ថ្មីៗនេះក្រុមហ៊ុន Toyota ទើបតែបានបង្ហាញបច្ចេកវិទ្យាថ្មីរបស់ខ្លួន គឺការផលិត filter រថយន្ដដែលមានសមត្ថភាព មិនត្រឹមតែអាចចម្រោះផ្សែងពុលកាបូនឌីអុកស៊ីតដែលបញ្ចេញពីរថយន្ដប៉ុណ្ណោះទេ តែអាចទាំងបឺតផ្សែងពុលកាបូនិចនេះ ពីបរិយាកាសមកបន្សុទ្ធថែមទៀត។
យោងតាមការឲ្យដឹងពី Carscoops ថា Toyota បានដាក់ពិសោធន៍ filter (តម្រង) ចាប់ឧស្ម័នកាបូនិច នេះទៅលើរថយន្ដ GR Corolla racecar របស់ខ្លួន ដែលទទួលបានលទ្ធផលគាប់ប្រសើរ ដោយវាបានចម្រោះផ្សែងពុលដែលបញ្ចេញពីរថយន្ដ ព្រមទាំងបឺតផ្សែងពុលពីបរិយាកាស មកបម្លែងជាសារធាតុរាវសម្រាប់បច្ចេញចោលវិញ (ដូចគ្នាទៅនឹងការបញ្ចេញចោលរបស់រថយន្ដប្រើប្រាស់ថាមពលអ៊ីដ្រូសែនដែរ)។
អ្វីដែលកាន់តែល្អនោះ បច្ចេកវិទ្យានេះ មិនទាមទារត្រូវការទាញយកថាមពលបន្ថែមពីរថយន្ដនោះទេ ពោលគឺមិនស៊ីភ្លើង មិនស៊ីឥន្ទនៈបន្ថែមពេលដែលប្រើប្រាស់វា ម្យ៉ាងវិញទៀត filter នេះក៏អាចបំពាក់ទៅលើរថយន្ដប្រើឥន្ទនៈធម្មតាផងដែរ ដូច្នេះអាចជាដំណឹងល្អមួយសម្រាប់ម្ចាស់រថយន្ដដែលប្រើប្រាស់ម៉ាស៊ីនចំហេះក្នុង (សាំង ម៉ាស៊ូត) បើសិនជា filter នេះក្លាយជាផលិតផលសម្រេច ១០០%។
ក្នុងពេលនេះ Toyota កំពុងតែរកវិធីតម្លើងសមត្ថភាពរបស់វាបន្ថែមទៀតមុននឹងចេញជាស្ថាពរ ដោយសារតែក្នុងការសាកល្បងនេះ វាអាចបឺតឧស្ម័នពុលបាន ២០ ក្រាម សម្រាប់ការបើកបរ ៩១គម ដែលជាកម្រិតមួយនៅទាបនៅឡើយបើធៀបទៅនឹងរថយន្ដឥន្ទនៈធម្មតា ដែលបញ្ចេញ ៨៨៨៧ ក្រាមក្នុង ១ gallon (៣.៧ល) ក៏ប៉ុន្ដែបញ្ហានេះអាចដោះស្រាយបានដោយការបំពាក់ filter ទំហំធំជាងនេះ គ្រាន់តែ វាអាចនឹងពិបាករកចន្លោះដាក់ក្នុងរថយន្ដអ្នកដំណើរធុនតូចធម្មតា ដែលដាក់បានតែនៅក្នុងរថយន្ដធុនធំ និងរថយន្ដដឹកទំនិញដែលត្រូវការរត់ចុះរត់ឡើងច្រើន។
មួយវិញទៀត តម្រងនេះនឹងតម្រូវឲ្យមានការផ្លាស់ប្ដូរជាញឹកញាប់ប្រសិនបើរថយន្ដ ធ្វើដំណើរមមាញឹកច្រើន ដែលចោលការ ព្រួយបារម្ភមួយផ្នែកទៅលើការគ្រប់គ្រងការបោះចោលកាកសំណល់តម្រងដែលមានសាធាតុពុលនេះ។
តែទោះជាយ៉ាងណាក៏ដោយ បើសិនជាបច្ចេកវិទ្យានេះត្រូវផលិតបានសម្រេច វានឹងជាដំណឹងល្អមួយសម្រាប់អ្នកប្រើប្រាស់រថយន្ដទូទៅដោយមិនចំណាយច្រើន (មិនចាំបាច់ប្ដូររថយន្ដថ្មី) ក៏ដូចជាឧស្សាហកម្មរថយន្ដទាំងមូលផងដែរ ដែលអាចទប់ស្កាត់ និងកាត់បន្ថយកម្រិតឧស្ម័នពុលក្នុងបរិយាកាស តាមច្រើនរបៀបដែលមានទាំងសុវវត្ថិភាព និងប្រសិទ្ធភាពទៅថ្ងៃអនាគត។
អត្ថបទ៖ Andra
ប្រភព៖ Carscoops
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក