👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ក្ដៅៗ ក្រុមហ៊ុនផលិតរថយន្ដប្រណិតល្បីឈ្មោះ BMW ទើបតែបានប្រកាសបង្ហាញមុខរថយន្ដ SUV កៅអី ៣ជួរ សេរីឆ្នាំ ២០២៣ ថ្មីរបស់ខ្លួនឈ្មោះថា BMW X7 ជាមួយនឹងការរចនាម៉ូដស្អាតសង្ហា និងគ្រោងធ្លាក់មកលើទីផ្សារដំបូងនៅចុងឆ្នាំនេះ។ 

BMW X7 ២០២៣ មាន ៣ម៉ូដែល​ ម៉ូដែលស្ដង់ដារ X7 xDrive40i, X7 M60i និង Alpina XB7 ដែលមិនទាន់បានចេញមុខនៅឡើយ ដោយគ្រប់ម៉ូដែលត្រូវបានរចនាឲ្យមានរាងបែបស្រដៀងៗគ្នា តែខុសគ្នាបន្ដិចៗ ដូចជាលើកចង្កៀងមុខ មានប៉ាណាមុខធំ ដែលបង្ហាញអត្តសញ្ញាណ របស់​ BMW បំពាក់កង់ទំហំ ២២ អ៊ីញ និងមានពណ៌ច្រើនជម្រើស។  

សម្រាប់ម៉ូដែលស្ដង់ដារ X7 xDrive40i ត្រូវបានបំពាក់ជាមួយម៉ាស៊ីន Turbocharged ៦ ស៊ីឡាំង ចំណុះ ៣.០ លីត្រ អមជាមួយប្រព័ន្ធ Mild Hybrid Assist ថាមពល ៤៨ វ៉ុល នាំឲ្យវាផលិតកម្លាំងបាន ៣៧៥ សេះ និងជាន់បានល្បឿនពី ០ ទៅ ១០០គម ក្នុងមួយម៉ោងប្រើពេល ៥.៦ វិនាទី។

រីឯ M60i បំពាក់មាស៊ីន V8 twin-Turbocharge ស៊ីឡាំងចំណុះ ៤.៤ លីត្រ ផលិតកម្លាំងបាន ៥២៣ សេះ និងជាន់ពី ០ ទៅ ១០០គម/ម ប្រើពេលតែ ៤.៥ វិនាទី។ ចំណែកឯ Alpina XB7 ដែលចេញក្រោយគេ ប្រើម៉ាស៊ីន twin turbo V8 ដែលផលិតកម្លាំងបានដល់ទៅ ៦៣០ សេះ និងជាន់ល្បឿនពី ០ ទៅ ១០០ គម/ម​ប្រើពេល ៤ វិនាទីប៉ុណ្ណោះ។ ក្នុងនោះគ្រប់ម៉ូដែលទាំងអស់គឺប្រើប្រាស់ប្រអប់លេខ ៨ វគ្គអូតូ។ 

ក្រឡេកមកផ្នែកខាងក្នុង BMW X7 បានបំពាក់អេក្រង់កុងទ័រ ទំហំ ១២.៣ អ៊ីញ ភ្ជាប់នឹងអេក្រង់កម្សាន្ដទំហំ ១៤.៩ អ៊ីញ ដែលប្រើប្រាស់ប្រព័ន្ធ BMW iDrive 8 infotainment System ថ្មីរបស់ BMW ការររចនាបែបបថតាបឡូថ្មី និងមានប្រព័ន្ធបញ្ជាច្រើនប្រភេទផងដែរ។

បើតាមការឲ្យដឹងពី សារព័ត៌មាន Car and Drive, BMW X7 2023 នេះនឹងបង្ហាញមុខលើទីផ្សារសហរដ្ឋអាមេរិក នៅចុងឆ្នាំ ២០២២ នេះ ដោយមានតម្លៃចាប់ពី ៧៨ ៨៤៥ ដុល្លារសម្រាប់ X7 ស្ដង់ដារ xDrive40i, ១០៤ ០៩៥ ដុល្លារសម្រាប់ម៉ូដែល M60i និង Alpina XB7 អាចចាប់ផ្ដើមពី ១៤៥ ០០០ ដុល្លារទៅ។  

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto