ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

លោក ញាន ផល្លឹក អ្នកផលិតរថយន្តអគ្គិសនីអង្គរ ដែលមានមានភាពល្បីល្បាញនៅក្នុងអំឡុងឆ្នាំ២០១០ មកដល់ពេលបច្ចុប្បន្ននេះ បានបង្ហើបប្រវត្តិមិនធម្មតារបស់ឡានមួយនេះ តាំងពីចាប់ផ្តើមបាតដៃទទេ រហូតមានភាពល្បីល្បាញដល់សារព័ត៌មានបរទេសជាច្រើន ។ 

ជុំវិញការផលិតឡានអគ្គិសនីក្នុងស្រុកនេះ ស្ថានិក លោក ញាន​​​​​​ ​ផល្លឹក បានឲ្យដឹងថា ឡានអង្គរត្រូវបានចាប់ផ្តើមផលិតតាំងពីឆ្នាំ ២០០៣ មកម្លេះ ដោយឡានដំបូងលោកបានដាក់ឈ្មោះថា ឡានអង្គរទី១

រូបភាព៖ Angkor Car First Varaint (Angkor Car)

ក្រោយមកទៀតនៅក្នុងឆ្នាំ ២០០៤ បន្តផលិតបានឡានអង្គរទី២ ដល់ឆ្នាំ ២០១៣ ឡានអគ្គិសនីខ្មែរ បានចាប់ផ្ដើមបង្ហាញដោយលោកផ្ទាល់ កាន់តែល្បីល្បាញដល់សារព័ត៌មានក្នុងស្រុក​ និងក្រៅស្រុក។

រូបភាព៖ Angkor Car Third Varaint (Angkor Car)

គួររំឭកដែរថា រថយន្តអង្គរ ដែលជាស្នាដៃកូនខ្មែរ ត្រូវបានផលិតឡើងមាន ៦ជំនាន់​មក​ហើយ​ មានដូចជា រថយន្តអង្គរ ២០០៣, រថយន្តអង្គរ ២០០៤,  រថយន្តអង្គរ ២០១០, រថយន្តអង្គរ EV ២០១៣, រថយន្តអង្គរ EV ២០១៤ និងរថយន្ដអង្គរ EV ២០១៨ ឈ្មោះថា Golf Car ​ដែលមានការរចនារូបរាងខុសពីស៊េរីមុនៗ។

រូបភាព៖ Angkor Car First EV Variant (Angkor Car)

ក្នុងនោះដែរ ម៉ូតូអគ្គិសនីអង្គរ ២០១៥ បានចាប់បដិសន្ធិឡើងនៅថ្ងៃទី ១៣ មិនា ឆ្នាំ ២០១៤ និងសម្រេចរួចរាល់នៅថ្ងៃទី ២៩ សីហា ឆ្នាំ២០១៤ ។

រូបភាព៖ Angkor Electric Motor (Angkor Car)

“ពេលធ្វេីឡានដោយដៃ​ មិនស្រួលដូចពេលគិតទេ​ ត្រូវចំណាយពេលជិត១ឆ្នាំ​ ឬជាង១ឆ្នាំ​ ទេីបធ្វេីបាន ១គ្រឿងៗ មិនស្រួលដូចអ្នកគិត​ និងអ្នកថានោះទេ” នេះបើតាមការលើកឡើងរបស់លោក ញាន ផល្លឹក ។

បន្ថែមពីនេះទៀត លោកបានបង្ហើបពីអតីតកាល តាមរយៈទំព័រហ្វេសប៊ុកផេក Angkor​​​​ Car ​លោកធ្លាប់ទទួលបានមតិយោបល់មួយចំនួន ពីប្រជាពលរដ្ឋខ្មែរថា "ហេតុអ្វីបានជាលោកបង្កើតឡានមកមិនដូចគេ?"

រូបភាព៖ អ្នកកាសែតជនជាតិជប៉ុនចុះមកធ្វើបទសម្ភាសជាមួយម្ចាស់ស្ថាបនិកឡានអង្គរ (Angkor Car)

តែផ្ទុយគ្នាស្រឡះពីបងប្អូនខ្មែរយើងអ្នកកាសែតជនជាតិជប៉ុនមួយរូប បាននិយាយដូចមើលឃើញកាលពីជាង១០ឆ្នាំមុន មកកាន់ស្ថាបនិកឡានអង្គរខ្មែរថា

“ឡានអង្គរឆ្នាំ ២០១០ នេះបានបំពាក់បច្ចេកវិទ្យាទំនើប ដែលជប៉ុនគ្រោងផលិតនៅអនាគតឆ្នាំ ២០២០-២០៣០”។

រូបភាព៖ កម្មវិធីបញ្ជាតាមទូរសព្ទ (Angkor Car)

ស្ថាបនិករូបនេះបញ្ជាក់ថា ឡានអង្គរអគ្គិសនីឆ្នាំ ២០១៤ គឺធ្វេីចេញពីបេះដូង និងដៃសុទ្ធសាធ១០០% ជាពិសេសឡាននេះ មិនប្រេីប្រាស់សោរ ឬស្មាតឃី (Smartkey)​ មិនមានដៃសំរាប់បេីកទ្វារ និងរន្ធសំរាប់ចាក់សោរនោះទេ គឺប្រេីកម្មវិធីបញ្ជា តាមទូរសព្ទដៃដែលមានដូចជា​ មុខងារបញ្ជាឲ្យបញ្ឆេះ និង ពន្លត់ម៉ាសុីន​, មុខងារ បេីកបិទទ្វារ ឆ្វេងស្ដាំ​ ទ្វារក្រោយ​ និងបេីកកន្លែងសាកភ្លេីង​ជាដើម ជាពិសេសគឺ មុខងារបញ្ឆេះម៉ាស៊ីនដោយប្រេីក្រយ៉ៅដៃ។ 

រូបភាព៖ Angkor Car Second EV Variant (Angkor Car)

ក្នុងនោះដែរ អ្នកយកព័ត៌មានទូរស្សន៍ CNN មួយរូប កាលពីឆ្នាំ២០០៤ លោក​ Aneesh Raman បានព្យាយាមទាមទាររកភស្ដុតាងមកបញ្ជាក់ថាលោក ញាន ផល្លឹក គឺពិតជាម្ចាស់រថយន្តអគ្គិសនី បង្កើតឡើងដោយដៃដ៏អស្ចារ្យនេះពិតមែន។ ពេលនោះ លោកពូ បានបង្ហាញរូបថតជាង៣០០សន្លឹក និងកាសែតវីដេអូ ដែលបានថតអំឡុងពេលចាប់ផ្ដើមផលិតរថយន្តអង្គរអគ្គិសនីនេះឡើង។

រូបភាព៖ អ្នកកាសែតបរទេស ចុះមកសម្ភាសលោកពូ ផល្លឹកពីឡានអង្គរ (Angkor Car)

នៅក្នុងឆ្នាំ ២០១០ លោក Robert Hetkamper អ្នកយកព័ត៌មានទូរទស្សន៍អាឡឺម៉ង់ ARD បានដាក់ឈ្មោះឲ្យឡានអង្គរថា “ឡានស្គាល់ម្ចាស់” ដោយសារឡាននេះមានសមត្ថភាពពិសេស មិនអនុញ្ញាតឲ្យនរណាក្រៅពីម្ចាស់របស់ខ្លួនបើកទ្វារបានឡើយ។ រឹតតែពិសេសជាងនេះទៅទៀតនោះគឺ ឡាននេះចេះនិយាយប្រាប់កុំឲ្យបិតបើកទ្វាខ្លាំងៗពេក។

រូបភាព៖ ផ្នែកខាងក្នុងឡានអង្គរ (Angkor Car)

គួរបញ្ជាក់ដែរថា ពេលថ្មីៗនេះដែរ លោកបានបង្ហាញវីដេអូខ្លីមួយ ពីការដំឡើងផ្លឹតទឹកថ្មី ដាក់ចូលឡានក្រុងដំបូង ប្រើប្រាស់ដោយថាមពលអគ្គិសនី និងសូឡា ១០០% ធ្វើដោយដៃផ្ទាល់ លើសពីនេះទៅទៀត លោកក៏បានបង្ហើបដំណឹង ពីការចាប់ផ្ដើមផលិតកង់បីបរិស្ថានសេរីឆ្នាំ ២០២២​ ដែលដំណើរការដោយសូឡា និងអគ្គិសនីក្នុងពេលឆាប់ៗខាងមុខនេះ៕

រូបភាព៖ ឡានក្រុងអង្គរ ប្រើ សូឡា និងអគ្គិសនី (Angkor Car)

អត្ថបទដោយ៖ ថាវី

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto