ថ្មីៗនេះ ក្រុមហ៊ុនផលិតរថយន្ដអគ្គិសនីស៊ុយអែត/ចិន (បុត្រសម្ព័ន្ធនឹង Geely) Volvo ទើបតែចេញកូនឡានអគ្គិសនីម៉ូដែលថ្មី ជាមួយរូបរាងសង្ហា សមត្ថភាពខ្ពស់ និងតម្លៃខ្ទង់តែ ៣៥០០០ ដុល្លារ មកប្រជែងក្នុងទីផ្សាររថយន្ដអគ្គិសនី នៅឆ្នាំ ២០២៤ នេះ។  

រថយន្ដអគ្គិសនីនេះមានឈ្មោះថា Volvo EX30 2025  ជាប្រភេទ​ SUV ប្រើថ្មថាមពល ៦៩ kWh សាកពី ០% ទៅ​ ៨០%​ ប្រើពេលតែ ២៦ នាទី មាន ២ ម៉ូដែលសម្រាប់ជ្រើសរើស មួយប្រើប៉ុងមួយ RWD ប្រភេទ Extended Range ប្រើម៉ូទ័រអគ្គិសនី ១​ ផលិតកម្លាំងបាន ២៦៨ សេះ ជាន់ពី ០ ទៅ ១០០គម/ម៉ ប្រើពេល ៥ វិនាទី និងសាកមួយពេញម្ដងរត់បាន ៤៤២ គម និងប៉ុងពីរ AWD ជាប្រភេទ Performance មានម៉ូទ័រអគ្គិសនី ២ ផលិតកម្លាំងបាន ៤២២ សេះ សាកមួយពេញម្ដងរត់បាន ៤២៦ គម ជាពិសេសវាមានសមត្ថភាពជាន់ល្បឿនស្ទុះ ប្រហែលនឹងឡាន supercar ដែរ ដោយពី ០ ទៅ ១០០ គម/ម៉ ប្រើពេលត្រឹម ៣.៤ វិនាទី ។ 

សម្រាប់ផ្នែកខាងក្នុងត្រូវបានរចនាបែបសាមញ្ញ និងទូលាយ (minimalist) មិនមានបំពាក់បរិក្ខារស្អេកស្កះច្រើន មានអេក្រង់កម្សាន្ដ touchschreen ១២.៣ អិង មួយចំកណ្ដាល dashboard រត់ដោយប្រព័ន្ធ Google built in អាចភ្ជាប់ប្រព័ន្ឌ Apple Carplay បាន រីឯប៉ូតុងបញ្ជាផ្សេងៗនៅលើចង្កូត ដែលមានរាងផតលើក្រោម ជាពិសេសស្បែកពូកកៅអីផ្សេងៗនៅក្នុងរថយន្ដត្រូវបានផលិតដោយប្រើប្រាស់គ្រឿងសម្ភារៈដែល អាចកែច្នៃឡើងវិញបាន និងផលិតក្នុងរោងចក្របច្ចេកវិទ្យាខ្ពស់ មានការបំពុលបរិស្ថានទាបបំផុត។ 

តាម electrek បានឲ្យដឹងថា Volvo នឹងនាំមកជូនប្រភេទ​ EX30 Cross Country ផងដែរ ដែលមានបំពាក់មុខងារចាំបាច់មួយចំនួនបន្ថែមទៀត សម្រាប់អតិថិជនដែលចុលចិត្តការបើកឡានផ្លូវឆ្ងាយជា road trip ជាដើម។​ ក្រុមហ៊ុនក៏បានឲ្យដឹងដែរថា សម្រាប់ Volvo EX30 2025 នេះ នឹងចេញក្នុងទិផ្សារអាមេរិកមុនគេ ក្នុងរង្វង់ឆ្នាំ ២០២៤ នេះ ជាមួយតម្លៃសមរម្យចាប់ពី ៣៥០០០ ដុល្លារទៅ ដែលអតិថិជនអាចចាប់កក់ទុកមុនបានពីពេលនេះតទៅ។

ប្រភព៖ Electrek

អត្ថបទ៖ Andra 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!