👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីថ្ងៃទី ២៦ មេសា​ កន្លងទៅនេះ​ ឯកឧត្តមទេសរដ្ខមន្ដ្រី ស៊ុន ចាន់ថុល ក្នុងដំណើរទស្សនកិច្ចលើ

គម្រោងសាងសង់ផ្លូវល្បឿនលឿន ភ្នំពេញ-ព្រះសីហនុ

បានឲ្យដឹងថា

ផ្លូវល្បឿនលឿននេះនឹងបើកឲ្យប្រជាប្ររដ្ឋធ្វើដំណើរបានសេរីឥតគិតថ្លៃជាការសាកល្បងរយៈពេល ១ ខែ

។ 

រូបភាព៖ ផ្លូវល្បឿនលឿន ភ្នំពេញ-ក្រុងព្រះសីហនុ

ផ្លូវល្បឿនលឿនភ្នំពេញ-ក្រុងព្រះសីហនុនេះ បានចាប់ផ្ដើមការសាងសង់

កាលពីខែកក្កដា ឆ្នាំ២០១៩​

ស្ថិតក្រោមប្រតិបត្តិរបស់ក្រុមហ៊ុនសាវជិវកម្មស្ពានថ្នល់ចិន​

ក្រុមហ៊ុន PPSHV Expressway Co., Ltd, ក្រុមហ៊ុន CRBC (China Road and Bridge Corporation), និងត្រួតពិនិត្យបច្ចេកទេសដោយក្រុមហ៊ុន MINCONSULT SDN. BHD ក្នុងថវិកាវិនិយោគប្រមាណ ២ ០១៩ លានដុល្លារ មាន

ប្រវែងសរុប

១៨៧.០៥ គម ដែលពេលនេះបានសម្រេចការសាងសង់ ៩០.៩៥%​ ហើយ និងគ្រោងបង្ហើយនៅខែកញ្ញា ឆ្នាំ ២០២២ ខាងមុខនេះ។ 

រូបភាព៖ គម្រូផ្លូវល្បឿនលឿន ភ្នំពេញ-ក្រុងព្រះសីហនុ

ឯកឧត្តមបានបន្ថែមទៀតថា សម្រាប់ផ្លូវល្បឿនលឿននេះ ក្រុមហ៊ុនដៃគូ នឹងអនុញ្ញាតឲ្យអ្នកធ្វើដំណើរ ប្រើប្រាស់បានដោយសេរី ឥតគិតថ្លៃចំនួន ១ខែដំបូង ដើម្បីជាការសាកល្បង គុណភាព និងផាសុខភាពផ្លូវ បន្ទាប់មកក្នុងឆ្នាំទី ១ នៃការប្រើប្រាស់ គឺគិតថ្លៃសេវា ១២ដុល្លារ ក្នុងការធ្វើដំណើរ ១ ជើង

ដែលឯកឧត្តម បានលើកឡើងថាវាជាតម្លៃសមរម្យមួយសម្រាប់ការប្រើប្រាស់ព្រោះថា​ បើប្រៀបជាមួយផ្លូវល្បឿនលឿនស្រុកគេដែលគិត ១០សេនក្នុងមួយគីឡូម៉ែត្រនោះ សម្រាប់ផ្លូវនេះហោចណាស់ក៏ត្រូវចំណាយពី ១៨ ទៅ ១៩ ដុល្លារដែរ ម្យ៉ាងទៀត បើសិនជាបងប្អូនប្រជាពលរដ្ឋជ្រើសប្រើផ្លូវធម្មតា អាចនឹងចំណាយពេលយូរ គ្មានសុវត្ថិភាព និងផាសុខភាពពេលបើកបរ ដូចនេះនេះជាតម្លៃមួយដែលអ្នកធ្វើដំណើរគួរពិចារណា។ 

រូបភាព៖ ការសាងសង់ទីតាំងសម្រាប់សម្រាកលើផ្លូវល្បឿនលឿន ភ្នំពេញ-ព្រះសីហនុ

ផ្លូវនេះត្រូវបានចែកចេញជា ៤គន្លង ទៅមក តភ្ជាប់ពីភូមិ ១ សង្កាត់ សំរោងក្រោម ខណ្ឌពោធិ៍សែនជ័យ រាជធានីភ្នំពេញ​ កាត់ខេត្តកណ្ដាល កំពង់ស្ពឺ កោះកុង ទៅបញ្ចប់នៅភូមិ១ សង្កាត់លេខ៣ ក្រុងព្រះសីហនុប្រសព្វនឹងផ្លូវជាតិលេខ ៤ បើកបានក្នុងល្បឿន១០០ គីឡូម៉ែត្រក្នុងមួយម៉ោង ដែលអាចកាត់បន្ថយរយះពេលការបើកបរ ពីភ្នំពេញទៅព្រះសីហនុត្រឹម ២ម៉ោង។ 

រូបភាព៖ ទីតាំងត្រួតពិនិត្យ និងប្រតិបត្ដិការសមាសធាតុផ្សំសម្រាប់សាងសង់ផ្លូវ

ឯកឧត្តមកទេសរដ្ឋមន្ដ្រីបានបញ្ជាក់ដែរថា នៅលើផ្លូវល្បឿនលឿននេះមាន ទីតាំងសម្រាកចំនួន ៦ កន្លែងនៅអមសងខាងផ្លូវ ដែលជាប្រជុំទីតាំងដូចជា ចំណតឡាន កន្លែងចាក់សាំង កន្លែងម្ហូបអាហារ​ កន្លែងសក្ការៈ បន្ទប់ទឹក ជាដើម ជាពិសេស គឺមានស្ថានីយ៍សម្រាប់សាកឡានអគ្គិសនីពីរសងខាង ប្រចាំទីតាំងនីមួយៗផងដែរ សម្រាប់អ្នកដំណើរប្រើប្រាស់ឡានអគ្គិសនី ។  

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto