លេចចេញតម្លៃ Toyota bZ4X EV បកកេះ នៅទីផ្សារចិន ដែលទម្លាក់ ១៥% មកនៅខ្ទង់ ២៥ ០០០ ដុល្លារ ក្នុងមួយគ្រឿង

ច័ន្ទ, 20 កុម្ភៈ 2023 02:00
អ្នកទស្សនា
300
0/ AKlasseAuto Promotion
HN16.jpg

ឡានអគ្គិសនី SUV ទំនើបរបស់ Toyota, bZ4X ដែលបានចូលមកដល់ក្នុងទីផ្សារប្រទេស ចិន កាលពីខែ តុលា កន្លងទៅ ជាមួយនឹងតម្លៃចាប់ផ្ដើមពី ២៩០០០ ដុល្លារ ពេលនេះ ត្រូវបានទម្លាក់ថ្លៃ មកចាប់ផ្ដើមតែត្រឹម ២៥០០០ ដុល្លារ តែប៉ុណ្ណោះ ក្នុងបំណងប្រកួតប្រជែងទីផ្សារជាមួយនឹងក្រុមហ៊ុនឡានអគ្គិសនីដទៃទៀត។

2023_Toyota_BZ4X_Limited_Heavy_Metal_001-1500x1000.jpg

តាមការចុះផ្សាយពីសារព័ត៌មាន Electrek បានឲ្យដឹងថា ក្រុមហ៊ុនយក្សជប៉ុន Toyota ហាក់មិនសូវកាក់កបក្នុងការរកស៊ី លក់រថយន្ដអគ្គិសនី ប៉ុន្មាននោះទេ ដោយសារតែចាប់ផ្ដើមរាងយឺតជាងគេបន្ដិច ហើយការនាំចេញ រថយន្ដអគ្គិសនីទំនើប bZ4X របស់ខ្លួន មកក្នុងទីផ្សារប្រកួតប្រជែងខ្លាំងដូចជា ចិន គិតមកដល់ដាច់ខែ មករា Toyota លក់ bZ4X បានតែ ៣ ៨៤៤ គ្រឿងប៉ុណ្ណោះ ឬ ប្រមាណ ០.២៦% លើគោលការណ៍ទីផ្សារឡានអគ្គិសនីរបស់ខ្លួន ដែលឈរតែត្រឹម ០.៣៥% ប៉ុណ្ណោះ ធៀបទៅនឹង ១៩% នៃទីផ្សាររថយន្ដទាំងអស់ ដែល Toyota ក្ដោបក្ដាប់បានក្នុងប្រទេសចិន។ 

6261bf2507d7c.jpg

អាស្រ័យហេតុនេះហើយ ដើម្បីបង្កើនការលក់ និងប្រកួតប្រជែងជាមួយក្រុមហ៊ុនរថយន្ដដទៃទៀត ក្នុងប្រទេសចិនដូចជា BYD, Geely, Tesla, NIO, Xpeng ដែលបច្ចុប្បន្នកំពុងពេញនិយម Toyota បានសម្រេចដាក់យុទ្ធសាស្រ្ដទម្លាក់តម្លៃ bZ4X ១៥% ឬ ជាង ៤៣០០ ដុល្លារ ធ្វើឲ្យរថយន្ដអគ្គិសនី SUV នេះ នៅតម្លៃខ្ទង់តែ ២៤៨០០ ដុល្លារប៉ុណ្ណោះ ក្នុងមួយគ្រឿង នេះបើយោងទៅតាមការឲ្យដឹងពី CarNewsChina។ 

photo_2023-02-19_09-59-12.jpg

លើសពីនេះ Toyota ក៏មានផ្ដល់ជូននូវការបំពាក់ប្រព័ន្ធ សូឡា សម្រាប់សាករថយន្ដបន្ថែមផងដែរ ដោយវាជួយឲ្យរថយន្ដរត់បានចម្ងាយ ១៧៥០ គម បន្ថែមទៀត ក្នុងរយៈពេលមួយឆ្នាំ ជាមួយតម្លៃពិសេស ២៨០០ ដុល្លារ តែអតិថិជនអាចជ្រើសដាក់ក៏បាន មិនដាក់ក៏បាន។ 

photo_2023-02-19_09-59-03.jpg

ស្របជាមួយគ្នានេះផងដែរ លោក Koji Sato អនាគតអគ្គនាយកថ្មីនៃក្រុមហ៊ុន Toyota បន្ទាប់ពីលោក Akio Toyoda ដែលគ្រោងនឹងឡើងដំណែង នៅខែ មេសា បានមានប្រសាសន៍ឲ្យដឹងថា៖ 

Toyota នឹងរៀបចំផែនការការថ្មី សម្រាប់គម្រោង BEV Development របស់ខ្លួន ដែលក្រុមហ៊ុននឹងផ្ដោតទៅលើការ ផលិតរថយន្ដអគ្គិសនី ឲ្យបានច្រើនជាងមុន ដើម្បីជួយឲ្យ Toyota រក្សាដំណែងជា ក្រុមហ៊ុនផលិតរថយន្ដឈានមុខគេបន្ដទៅទៀត។ 

លោក Koji Sato អនាគតអគ្គនាយកថ្មីនៃក្រុមហ៊ុន Toyota  

ប្រភព៖ Electrek

អត្ថបទ៖ Andra 

04 MOTUL Fix Bottom (Mobile)
ចែករំលែក
ពាក្យទាក់ទង

វីដេអូ

maxresdefault.webp
[English Sub] The adventure with Land Rover Defender 130: The Ultimate Challenge
សុក្រ, 11 សីហា 2023 17:00
maxresdefault (1).webp
Should You Own Toyota​ Raize? - តម្លៃខ្ទង់ ២ ម៉ឺនដុល្លារជាង ស័ក្តជាមួយអ្នកណាខ្លះ? I Advan Auto
អាទិត្យ, 18 មិថុនា 2023 17:00
3 Model Hyundai .png
សុទ្ធតែឡាន Hyundai ពេញនិយម - មុនរើសមួយណា មើលវីដេអូសិន I Advan Auto
ពុធ, 07 មិថុនា 2023 17:00
maxresdefault (1).jpeg
Toyota Tacoma 2024 Reaction & Review - មកម្តងនេះដើរមុនគេ ១០ ជំហ៊ាន I Advan Auto
អង្គារ, 06 មិថុនា 2023 17:00
Advan Auto videos for sharing more automotive knowledge
See More