ធ្លាប់តែផលិតឡានស្ព័រ ស្រាប់តែឥឡូវ Audi ចេញឡានអគ្គិសនីបើកស្វ័យប្រវត្តិ មាឌធំខុសពីឡានធម្មតា

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បន្ទាប់ពីសន្យាមកជាយូរ ពេលនេះ Audi បានសម្រេចបញ្ចេញមុខឡានអគ្គិសនីម៉ូដែលថ្មីមួយទៀតរបស់ខ្លួន បង្គ្រប់ក្នុងវង់ត្រកូលគ្រួសារសេរី Sphere នោះគឺរថយន្ដអគ្គិសនីលក្ខណៈគ្រួសារ Audi Urbansphere ជាមួយរូបរាងធំទូលាយ បច្ចេកវិទ្យាទំនើប។

រូបភាព៖ រថយន្ដអគ្គិសនីប្រភេទ MiniVan របស់ Audi, Audi Urbansphere

UrbanSphere នេះត្រូវបានរចនាឲ្យមានទំហំធំ ប្រហាក់ប្រហែលទៅនឹងឡានអ្នកដំណើរធន់តូច ឬ Minivan ជាមួយនឹងបណ្ដោយ ៥ម ទទឹង ២ម កម្ពស់ ១ម៧៨ ម.ម។ វាជាម៉ូដែលចុងក្រោយគេ និងធំជាងគេបង្អស់ក្នុងគ្រួសារត្រកូល Sphere របស់ Audi ដែលរួមមាន Audi Skysphere, Grand Sphere និង Urbansphere នេះ។

ផ្នែកខាងក្នុងមានបំពាក់កៅអីចំនួន ៦ ដែលអាចបត់ផ្ដេកបាន ៦០ដឺក្រេ មានបំពាក់អេក្រង់ទំនើប OLED បត់បាន ដែលអាចប្រើប្រាស់សម្រាប់ការមើលវីដេអូ ឬការប្រជុំពីចម្ងាយផ្សេងៗ ដល់អ្នកដំណើរផ្នែកខាងក្រោយ។

រូបភាព៖ ផ្នែកខាងក្នុងរថយន្ដ Audi Urbansphere

Urbansphere បានបំពាក់ជាមួយម៉ូទ័រអគ្គិសនី ២ អាគុយថាមពល ១២០ kWh អាចផលិតកម្លាំងបាន ៣៩៥ សេះ ជាពិសេសវាអាចសាកបានលឿនពី ៥% ទៅ ៨០% ប្រើពេលត្រឹមតែ ២៥នាទីប៉ុណ្ណោះ។

រូបភាព៖ ដៃចង្កូត និងឈ្នាន់ហ្គែរ ត្រូវបានពន្លេចចូលទៅក្នុង dashboard ពេលស្ថិតក្នុង Self Driving Mode

Audi បានឲ្យដឹងថា គោលបំណងនៃការពង្រីកទំហំរថយន្ដនេះគឺ ដើម្បីជាការសម្រូលដល់អ្នកជិះឲ្យមានផាសុខភាព ក្នុងពេលធ្វើដំណើរក្នុងក្រុង ដែលមានចរាចរណ៍មមាញឹក និងកកស្ទះច្រើន ដោយផ្នែកខាងក្នុងត្រូវបានរចនាឡើង ស្ទើរតែដូចនឹងកូនបន្ទប់លំហែកាយដូច្នោះដែរ។

រូបភាព៖ អេក្រង់ទំនើប Audi Urbansphere OLED Screen

សម្រាប់ការបើកបរវិញ Urbansphere ត្រូវបានបំពាក់បច្ចេកវិទ្យាដូចគ្នានឹង skysphere ដែរ ដោយវាមាន ២ មុខងារបើកបរគឺ ការបើកបរដោយផ្ទាល់ និងការបើកបរដោយប្រើប្រាស់ប្រព័ន្ធស្វ័យប្រវត្តិ ដែលដៃចង្កូត និងឈ្នាន់ហ្គែរ ត្រូវបានពន្លេចចូលទៅក្នុង dashboard ពេលមិនត្រូវការប្រើប្រាស់ ជំនួសមកវិញនូវអេក្រង់កម្សាន្តខ្នាតយក្សពាសមួយតាបឡូពេញ។

សម្រាប់ព័ត៌មានលម្អិត ទាក់ទងនឹងតម្លៃ មុខងារប្រើប្រាស់ថ្មីៗ និងចម្ងាយចរជាដើម Audi នៅមិនទាន់បានឲ្យដឹងច្បាស់ នៅឡើយទេ គ្រាន់តែបង្ហើបការរំពឹងទុកថា Urbansphere នឹងអាចបើកបរបានក្នុងចម្ងាយដល់ទៅ ៧៥០គម រាល់ពេលសាកពេញម្ដង។

អត្ថបទ៖ Andra AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

ធ្លាប់តែផលិតឡានស្ព័រ ស្រាប់តែឥឡូវ Audi ចេញឡានអគ្គិសនីបើកស្វ័យប្រវត្តិ មាឌធំខុសពីឡានធម្មតា

អត្ថបទថ្មី

អត្ថបទទាក់ទង

វីដេអូ