បន្ទាប់ពីបាត់មុខយូរ ថ្មីៗនេះ Toyota ត្រៀមចេញឡាន Land Cruiser Prado ជំនាន់ថ្មីឆ្នាំ ២០២៤ នៅពាក់កណ្ដាលឆ្នាំ ២០២៣ ដោយប្រើទម្រង់វិស្វកម្ម TNGA ថ្មីរបស់ Toyota ជាពិសេស ប្រើប្រព័ន្ធ Hybrid មានជម្រើស សាំង-អគ្គិសនី និង ម៉ាស៊ូត-អគ្គិសនី។ 

តាមការចុះផ្សាយពីវេបសាយសារព័ត៌មាន Wheels បានឲ្យដឹងថា Toyota Land Cruiser Prado 2024 ត្រូវបាន រចនាដោយប្រើប្រាស់ platform TNGA របស់ Toyota ជាមួយការអភិវឌ្ឍលើសមត្ថភាព, ប្រព័ន្ធសុវត្ថិភាព រៀបចំឲ្យវាក្លាយជារថយន្ដ off-road SUV ក្នុងនោះ Prado សេរីថ្មី នឹងប្រើប្រាស់ប្រព័ន្ធម៉ាស៊ីន Hybrid ដែលមានពីរ ជម្រើស ដូចជា ម៉ាស៊ូត Hybrid ប្រើ Turbo ២.៨ លីត្រ ៤ ស៊ីឡាំង ជំនួយដោយម៉ូទ័រអគ្គិសនី ២ គ្រាប់ និងមួយទៀត ជា សាំង Hybrid ម៉ាស៊ីន ២.៥ លីត្រ Turbocharged ស្រដៀងគ្នានឹង Lexus NX 350។

តាមការឲ្យដឹងពីវវេបសាយសារព័ត៌មានជប៉ុន Creative Trends លើកឡើងថា សម្រាប់ផ្នែកខាងក្នុង ត្រូវបានរៀបកៅអី ២ ជម្រើស ដូចជា ២ ជួរ ៥ កៅអី និង ៣ជួរ ៧ កៅអី ហើយសម្រាប់គ្រោងឆ្អឹង និងរចនាបទផ្សេងៗអាចនឹងយកគម្រូតាមរថយន្ដ Land Cruiser 300 series រីឯទំហំ របស់វាប្រហាក់ប្រហែលគ្នាទៅនឹង 150 series ។ 

សម្រាប់ព័ត៌មានបន្ថែមទៀត លើសមត្ថភាព បច្ចេកវិទ្យា និងតម្លៃផ្សេងៗ  Toyota នៅលាក់ទុក សិននៅឡើយ ដោយរថយន្ដ កំពុងតែស្ថិតនៅក្នុងដំណាក់កាល អភិវឌ្ឍ ត្រួតពិនិត្យ តេស្ដសាកល្បង និងកែលម្អបញ្ចប់ មុននឹងចេញជាផ្លូវការ ដោយបានដាក់កាលបរិច្ឆេទកំណត់រង្វង់ចន្លោះខែ កក្កដា និង កញ្ញា ឆ្នាំ ២០២៣ នេះ។ 

អត្ថបទ៖ Andra