ក្រោយពីបាត់មុខយូរ កាលពីថ្ងៃទី ៦ ម្សិលមិញនេះ Toyota បាននាំយកសេរីថ្មី នៃម៉ូដែលរថយន្ដប្រចាំសតវត្សរបស់ខ្លួន មកវិញម្ដងទៀតជាមួយនឹងការរចនាបែបជារថយន្ដលំដាប់ប្រណិត និងជាពិសេសមកជាមួយតម្លៃ ១៧ មុឺនដុល្លារ។
តាមការចុះផ្សាយពី Car and Driver បានឲ្យដឹងថា រថយន្ដប្រណិតនេះ មានឈ្មោះថា Toyota Century SUV ដែលជាសេរីរថយន្ដបន្ដដំណែលពី Century ដែល Toyota បានចេញកាលពីឆ្នាំ ១៩៦០ ជាមួយនឹងការរចនាម៉ូដរូបរាងថ្មី ដែលមើលមួយភ្នែកស្រដៀងទៅនឹង Cullinan របស់ Rolls Royce តែនៅរក្សាបានអត្តសញ្ញាណការរចនារបស់ Toyota ជាមួយគ្រោងឆ្អឹង TNGA platform របស់ខ្លួន ដោយផ្នែកខាងក្រៅស្រោបពណ៌ឆ្លាស់គ្នា ២ ពណ៌ដែលអតិថិជនអាចកម្មង់តម្រូវបាន ហើយក្នុងនោះក៏មាន trim មួយទៀតដែលបិទតែម GR រចនាបែបស្ព័រជាង មានបន្ថែមទ្វារអូសចង្ហៀង មានកង់ និងយ៉ាន់ម៉ូដផ្សេងផងដែរ។
ខុសប្លែកពី Century ទសវត្សទី ៦០ ដែលជាប្រភេទ sedan ប្រើម៉ាស៊ីន V12 និងទើបតែប្ដូរទៅ Hybrid V8 កាលពីពេលថ្មីៗនេះ សម្រាប់ Century ឆ្នាំថ្មី ត្រូវបាន Toyota ផ្លាស់ប្ដូរទៅជាប្រភេទ SUV វិញ ផ្គួបជាមួយម៉ាស៊ីន ស្រដៀងគ្នាទៅនឹង Lexus TX550+ 2024 ជាប្រភេទ plug-in Hybrid V6 ស៊ីឡាំង ៣.៥ លីត្រ រត់ដោយប៉ុងពីរ (All Wheel Drive) អាចផលិតកម្លាំងបាន ៤០៦ សេះ និងអាចជិះបានដល់ទៅ ៥៣ គម ដោយថាមពលអគ្គិសនីសុទ្ធ។
សម្រាប់ព័ត៌មានលម្អិតផ្សេងៗទៀតលើ Spec និងប្រព័ន្ធបញ្ជាផ្សេងៗ Toyota មិនបានបង្ហើបឲ្យដឹងនោះទេ គ្រាន់តែបានឲ្យដឹងថា ខាងក្នុងមានកោអី ៤ ដាច់ដោយឡែកពីគ្នា ជាមួយប្រព័ន្ធបញ្ជាកម្សាន្ដដាច់ដោយឡែកសម្រាប់អ្នកដំណើរខាងក្រោយផងដែរ លើសពីនេះ អតិថិជនក៏អាចកម្មង់តម្រូវមុខងារ ផ្សេងៗបន្ថែមតាមការពេញចិត្តផងដែរ។
Toyota ក៏បានឲ្យដឹងដែរថា សម្រាប់ Toyota Century ថ្មីនេះ នឹងត្រូវផលិតចេញលក់តែ ៣០ គ្រឿងប៉ុណ្ណោះក្នុងមួយខែ ជាមួយនឹងតម្លៃ ១៧០ ០០០ ដុល្លារ ក្នុងមួយគ្រឿង រីឯ Century សេរីមុន គឺនៅតែដំណើរការលក់ដដែល ព្រមគ្នាជាមួយនឹងសេរីថ្មីនេះ ដោយចេញក្នុងទីផ្សារជប៉ុនជាផ្លូវការ នៅរង្វង់ចុងឆ្នាំនេះ។
ប្រភព៖ Car and Driver
អត្ថបទ៖ Andra
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន អ អិម អេ ខេមបូឌា ទទួលបានសិទ្ធិផ្ដាច់មុខក្នុងការនាំចូល និងចែកចាយរថយន្ដ RAM នៅកម្ពុជា
ចង់ជិះ Hilux Revo 2016-2017 បច្ចុប្បន្នគួរកាន់ប៉ុន្មាន? ខណៈប្រើម៉ាស៊ីនធំដូច Vigo ស៊េរីមុនដែរ
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នេះបានហៅថាបាឡែន! Toyota Previa ប្រើម៉ាស៊ីនបាឡែនរាងស្រដៀងត្រីបាឡែនជាឡាន Minivan ៧កៅអី នៅខ្មែរមានប្រើមួយៗដែរ
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024
មកដឹងពីលក្ខខណ្ឌធានារយះពេលពេញមួយជីវិត របស់រថយន្តអគ្គីសនី AION នៅកម្ពុជា
មិនធម្មតា 𝗗𝗘𝗘𝗣𝗔𝗟 𝗦𝟬𝟳 រថយន្តអគ្គិសនីដែលសុវត្ថិភាពខ្ពស់កម្រិតស្តង់ដា ទទួលបានការវាយពិន្ទុផ្កាយ 5 ក្នុងការធ្វើតេស្តសុវត្តិភាពដោយស្តង់ដា ពីប្រទេសអូស្រ្តាលី ANCAP