បន្ទាប់ពីបង្ហាញមុខរថយន្ដអគ្គិសនី bZ4X និងបានលក់លើទីផ្សារបណ្តើរៗ ថ្មីៗនេះ Toyota បានបង្ហាញមុខ រថយន្ដអគ្គិសនី SUV ទី ២ នៅក្នុងសេរីឡានអគ្គិសនី bZ របស់ខ្លួន ដោយលើកនេះជាប្រភេទ Compact SUV ជាមួយរូបរាង និងបច្ចេកវិទ្យាអេមជាងមុន។
រថយន្ដអគ្គិសនី BZ Compact SUV ថ្មីនេះ ត្រូវបាន Toyota យកមកបង្ហាញមុខនៅក្នុងកម្មវិធីពិព័រណ៌រថយន្ដ Los Angeles Autoshow 2022 ដែលប្រព្រឹត្តទៅកាលពីពេលថ្មីៗនេះ បន្ទាប់ពីចេញលក់ម៉ូដែល bZ4X របស់ខ្លួន បានជោគជ័យ ដោយម៉ូដែលថ្មីនេះ ត្រូវបានរចនារូបរាង ឲ្យទាក់ទាញជាងមុន ប្រើប្រាស់ platform e-TNGA ថ្មី របស់ Toyota ជាមួយរាងសាច់ដុំ ចង្កៀងមុខ LED ស៊ិចស៊ី និងចង្កៀងក្រោយអូសវែងជាប់គ្នាមួយខ្សែពេញ មានបណ្ដោយខ្លួន ៤.៥ ម ទទឹងធំជាង bZ4X ២.៧ សម និងកម្ពស់ទាបជាង ៩ សម។
ផ្នែកខាងក្នុងរចនាបែបសាមញ្ញ មិនមានគ្រឿងបរិក្ខារស្អេកស្កះច្រើន តែប្រណិត និងមានផាសុខភាព ជាមួយដៃចង្កូតពាក់កណ្ដាលរង្វង់ ឬ yoke steering wheel កុងទ័រ Digital អេក្រង់កម្សាន្ដ Touch Screen កោងភ្ជាប់នឹងតាបឡូ ជាពិសេសមានប្រព័ន្ធបញ្ជាក្នុងរថយន្ដឈ្មោះថា “Yui” ដែលអាចឲ្យអ្នកប្រើប្រាស់បញ្ជាដោយផ្ទាល់មាត់បានដូចហៅ Google Assistance ឬ Alexa ពី Amazon ដូច្នោះដែរ។
Toyota BZ នេះ ជាប្រភេទ BEV (Battery Electric Vehicle) សុទ្ធ តែ សម្រាប់ព័ត៌មានលម្អិតទាក់ទងនឹង សមត្ថភាពរបស់វា Toyota នៅមិនទាន់ បង្ហើបឲ្យដឹងនៅឡើយទេ តែបើតាមវេបសាយ AutoCar បានសន្និដ្ឋាន ដោយយោងតាម ម៉ូដែល bZ4X ថា វាអាចដំណើរការដោយថ្ម ថាមពល ៧១.៤kWh និងរត់ដោយប្រើប៉ុងមុខ FWD។
គួរបញ្ចាក់ផងដែរថា ទាំងម៉ូដែល mid-SUV bZ4X, sedan bZ3 ដែលមានវត្តមាននៅចិន កាលពីខែ តុលា កន្លងទៅ និងម៉ូដែល BZ Compact SUV ថ្មីនេះ គឺសុទ្ធតែ ស្ថិតនៅក្នុងគម្រោងឡានអគ្គិសនីទាំង ៣០ ម៉ូដែល ដែល Toyota បានធ្វើបទបង្ហាញកាល ពីដើមឆ្នាំកន្លងទៅ ហើយនឹងបន្ដចេញ ជាបន្ដបន្ទាប់គ្នា ដើម្បីបំពេញគោលដៅ ការបំពុលពីកាបូនិច ស្មើសូន្យរបស់ខ្លួននៅឆ្នាំ ២០៥០ នេះផងដែរ។
អត្ថបទ៖ Andra
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!
ZEEKR Cambodia នាំចូលរថយន្ដអគ្គិសនីជាច្រើនម៉ូឌែល ស្របពេលស្រុកខ្មែរចាប់ផ្ដើម និយមឡាន EV បណ្ដើរៗ
ឈ្វេងយល់ចំណុចពិសេសអគារតាំងបង្ហាញរថយន្ត ឡិច ស៊ឺស ជាទីកន្លែងដ៏ប្រណិតផ្ដល់ជូនបទពិសោធន៍លើសពីការរំពឹងទុក
បទពិសោធន៍ជាមួយការធ្វើដំណើរដ៏ប្រណិតភាពថ្មី ទីផ្សាររថយន្តប្រណិតនៅកម្ពុជាស្វាគមន៍ការបង្ហាញខ្លួនជាលើកដំបូងនៅក្រៅប្រទេសរបស់ Denza