បន្ទាប់ពីការបើកដំណើរការរផ្លូវល្បឿនទី ១ ភ្នំពេញ-ព្រះសីហនុ កាលពីខែមុន ទទួលបានជោគជ័យ និងមានការប្រើប្រាស់ច្រើនពីប្រជាពលរដ្ឋ គួរឲ្យកត់សម្គាល់ ក្រសួងសាធារណការ និងដឹកជញ្ជូន នៅថ្ងៃទី ១០ វិច្ឆិកា នេះ បានចុះហត្ថលេខា លើគម្រោងសាងសង់ផ្លូវល្បឿនលឿនទី ២ ភ្ជាប់ពីភ្នំពេញ ទៅ បាវិត (ស្វាយរៀង) ជាមួយនឹងក្រុមហ៊ុនសាជីវកម្ម ស្ពានថ្នល់ចិន (CRBC) ដែលចាប់ផ្ដើមការដ្ឋានសាងសង់ឆ្នាំ ២០២៣នេះ។
តាមប្រសាសន៍របស់ឯកឧត្តមទេសរដ្ឋមន្រ្ដី ស៊ុន ចាន់ថុល បានឲ្យដឹងថា៖
“ផ្លូវនេះមានចម្ងាយ ១៣៨ គម ប៉ុន្ដែមានស្ពានឆ្លងទន្លេ មេគង្គ ដ៏វែងមួយដែលទាំងស្ពាន និងផ្លូវ (ភ្ជាប់ទៅស្ពាន) ប្រហែល ៥ គីឡូម៉ែត្រ ហើយថវិកាដែលបានគ្រោងទុក ប្រហែល ១.៦៣៨ លាន(ដុល្លារ )និងសង្ឃឹមបើកការដ្ឋាននៅពាក់កណ្ដាលឆ្ឆ្នាំ ២០២៣ និងបញ្ចប់នៅចុងឆ្នាំ ២០២៦ ឬដើមឆ្នាំ ២០២៧ ឲ្យចប់ ប្រហែលនឹងផ្លូវល្បឿនលឿនពីក្រុង ហូជីមិញ មក ម៉ុកប៉ៃ បាវិត ដើម្បីតភ្ជាប់នឹងផ្លូវល្បឿនលឿនរបស់យើង”
ស្របជាមួយគ្នានេះផងដែរ ឯកឧត្តមកទេសរដ្ឋមន្ដ្រី ក៏បានលើឡើងដែរថា ក្នុងកិច្ចសំណេះសំណាល ជាមួយរដ្ឋមន្ដ្រីក្រសួងដឹកជញ្ចូនថ្មី របស់វៀតណាម កាលពីពេលថ្មីៗនេះ បានឲ្យដឹងថា ផ្លូវល្បឿនលឿន ហូជីមិញ-ម៉ុកប៉ៃ គ្រោងនឹង ចាប់ផ្ដើមសាងសង់ចុងឆ្នាំ ២០២២ ហើយបញ្ចប់នារង្វង់ចុងឆ្នាំ ២០២៦ ឬ ដើមឆ្នាំ ២០២៧ នេះដូចគ្នា និងផ្លូវល្បឿនលឿន ភ្នំពេញ-បាវិត ដែរ ដោយឯកឧត្តមបានបន្ថែមទៀតថា សម្រាប់ទីតាំង តភ្ជាប់ អាចនឹងស្ថិតត្រង់បង្គោលគីឡូម៉ែត្រលេខ ១៦៤ តែខាងវៀតណាម នឹងផ្ដល់ព័ត៌មានជាលាយលក្ខណ៍អក្សរ ប្រាប់ពីទីតាំងពិតប្រាកដមកដល់កម្ពុជា ដើម្បីរៀបចំគូរប្លង់ ទិញដី ឲ្យបានត្រឹមត្រូវ ចំទីតាំងដែលតភ្ជាប់ជាមួយគ្នា។
ឆ្លៀតក្នុងឱកាសនេះ ឯកឧត្តមក៏បានលើកឡើង ពីសារសំខាន់នៃផ្លូវល្បឿនលឿននេះ ដែលនឹងក្លាយជាផ្លូវអាស៊ានលេខ ១ តភ្ជាប់ពី ចិន មីយ៉ាន់ម៉ា ថៃ កម្ពុជា និង វៀតណាម ដោយពង្រីកពី ២ គន្លងទៅ ៤ គន្លង ពីប៉ោយប៉ែត មកភ្នំពេញ និងភ្ជាប់ពីភ្នំពេញទៅបាវិត តាមរយៈផ្លូវល្បឿនលឿនទី ២ នេះផងដែរ ក្នុងគោលបំណងសម្រួលដល់ការធ្វើដំណើរ និងដឹកទំនិញពី ចិន មកកម្ពុជា និងវៀតណាម ឆ្លងកាត់បានរលូន ដោយហេតុថា កម្ពុជា ជាមជ្ឈមណ្ឌលកណ្ដាលនៃពាណិជ្ជកម្មទន្លេមេគង្គស្រាប់។
អត្ថបទ៖ Andra
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
BYD ចេញរថយន្ដ Hybrid ២ ម៉ូដែលថ្មីទៀត តម្លៃចាប់ផ្ដើមពី ១៨០០០ ដុល្លារជាង
Odyssey 2025 បានប្រកាសតម្លៃនៅលើទីផ្សារចាប់ពី 4 ម៉ឺនដុល្លារជាង ក្នុងនាមជាឡាន Minivan របស់ Honda
កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!
ZEEKR Cambodia នាំចូលរថយន្ដអគ្គិសនីជាច្រើនម៉ូឌែល ស្របពេលស្រុកខ្មែរចាប់ផ្ដើម និយមឡាន EV បណ្ដើរៗ