ថ្មីៗនេះ Toyota បានប្រកាសចូលដៃសហការគ្នាជាមួយក្រុមហ៊ុនរថយន្ដចិន BYD ផលិតរថយន្ដអគ្គិសនីម៉ូដែលថ្មី របស់ខ្លួន ឈ្មោះ bZ3 ក្នុងរោងចក្រប្រទេសចិន ដោយ Toyota រ៉ាប់រងលើការផលិតតួរថយន្ដ និងបច្ចេកវិទ្យាប្រើប្រាស់ផ្សេងៗ ខណៈ BYD ទទួលបន្ទុកលើការផលិតអាគុយ (ថ្ម/Battery) បំពាក់ក្នុងរថយន្ដនេះ។
បើតាមការការចុះផ្សាយពី Reutrers បានឲ្យដឹងថា បន្ទាប់ពីទទួលជោគជ័យលើការ បញ្ចេញឡានអគ្គិសនីទី១ bZ4X របស់ខ្លួនលក់ទីផ្សារកាលពីប៉ុន្មានខែកន្លងទៅ ពេលនេះ ក្រុមហ៊ុនផលិតឡានល្បីរបស់ជប៉ុន Toyota កំពុងគិតគូររៀបចំផលិត រថយន្ដអគ្គិសនីម៉ូដែលថ្មីមួយទៀត នោះគឺ Toyota bZ3 ដែលជាការចូលដៃគ្នាផលិតរវាង Toyota និងក្រុមហ៊ុនផលិត រថយន្ដល្បីរបស់ចិន BYD ក្នុងរោងចក្រប្រទេសចិន។
តាមការឲ្យដឹងពី Inside EV ថា Toyota bZ3 នេះជារថយន្ដប្រភេទ Compact Sedan ខ្នាតតូច ប្រើប្រាស់អគ្គិសនីសុទ្ធ ជាម៉ូដែលទី២ ក្ក្នុងក្រុមរថយន្ដអគ្គិសនី bZ (Beyond Zero series) របស់ Toyota តែម៉ូដែលនេះ នឹងត្រូវបំពាក់ជាមួយអាគុយ Lithium-iron-phosphate (LFP) Blade Batteries ពីក្រុមហ៊ុន BYD បង្កើតជាមួយបច្ចេកវិទ្យា Blade Technology របស់ខ្លួនធ្វើឲ្យអាគុយមានកម្រាស់ស្ដើង តែប្រមាណ ២ អ៊ិង ប៉ុណ្ណោះ តែមានសមត្ថភាពខ្ពស់អាចផ្ដល់ថាមពលបាន ១៣៥kW បង្កើតកម្លាំងបាន ១៨១ សេះ និងប្រភេទមួយទៀត ផ្ដល់ថាមពលបាន ១៨០kW បង្កើតកម្លាំងបាន ២៤១សេះ។ រីឯលើតួរថយន្ដវិញ នឹងប្រើប្រាស់បែបបទ bZ SDN Concept របស់ Toyota ដោយវា មានទំហំប្រហាក់ប្រហែលនឹង Toyota Corolla ដែរគ្រាន់តែរាងទូលាយជាងនៅផ្នែកខាងក្រោយ។
Toyota នៅមិនទាន់បានឲ្យដឹងថា bZ3 នឹងបង្ហាញខ្លួនក្នុង showroom នៅពេលណានោះទេ គ្រាន់តែបានបង្ហើបថា វានឹងត្រូវចេញលក់ជាមួយតម្លៃត្រឺមខ្ទង់ ២៨០០០ ដុល្លារ ប៉ុណ្ណោះ ដែលស្មើនឹង ៣០% ទាបជាង Telsa Model 3 ក្នុងនោះ សង្វាក់ផលិតកម្មនឹងចាប់ផ្ដើមនៅរង្វង់បំណាច់ឆ្នាំ ២០២២ នេះ ក្នុងរោងចក្រ Tianjin ប្រទេស ចិន។
អត្ថបទ៖ Andra
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ