលត្រឹម ៣០នាទីប៉ុណ្ណោះ។

សម្រាប់បងប្អូនវិញយល់យ៉ាងណាដែរចំពោះ Toyota bZ5X ដែលត្រៀមចេញនៅឆ្នាំ២០២៥ ខាងមុខនេះ? សម្រាប់មតិយោបល់ និងបទពិសោធន៍ ឬព័ត៍មានបន្ថែម បងប្អូនអាចចែករំលែកបាន៕

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!