កាលពីពេលថ្មីៗនេះ ក្រុមហ៊ុនផលិតឡានជប៉ុន Toyota បានបង្ហោះរូបភាព teaser ថ្មីមួយ ក្នុងគណនី Instagram ផ្លូវការរបស់ខ្លួន ថានឹងបង្ហាញមុខ Toyota Prius ជំនាន់ទី ៥ ថ្មី នៅថ្ងៃទី ១៦ វិច្ឆិកានេះ ជាមួយការរចនារូបរាងថ្មី និង អាចមានជម្រើស Hybrid អ៊ីដ្រូសែន-អគ្គិសនី។
តាមការចុះផ្សាយពី Carscoops បានឲ្យដឹងថា Toyota Prius ជំនាន់ថ្មីនេះ នឹងត្រូវរចនាឡើងជាមួយ E3 platform ដែលបំបែកគម្រូចេញពី ស្ថាបត្យកម្មឡានអគ្គិសនីសេរី bZ និង Corolla ព្រមទាំងប្រព័ន្ធ ICE-compatible TNGA-C ដោយក្រុមហ៊ុន បានបង្ហើបដែរថា ក្រៅតែពីជម្រើស hybrid សាំង-អគ្គិសនី ធម្មតា វាអាចនឹងមានជម្រើស Hybrid អ៊ីដ្រូសែន-អគ្គិសនី ដែល Toyota គ្រោងបង្ហាញផ្លូវការនៅឆ្នាំ ២០២៥ ផងដែរ។
តាមរយៈរូបភាព ដែល Toyota បានបង្ហោះលើគណនី Instagram ផ្លូវការរបស់ខ្លួន ឲ្យឃើញការរចនា មានបែបបទស្រដៀងទៅនឹង ម៉ូដឡានអគ្គិសនីសេរី bZ របស់ Toyota, ផ្នែកខាងមុខមានចង្កៀង LED ប្រណិត និងមានម៉ូដកន្ទុយក្រោយ ស្រដៀងនឹងស្ដាយ Porsche Taycan រំលេចជាមួយនឹងពាក្យ “Hybrid Reborn” ផងដែរ។
Prius ជំនាន់ទី ៥ នេះ ក៏នឹងបំពាក់ជាមួយបច្ចេកវិទ្យា Hybrid ថ្មីរបស់ Toyota ផងដែរ ដែលបានអភិវឌ្ឍឲ្យប្រសើរជាងមុន លើមុខងារជំនួយ ដំណើរការបើកបរ និង ប្រព័ន្ធសុវត្ថិភាព។
យ៉ាងណាមិញ ដោយហេតុថា ព័ត៌មានលម្អិតផ្សេងៗ Toyota នៅមិនទាន់បានបង្ហើបឲ្យដឹងនៅឡើយ តែបានសន្យាថា នឹងបង្ហាញមុខជាផ្លូវការ នៅថ្ងៃទី ១៦ ខែ វិច្ឆិកា សប្ដាហ៍ក្រោយនេះ ក្នុងវេបសាយ និងគណនីបណ្ដាញសង្គមផ្លូវការរបស់ខ្លួន។
អត្ថបទ៖ Andra
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ