ថ្មីៗនេះ និស្សិតមួយក្រុមមកពីសកលវិទ្យាល័យ Technical University of Munich (TUM) ក្នុងប្រទេសអាល្លឺម៉ង់ បានបំបែកកំណត់ត្រាពិភពលោក ដោយការផលិតរថយន្ដអគ្គិសនីដែលសាកមួយពេញ អាចធ្វើដំណើរបានលើស ២៥០០គម។
រថយន្ដអគ្គិសនីនេះមានឈ្មោះថា Muc022 ផ្គុំនឹងផលិតឡើងដោយក្រុមនិស្សិតដែលបានដាក់ឈ្មោះខ្លួនឯងថា TUfast Eco និងត្រូវបានរចនារូបរាងបែប aerodynamic ពិសេស (រាងដូចដំណក់ទឹក) កៅអី ១ បំពាក់ជាមួយថ្មអគ្គិសនី ថាមពល ១៥.៥ kWh និងមិនត្រូវបានបន្ថែមដោយថាមពលសូឡាសម្រាប់សាកតាមផ្លូវនោះទេ ពោលគឺ សាកតែមួយពេញប៉ុណ្ណោះ វាសម្រេចការធ្វើដំណើរចម្ងាយដល់ទៅ ២៥៧៣.៧៩ គម ចំណាយពេល ៤ ថ្ងៃ នៅក្នុងកម្មវិធី IAA Muich Mobility Show ដែលបំបែកកំណត់ត្រាចាស់ Greatest Distance by Electric Vehicle, Single Charge (non-solar) កាលពីឆ្នាំ ២០១៧ កន្លងទៅ ពីរថយន្ដអគ្គិសនី The Phoenix របស់ក្រុមហ៊ុនបច្ចេកវិទ្យាអាមេរិក IT Asset Partners (ITAP) ដែលធ្វើដំណើរបានចម្ងាយ ១៦០៨.៥៤ គម ក្នុងថាមលមួយពេញ។
សូមជម្រាបជូនថា ចម្ងាយធ្វើដំណើរដែល Muc022 របស់ TUfast Eco ធ្វើបាននេះ គឺលើសច្រើនដង ធៀបទៅនឹងចម្ងាយដែលធ្លាប់កំណត់បានពីឡានអគ្គិសនីដែលផលិតលក់នៅលើទីផ្សារធម្មតារបស់ក្រុមហ៊ុនល្បីៗ ជាក់ស្ដែង ឡានអគ្គិសនីបច្ចុប្បន្នដែលឈរលើចំណាត់ថ្នាក់លេខ ១ ខាងរត់បានឆ្ងាយគឺ Lucid Air 2023 ជាមួយចម្ងាយ ៨៣០ គម និងលេខ ២ គឺ Tesla Model S ចម្ងាយ ៦៥១ គម នេះបើតាមការឲ្យដឹងពី Car and Drivers ក្នុងនោះដែរ ថ្មីៗនេះក្រុមហ៊ុនឡានអគ្គិសនីចិន Geely ក៏ទើបតែបានបង្ហាញរថយន្ដអគ្គិសនីថ្មីរបស់ខ្លួនដែលមានសមត្ថភាពបើកបាន ១០០០ គម ជាមួយថាមពលមួយពេញផងដែរ។
តាមការឲ្យដឹងពី New Atlas ថា បន្ទាប់ពីបំបែកកំណត់ត្រាហើយ ក្រុម TUfast Eco កំពុងតែរៀបចំដំឡើង version ទី ២ របស់ Muc022 ទៅ Muc023 សម្រាប់កម្មវិធី Shell Eco Marathon ក្នុងពេលឆាប់ៗនេះ ដែលដូចជាការរៀបចំខ្លួនសម្រាប់ទំនាក់ទំនងជាមួយអ្នកវិនិយោគទុនផ្សេងៗ ដើម្បីលក់បច្ចេកវិទ្យា និងផលិតផលរបស់ខ្លួនឲ្យចេញជារូបរាងពិតប្រាកដមួយក្នុងទីផ្សារផងដែរ។
ប្រភព៖ New Atlas
អត្ថបទ៖ Andra
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
MG G50 ជារថយន្តប្រភេទ MPV ដែលលក់ដាច់ខ្លាំងបំផុតនៅប្រទេសហ្វីលីពីននិងវៀតណាម ហើយបច្ចុប្បន្ននេះគឺមានលក់នៅកម្ពុជាហើយ
បច្ចុប្បន្ន Camry ឆ្លាម មានសន្ទុះទីផ្សារគ្រាន់បើក្នុងរង្វង់រថយន្ដតម្លៃខ្ទង់ 4 ទៅ 6ពាន់ដុល្លារ ខណៈឡាន Sedan របស់ជប៉ុននេះអាយុកាលក្បែរ 30ឆ្នាំហើយក្ដី
Kia Picanto 2024 ប្រភេទមួយទឹកស្លាកលេខឃើញមានលក់បណ្ដើរៗហើយ តម្លៃក្រោម 2ម៉ឺនដុល្លារ ល្មមពិចារណាដែរអត់?
CR-V ឆ្នាំ 2020-2023 អត់ទំនើបតែធន់សន្សំសំចៃខ្ពស់ មិនស្មុកស្មាញច្រើនស្រួលប្រើ គ្រាន់តែតម្លៃនៅរាងខ្ពស់បន្ដិច
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
មកដឹងមូលហេតុដែល Toyota បញ្ឈប់ការផលិត Toyota Rush ខណៈស្រុកខ្មែរត្រូវប៉ាន់ នឹងលក់ដាច់គ្មានសល់
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024