ថ្មីៗនេះក្រុមហ៊ុន Toyota ទើបតែបានបង្ហាញមុខសេរីថ្មីនៃរថយន្ថ pick up ពេញនិយមរបស់ខ្លួន Tacoma ២០២៤​ ជាមួយជម្រើសម៉ាស៊ីនថ្មី ប្រើប្រាស់បច្ចេកវិទ្យាទំនើប, trim level ច្រើន និងរូបរាងកាន់តែសង្ហារជាងមុន តម្រូវចិត្តអតិថិជនដែលចូលចិត្តបើកផ្លូវ off road។ 

តាមការឲ្យដឹងពី Toyota ថា Tacoma ២០២៤ មានបំពាក់ម៉ាស៊ីនស្ដង់ដារ ២.៤ លីត្រ turbocharged ជាមួយបច្ចេកវិទ្យា i-Force និងនាំមជូនជម្រើស tim level ចំនួន ៨ ផ្សេងៗគ្នា ទៅតាមតម្រូវការដូចជា SR ប្រើម៉ាស៊ីនស្ដង់ដារ ផលិតកម្លាំង ២៧០ សេះ, រីឯ SR5, new TRD PreRunner ប្រើម៉ាស៊ីនស្ដង់ដារកម្លាំង ២៧៨ សេះ,

TRD Sport, TRD Offroad, Limited, trim ពេញនិយម TRD Pro និង trim ថ្មីស្រឡាង​ Trailhunter ប្រើម៉ាស៊ីន ២.៤ លីត្រ turbocharged Hybrid មានបច្ចេកវិទ្យា i-Force Max ផលិតកម្លាំង ៣២៦ សេះ, ក្នុងនោះវាក៏ផ្ដល់ជូននូវជម្រើសប្រអប់លេខអូតូ និងលេខដៃផងដែរ បូកជាមួយបច្ចេកវិទ្យាជើងក្រោមប្លែកពីគ្នាផងដែរ។ 

ផ្នែកខាងក្រៅត្រូវបានរចនាលក្ខណៈស្រដៀងទៅនឹង Tundra រីឯខាងក្នងត្រូវបានរចនាប្រណិត​ មានកៅអីស្បែកផាសុខភាព​ និងអេក្រង់កម្សាន្ដ touch screen ទំហំ ៨ អិង​ ដែលអាចកម្មង់ឡើងបាន ១៤ អិង អាចភ្ជាប់ជាមួយ Android auto និង Apple CarPlay បាន ផ្គួបជាមួយអេក្រង់កុងទ័រឌីជីថលទំហំ ៧ អិង, ប្រព័ន្ធ​សម្លេង JBL speaker ១០ គ្រាប់ ដែលភ្ជាប់ bluetooth បាន និងបច្ចេកវិទ្យាផ្សេងៗទៀត ជាពិសេសគឺ វាត្រូវបានបំពាក់ជាមួយប្រព័ន្ធសុវត្ថិភាព Toyota’s Safety Sense 3.0 ដែលទើបតែអភិវឌ្ឍថ្មី។ 

សម្រាប់តម្លៃរបស់វាវិញ Toyota មិនទាន់បានឲ្យដឹងនៅឡើយទេ តែបើតាម MotorTrend បានសន្និដ្ឋានថា វាអាចចាប់ផ្ដើមពីចន្លោះ ៣០០០០ ទៅ ៥០០០០ ដុល្លារ ហើយ នឹងមានវត្តមាននៅដាក់លក់ជាផ្លូវការនៅចុងឆ្នាំនេះ សម្រាប់ trim ដែលប្រើម៉ាស៊ីនស្ដង់ដារ និងចុងត្រីមាសទី ១ ឆ្នាំ ២០២៤ សម្រាប់ trim ប្រើម៉ាស៊ីន Hybrid i-Force Max។ 

ប្រភព៖ Toyota 

អត្ថបទ៖ Andra