ស្របពេល ក្រុមហ៊ុនរថយន្ដជាច្រើនកំពុងផលិតរថយន្ដដែលការ់បន្ថយជាតិ កាបូនិចពុល ឲ្យនៅតិចបំផុត ក្រុមនិស្សិតសញ្ជាតិ ហូឡង់ មួយក្រុម បាននាំគ្នា សិក្សាផលិតរថយន្ដគម្រូមួយប្រភេទ ដេលមិនត្រឹមតែ បញ្ចេញជាតិបំពុលតិចបណ្ណោះទេ ថែមទាំងអាចស្រូបយកជាតិកាបូនិច ពុលនេះបានវិញទៀតផង។
តាមការចុះផ្សាយពីសារព័ត៌មាន EuroNews បានឲ្យដឹងថា រថយន្ដនេះ ជាប្រភេទរថយន្ដ ZEV (Zero Emission Vehicle) ដែលត្រូវបានរចនាឲ្យចេញជារូបរាងឡើងដោយក្រុមនិស្សិតសកលវិទ្យាល័យ Eindhoven University of Technology ក្នុងប្រទេស ហូឡង់ ហើយបើយោងតាមសម្ដីនិស្សិត Jens Lahaije សមាជិកម្នាក់ក្នុងក្រុមនេះ បានរៀបរាប់ថា ៖
“គោលបំណងធំ នៅពីក្រោយការបង្កើតរថយន្ដមួយនេះ គឺធ្វើយ៉ាងណាឲ្យគ្រប់ដំណាក់កាល មិនថាជាពេលកំពុងផលិត ពេលប្រើប្រាស់ និងក្រោយពីប្រើប្រាស់នោះទេ មានការបញ្ចេញឧស្ម័នពុល CO2 ស្ថិតនៅកម្រិត អប្បបរិមារ (ទាបបំផុត)”
វេបសាយ Carscoops ក៏បានឲ្យដឹងបន្ថែមទៀតថា តួរថយន្ដទាំងមូល និងគ្រោងឆ្អឹងរបស់វា គឺត្រូវបានគេប្រើបច្ចេកវិទ្យា ព្រីន 3D ចេញមកប្រើប្រាស់សារធាតុប្លាស្ទិច ដែលអាចកែច្នៃបាន ក្នុងកម្រិតខ្ពស់ (high proportion of recycled plastic) សម្រាប់តម្រូវរូបរាង ពិតរបស់វា និងដំណើរការដោយអាគុយ Lithtium ion ជាប្រភពផ្ដល់ថាមពល។ ហើយចំណុចដែលគូរឲ្យចាប់អារម្មណ៍ (pièce de résistance) ដែលធ្វើឲ្យប្លែកពីឡានដទៃនោះគឺ វាមានតម្រងពិសេស ពីរ ដែលអាចចាប់សារធាតុ កាបូនឌីអុកស៊ីត ឬកាបូនិច (CO2) នៅពេលវាកំពុងបើកបរ ជាមួយនឹងសមត្ថភាពអាចចាប់បានច្រើនជាង ២ គីឡូក្រាម នៃឧស្ម័នផ្ទះកញ្ចក់ (Greenhouse Gas) នេះរៀងរាល់ពេលបើកបានចម្ងាយ ២០០០០ គីឡូម៉ែត្រ។
និស្សិត Louise de Laat ដែលជាប្រធានក្រុមបាន បន្ថែមថា ៖
“រថយន្ដនេះ កំពុងស្ថិតក្នុងដំណាក់កាលត្រួត អភិវឌ្ឍបន្ថែម ដោយយើងកំពុងតែស្រាវជ្រាវបង្កើនសមត្ថភាពតម្រងពិសេសនេះ ឲ្យចាប់បានច្រើនជាងមុន ដោយតាមការពិសោធន៍កន្លងមក វាមានប្រសិទ្ធភាពស្រូបបានខ្ពស់ត្រឹមចម្ងាយ ៣២០ គីឡូម៉ែត្រ ដែលទាមទារឲ្យវាត្រូវប្ដូរចេញម្ដង”
គួរបញ្ជាក់ថា ដើម្បីឲ្យរថយន្ដនេះចេញជារូបរាងជាផ្លូវការ គឺចាំបាច់ត្រូវការការគាំទ្រពីក្រុមហ៊ុនផលិតរថយន្ដនានា ដោយបច្ចុប្បន្ននេះ សកលវិទ្យាល័យ កំពុងតែ ស្វះស្វែងទំនាក់ទំនង ធ្វើបទបង្ហាញទៅក្រុមហ៊ុនទាំងនេះ ដើម្បីទាក់ទាញវិនិយោគទុនលើការផលិតវាឲ្យទៅជារថយន្ដពិតប្រាកដមួយផងដែរ។
អត្ថបទ៖ Andra
The new Hyundai TUCSON ឆ្នាំ២០២៥ បានបង្ហាញរូបរាងជាលើកដំបូងនៅព្រះរាជាណាចក្រកម្ពុជា
4 ចំណុចដែល Prius Option 5 ទទួលបានលើសពី Option 2-4 ខណៈតម្លៃវិញក៏ខ្ពស់ដែរ
Land Cruiser Prado 2025 មកដល់ហើយតម្លៃ 16ម៉ឺនដុល្លារជាង ចុះស៊េរីចាស់ឆ្នាំ 2003 នេះវិញសល់តម្លៃខ្លួនប៉ុន្មានដែរ
Tacoma 2001-2004 នៅតែជាឡាន Pick Up ដែលពេញនិយម នឹងតម្លៃទីផ្សារនឹងល្អ ទោះបីជាអាយុកាល 20ឆ្នាំហើយក្ដី
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ