កាលពីពេលថ្មីៗនេះ ក្រុមហ៊ុនផលិតរថយន្ដអគ្គិសនីវៀតណាម VinFast បានប្រកាសសម្ភោធបង្ហាញមុខរថយន្ដអគ្គិសនីសេរីថ្មី VF7 EV SUV ជាផ្លូវការ ជាមួយតម្លៃចាប់ផ្ដើមពី ៣៥០០០ ដុល្លារ ក្នុងទីផ្សារវៀតណាម បូករួមនឹងសមត្ថភាពខ្ពស់ បច្ចេកវិទ្យាទំនើប។ 

តាមការចុះផ្សាយពី Electrek បានឲ្យដឹងថា VinFast VF7 EV SUV សេរីថ្មីនេះ មានពីរជម្រើស trim level ដោយ trim ស្ដង់ដារ ឬ Base Level បំពាក់ម៉ូទ័រអគ្គិសនី ១​ ជាមួយថ្មថាមពល ៥៩.៦ kWh ផលិតកម្លាំងបាន ១៧៤ សេះ សាកពេញម្ដងអាចរត់បានចម្ងាយ ៣៧៥ គម និងតម្លៃចាប់ពី ៣៥០០០ ដុល្លារឡើងទៅ។

សម្រាប់ trim Plus វិញ បំពាក់ Dual Motor ជាមួយថ្មថាមពល ៧៥.៣ kWh ផលិតកម្លាំងបាន ៣៤៩ សេះ សាកពេញម្ដងអាចរត់បាន ៤៣១គម​ និងតម្លៃចាប់ពី ៤១០០០ ដុល្លារទៅ។ 

នៅខាងក្នុងរថយន្ដត្រូវបានភ្ជាប់ជាមួយនឹងប្រព័ន្ធបច្ចេកវិទ្យាស្ដង់ដាររបស់ VinFast "VF Connect Package" ដែលមានដូចជា មុខងារជំនួយការឌីជីថល ដែលអាចប្រើប្រាស់ច្រើនភាសា, មុខងារ auto e-call, intrusive alert, និង time fencing ជាដើម។

គួរបញ្ជាក់ផងដែរថា VF 7 នេះ នឹងមានវត្តមានក្នុងទីផ្សារប្រទេសវៀតណាមដំបូងគេ (ជាមួយនឹងការផ្ដល់ជូនកញ្ចប់សេវាកម្មថែទាំ និងប្ដូរថ្មផ្សេងៗសម្រាប់អតិថិជន)  មុននឹងបន្ដទៅទីផ្សារសហរដ្ឋអាមេរិក និងបណ្ដាទីផ្សារប្រទេសផ្សេងៗទៀត និងចាប់បើកទទួលកក់នៅខែធ្នូ ឆ្នាំ ២០២៣ នេះ។ 

គួររំឭកផងដែរថា មកទល់ពេលនេះ VinFast បានសម្រេចបញ្ចេញលក់រថយន្ដអគ្គិសនីម៉ូដែលដូចជា VF e34, VF 5, VF 8,និង VF​ 9 ក្នុងទីផ្សារអាមេរិក និងអឺរ៉ុបរួចរាល់ហើយដែលទទួលបានការគាំទ្រប្រើប្រាស់គួរកត់សម្គាល់ ដោយក្រុមហ៊ុនបានដាក់ទុនធ្វើរោងចក្រដំឡើងរថយន្ដនៅអាមេរិកផ្ទាល់ ក្នុងនោះ ក៏មានម៉ូដែលក្រោយៗដូចជា VF 3, VF 6 និង VF 7 នេះ ក្រុមហ៊ុនមានគម្រោងផលិតលក់សម្រាប់ទីផ្សារវៀតណាម និងទីផ្សារទូទៅ បូករួមទាំងអាស៊ីនៅពេលខាងមុខ (ពេលឡានអគ្គិសនីនៅអាស៊ីមានតម្រូវការច្រើនផងដែរ)។   

ប្រភព៖ Electrek 

អត្ថបទ៖ Andra 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

តោះ! ចូលរួមការងារជាមួយ Advan Auto ប្រសិនបើអ្នកស្រឡាញ់វិស័យរថយន្ត មិនចាំបាច់មានបទពិសោធន៍ក៏បាន អ្នកអាចមករៀនសូត្រពីការងារជាមួយពួកយើងឥឡូវនេះ ។

អ្នកផលិតមាតិកា/សរសេរអត្ថបទព័ត៌មាន - Content Creator/Writer (Intern)

អ្នកកាត់តវីដេអូ - Video Editor (Intern)

ដាក់ពាក្យមកកាន់ Telegram: t.me/advanauto_contact

ទាញយកព័ត៌មានលម្អិត (Job Description) : https://shorturl.at/izBIW