ថ្មីៗនេះក្រុមហ៊ុនផលិតថ្មយានយន្ដអគ្គិសនី (ជាពិសេសរថយន្ដ) ធំ និងល្បីឈ្មោះរបស់ចិន CATL បានប្រកាសថា ខ្លួនកំពុងតែស្ថិតក្នុងការ អភិវឌ្ឍថ្ម បច្ចេកវិទ្យាថ្មី ដែលខ្លាំងគ្រប់គ្រាន់សម្រាប់ការប្រើប្រាស់លើយន្ដហោះ។ 

CATL បានឲ្យដឹងថា ក្រុមហ៊ុនបានធ្វើតេស្ដសាកល្បងជោគជ័យរួចម្ដងមកហើយលើការប្រើប្រាស់ ថ្មដែលអាចអូសយន្ដហោះបាន ដោយប្រើប្រាស់ថ្មប្រភេទ​ “Condensed Battery” ដែលមាន Ultra high density អាចអូសយន្ដហោះ 4 ton plane បាន និងត្រៀមធ្វើតេស្ដមួយទៀតលើយន្ដហោះ 8 ton plane ជាមួយនឹងការរំពឹងទុកថា អាចហោះបានចម្ងាយដល់ ២០០០ ទៅ ៣០០០ គម នៅនៅ ៣ ទៅ ៤ ឆ្នាំទៀត (២០២៧​ - ២០២៨)។ 

តាម New Atlas បានឲ្យដឹងថា CATL បានប្រកាសចេញថ្មថាមពលខ្លាំង “Condensed Battery” នេះ កាលពីខែ មេសា ឆ្នាំ ២០២៣ ដែលមាន energy density ខ្ពស់​ 500 Wh/kg (វ៉ាត់ម៉ោង ក្នុងមួយគីឡូក្រាម)​ ពីរដង នៃថ្មប្រភេទធម្មតាដែលមានបច្ចុប្បន្ន ដូចជា ថ្មអាស៊ីត (acid car battery) មានដល់ 50 Wh/kg ខណៈ ថ្មលីចូមអ៊ីយ៉ុង (lithuim ion EV battery) ដែលនិយមប្រើលើរថយន្ដអគ្គិសនីបច្ចុប្បន្នដូចជា Tesla Model 3 មាន 265 Wh/kg។

CATL បានឲ្យដឹងដែរថា ថ្ម “Condensed Battery” នេះគឺ ធ្វើឡើងជាពិសេសសម្រាប់ការប្រើប្រាស់លើ យន្ដហោះតែម្ដង ដោយត្រឹម ៣​ ខែបន្ទាប់ពីការបង្ហាញមុខរបស់វា CATL បើកក្រុមហ៊ុនបុត្រសម្ព័ន្ធមួយ សហការជាមួយក្រុមហ៊ុនអាកាសចរចិន Commercial Aircraft Corperation in China (COMAC) ដើម្បីធ្វើតេស្ដ និងអភិវឌ្ឍការប្រើប្រាស់ថ្មនេះ។ 

សូមជម្រាបជូនថា CATL មិនមែនតែជាក្រុមហ៊ុនថ្មល្បីនៅចិនប៉ុណ្ណោះទេ តែកំពុងស្ថិតនៅជាអ្នកផ្គត់ផ្គង់ថ្មធំជាងគេលើពិភពលោក ជាមួយនឹងហ៊ុនដល់ ៣៧% លើទីផ្សារថ្មទាំងមូល ដែលផ្គត់ផ្គង់សូម្បីតែក្រុមហ៊ុន Ford និង Tesla ផងដែរ។ 

អត្ថបទ៖ Andra 

ប្រភព៖ New Atlas

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!