ក្រោយពីទទួលជោគជ័យក្នុងការផ្សព្វផ្សាយលក់គួរឲ្យកត់សម្គាល់នៅលើទឹកដីអាមេរិក ក្រុមហ៊ុនផលិតរថយន្ដអគ្គិសនីវៀតណាម VinFast ថ្មីៗនេះ បានប្រកាសប្រមូលយករថយន្ដទាំងអស់មកត្រួតពិនិត្យឡើងវិញដោយសារ Error ប្រព័ន្ធ software នៅលើ dashboard។ 

តាមការចុះផ្សាយពី Reuter ថា បើយោងតាមរបាយការណ៍ពីរដ្ឋបាលសុវត្ថិភាពចរាចរណ៍ផ្លូវជាតិអាមេរិក (U.S. National Highway Traffic Safety Administration) បានឲ្យដឹងថា រថយន្ដ VinFast ម៉ូដែល VF8 ដែលបានដឹកមកចំនួន ៩៩៩ គ្រឿង ជួបបញ្ហាប្រព័ន្ធ Software នៅលើ dashboard រថយន្ដមិនដំណើរការ ដែលមិនអាចបង្ហាញព័ត៌មានផ្សេងៗ ដូចជា សញ្ញាប្រុងប្រយត្ន័, ឬរាំងស្ទះការជូនដំណឹងពីជំនួយការបើកបរផ្សេងៗ ដែលអាចបង្កឲ្យអត្រាបុកប៉ះកើនឡើង ប៉ះពាល់ដល់សុវត្ថិភាពអ្នកបើកបរក្នុងរថយន្ដជាយថាហេតុ។

ដូច្នេះហើយក្រុមហ៊ុន VinFast បានសម្រេចប្រកាសប្រមូលយករថយន្ដដែលបានដឹកជូនអតិថិជនច្រើនជាង ២០០ គ្រឿង និងក្នុងស្ដុកជាង ៧០០ គ្រឿងទៀតមកត្រួតពិនិត្យ និង update ប្រព័ន្ធឡើងវិញ ឬប្ដូរ dashboard ជូនវិញដោយមិនគិតថ្លៃចំណាយពីអតថិជនឡើយ។ 

គួររំឭកថា បច្ចុប្បន្ននេះ VinFast កំពុងតែខ្នះខ្នែងលក់រថយន្ដអគ្គិសនី ២​ ម៉ូដែល VF8 និង VF9 របស់ខ្លួន ពីអាស៊ី ទៅ អឺរ៉ុប ជាពិសេស អាមេរិក លក់បានកាក់កបជាងគេ ដោយគិតដល់បំណាច់ខែ ធ្នូ ឆ្នាំ ២០២២ កន្លងទៅ VinFast ទទួលការកម្មង់ទិញរថយន្ដបាន ១២០០០ គ្រឿង ហើយ ថ្វីត្បិតតែ VinFast មានដើមកំណើតមកពីប្រទេសក្នុងតំបន់អាស៊ី តែក្រុមហ៊ុន បានដាក់គោលដៅ ទីផ្សារទៅបណ្ដាប្រទេសលោកខាងលិច ដោយសារតែតម្រូវការការប្រើប្រាស់នៅទីនោះ មានច្រើន ជាក់ស្ដែង VinFast បានចំណាយទុនវិនិយោគសាងសង់រោងចក្រធំៗដូចជានៅ North Carolina អាមេរិក, Frankfurt អាល្លឺម៉ង់, Paris បារាំង, Amsterdam ហូឡង់ និង គ្រោងបន្ដទៅប្រទេសផ្សេងៗទៀតជាដើម។

ប្រភព៖ Reutre 

អត្ថបទ៖ Andra 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!