👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

BMW បានបញ្ចេញគម្រូម៉ូតូថ្មីមួយរបស់ខ្លួន ដែលទំនើបប្លែកខុសពីម៉ូតូធម្មតា ដូចម៉ូតូផុសចេញពីក្នុងរឿង Hollywood ដោយសារតែវាមិនត្រូវការកង់បើកលើដីនោះទេ គឺអាចហោះបានតែម្ដង ឈ្មោះថា BMW R1200GS hover Bike ឬ ម៉ូតូអណ្ដែត នេះបើតាមការចុះផ្សាយពីសារព័ត៌មាន BMW Blog កាលពីពេលថ្មីៗនេះ។ 

                      រូបភាព៖ គម្រូម៉ូតូអណ្ដែតរបស់ BMW 'BMW R1200GS Hover Bike

ម៉ូតូអណ្ដែត របស់ BMW នេះត្រូវបានយកគម្រូរចនាពីម៉ូតូធំ BMW R1200GS ដោយក្រុមនិស្សិតរបស់ក្រុមហ៊ុន BMW ក្នុងក្រុង Munich ប្រទេស អាល្លឺម៉ង់ ក្រោមគម្រោង “R1200GS Hover Design Concept”  ប្រើប្រាស់គ្រឿងរបស់ LEGO Techinic ផ្គុំចូលគ្នាចំនួន ៦០៣ បំណែក បន្ទាប់មក ទើបគេរៀបចំផ្គុំរបស់ពិតជាគម្រូ មានទំហំប៉ុនគ្នានឹងម៉ូតូពិតៗ មុននឹងសម្រេចចិត្តចាត់ចែងបើកការផលិតដាក់លក់នៅពេលក្រោយ ។ 

                    រូបភាព៖ គម្រូម៉ូតូអណ្ដែតរបស់ BMW 'BMW R1200GS Hover Bike

បើតាមការឲ្យដឹងពីក្រុមហ៊ុន LEGO ថា ដើមឡើយបំណែកគ្រឿងដែលធ្វើជាគម្រូម៉ូតូនេះ ត្រូវបានផលិតឡើងជាគ្រឿងជ័រ (LEGO) សម្រាប់ឲ្យអតិថិជនណាដែលចាប់អារម្មណ៍ចង់យកទៅរៀបធ្វើលេងប៉ុណ្ណោះ តែក្រោយមក BMW ក៏សហការគ្នាជាមួយ LEGO ហើយយកគ្រឿងនេះមករៀបដំឡើងបានជាគម្រូម៉ូតូអណ្ដែតនេះ រួចហើយ ក៏ធ្វើវាជារបស់ពិតតែម្ដង។

                        រូបភាព៖ ក្រុមនិស្សិត BMW ប្រើប្រាស់គ្រឿង lego រៀបជាគម្រូដំឡើងម៉ូតូអណ្ដែត                                                  ក្នុងគម្រោង 'BMW R1200GS Hover Bike Concept'

ក្រុមហ៊ុន បានឲ្យដឹងដែរថា  គម្រូម៉ូតូអណ្ដែតនេះ នឹងចេញមុខឲ្យសាធារណៈជនទស្សនាដំបូង​ក្នុងកម្មវិធី Lego World ក្នុងក្រុង Copenhagen ប្រទេស ដាណាម៉ាក រួចបន្ដទៅកម្មវិធី BMW Welt ក្នុងក្រុង Munich ហើយសម្រាប់ការដាក់វាផលិតពិតប្រាកដ ឬអត់នោះ BMW នៅមិនទាន់បានបង្ហើបឲ្យដឹងនៅឡើយទេ ប្រហែលជាអាស្រ័យទៅនឹងតម្រូវការ និងសន្ទុះនៃការចាប់អារម្មណ៍ពីអ្នកប្រើប្រាស់សិន។ 

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto